وصفتنا النهاردة سهلة ولذيذة ولكن النتيجه مبهرة
والوصفة دي من ابتكاراتي المطبخية مش عارفة موجودة هنا ف المنتدي
ولا اية المهم ان الفكرة طرأت ف بالي فنفذتها ف الحال
وقلت يلا شوفوا معايا ياحوائيات واعملوها لانها بتعجب الاطفال جدا
وكمان مناسبة للحفلات
المقادير
كيس توست ممكن تشترية اوتعملية بطريقتي وسبق ونزلت طريقتة
بس للأسف مش هااقدر احط الرابط لاني كتبت الموضوع م الايفون
تونه
بصل اخضر
فلفل اخضر وأحمر
مايونيز
ليمون+شطة+فلفل اسود
الحشو التاني::
مجموعه م الاجبان
الطريقة:
حشو التونة
نصفي التونة م الزيت ونضيف لها معلقة كبيرة مايونيز ونقطع البصل
الاخضر والفلفل الاخضر ونضيفه لها ثم نضيف الليمون والشطة والفلفل الاسود ونخلطهم كويس وع فكرة طعمها يجنن
ودي شكل التونة بعد الإضافات
بعدين ندهن شريحة التوست لبنة
ثم نضيف خلطة التونة
ثم شريحة توست وندهنها لبنة ثم حشو التونة وآخر طبقة توست
وندهن الوجه باللبنه
ثم يقسم نصفين ونضع اللبنه ف كيس الحلويات ويزين
بهذة الطريقة
م الداخل شوفوا الطبقات
تابعوا معي الحشو التاني بشكل مختلف
رجاء عدم الرد حتي يكتمل الموضوع
الحشو التاني حشو الاجبان
ندهن التوست لبنه ثم نضع جزر مبشور
ثم شريحة جبن شيدر(انا نسيت اقولكوا ان إحنا هانقطع التوست هنا دوائر)
ثم طبقة من التوست وندهن باللبنه
ثم شريحة جبن قشقوان (بحبها جدا)
ثم طبقه من التوست ويدهن الوجه باللبنه ويزين
م الداخل
أتمني الموضوع يعجبكوا
واتمني أيضاً اشوف تطبيقاتكوا
في رعاية الله وامنه
ولاتحرموني من دعواتكم الطيبه