مشاركتي (قل خيرا أو أصمت) وخل قلبك صندوق لسانك

السلام عليكم
أهليين حبايبي بنات حواء
تسيف حالكم
عساكم طيبين

والله بغيت أعطيكم علوم عن عدم كثرة القرق وعدم كثرة الهرج
وراح أهرج وأقلل هرجي بقدر استطاعتي لأني وللأسف كثيره قرق

أما بعد:
سبحان من خلق المرأه بدون شعر لحيه ...(عشان يسهل عليها كثرة القرق خخخ)
وخلق أكثر الرجال بدون شعر رأس ...(طاحت شعورهم من قرق الحريييم خخخ)



أما بعد:
حياكم الله في موضوعي اللي هو (لاتكثرون قرق)
وحياكم الله وعين فراش وعين فراش ثاني
وياهلا ومسهلا




أما بعد:
يابنات نصيحتي لكم نصيحه
ذهبيه
وقيمه
وراح أختصرها لكم بقدر الاستطاعه
خخخخخخ


وهي
^


^




^




^






^



^






لاتكثرون القرق



أما بعد :


خلي قلبك هو صندوق لسانك
أوزني الكلام قبل لاتطلعينه

بكل شي بحياتك
جاملي الناس لاتجرحينهم ....
سامحيهم عشان نفسك مو عشانهم ....وتذكري الصحابي اللي شهد له الرسول اللهم صلي وسلم عليه بالجنه لأنه يعفو عمن ظلمه




وايضا
من ناحيه الفضفضه وكثرة القرق...........
يعني اذا بغيتي تتكلميين ولازم وضروري يعني مضطره مضطره (خلاص بتموتيين لو سكتي)...عندي لتس فكره خلاص اقرقي وحركي لسانك لكن بذكر الله وكرري الاستغفار


واذا بغيتي تهاوشين أحد وانتي معصبه لاتتهورين وتروحين بالوقت هذا أخااف تجيبين العيد (الحل عندي وأنا أابو هندي) روحي امسكي ورقه وقووولي كل اللي براسك وان خلصتي قطعيها أو أكتبي كل اللي تبين في رساله جوال وان خلصتي امسحيها لاتروحين ترسلينها تغلطيين خخخ



في النهايه
خلي ببالك هذي الحكمه

اذا قلبك ماحفظ سرك تيقن ان قلب غيرك مارح يحفظه







أنا كتبت موضوعي هنا لأن القسم هذا كله مشااكل وهموم وأبو الشباب شال وأبو الشباب حط
أنا أقول حلو الوحده تفضفض والله يازين الفضفضه يريحون الأخوات يخففون من المصائب الله يجزاهم ويجيبون حلول
بس احذري تكون التفاصيل كلها مكتوبه يعرفونك الناس
ويروووح سرك بالخرخر



والله اني عرفت وحده من الجماعه من مشكله لها ذكرتها وللأسف صارت ببالي وكل ما أشوف البنت أتذكر كلامها..
مع اني حفظت لها سرها الحمد لله .... بس لو طاحت بوحده بهذلتها وراحت تنشر سرها عند حمولتها وفضحتها فضيحه...........الله يستر







أما بعد...................(مابعد بدييت خخخ)
وفي نهايه كلامي كالعاده تذكروا أن الدنيا فانيه لاتسوى عند الله جناح بعوضه
ماتسوى نحمل قلوبنا هموووم فووق طاقتنا

وفي النهايه ...........(أخيرا انتهى القرق خخخ)

أهديكم هذي الكلمات وهي درر تسطر بماء الذهب
تغني عن الكلام وهي انشوده المنشد سمير بشير كلماتها رااائعه

اجامل وابتسم واضحك وانا في داخلي مقهور

احاول اكتم احزاني ورى صدري وأخبيها

أحاول اكتم همومي واخبيها وأنا مجبور

واحاول قد ما أقدر أبعد عن حراويها

لو اني كنت بنطقها مع انها واقفة بالزور

... ولكن لازم اكتمها ولا ابين معانيها

ولو بعض البشر تدري وتكشف خافي المستور

... أببلش في شماتتها وابتعب من حكاويها

طبيعه ماتفارقهم طبيعة من قديم عصور

... ورا حكي القفى تطرد وتنبش في خوافيها

واذا طاح الرجل مرة وصار من الزمن مكسور

... تجيله طعنه بظهره تفاجأ مادرى فيها

تفاجئ مادرى باللي بيصير ومن وراه يدور

...وخابت هقوته فيهم بعد ماكان هاقيها

لجل هذا كتمت الهم في صدري وانا معذور

... همومي في وسط قلبي أخبيها واخليها

واذا زاد الحزن فيني كني وحيد بعالم مهجور

... كأني بدنيتي وحدي وكل الناس جافيها

واذا ودي أبوح بهم أبد ما اكتبه بسطور

... همومي بس في نفسي الحنها واغنيها

مصير الهم يترحل وأعيش بدنيتي مسرور

...مصير الهم ينساني ونفسي ما يعنيها

مصير القلب لو يظلم يجي يوم ويشوف النور

...مصير الناس تتبدل وتتغير مماشيها

اذا صار الذي ودي أبيح خافي المستور

...واخلي الناس تدري بي وبهمومي أبكيها

ولكن بكتم همومي واخبيها عن الجمهور

... وطبع الهم مايهنى بغير ظلوع راعيها





الفيديو


http://www.youtube.com/watch?v=EgEuX3ePIrg







سلاااااام
واعذروني ما أقدر أكثر القرق لأني مشغووووله مرره:39: