المخلل

غليت مي .....وقطعت الخضار قطع متوسطه ....جزر خيار فلفل حلو وملفوف وقرنابيط ....وبعد ما غلي المي خليتهم في المي ولمجرد 7 دقايق واصفيهم ...يعني بس تذبيل ....بعد ما بردوا ....

حضرت في برطمان كبير خل وعليه اشوي كركم وثوم مقطع حلقات وبقدونس مفروم وضفت عليه الخضار وطلع شكله وطعمه يجننن روووووووعه وخليته في الثلاجه





المكسرات

جبت لوز وسلقته وشلت قشرته ....وحمصته في طاوه على النار بدون قطره زيت ...ونفس الش يالكاجو وطلع لونهم يجنن ...وطبعا احمص على دفعات علشان كلهم ياخذوا نفس اللون ...واحسن من القلي في الزيت وسعرات حراريه اكثر
وخليتهم في علب وعلى الفريزر ....حتى لما استخدمهم ما يحتاج بس طلعيهم قبل ما تخليهم على الرز او المقلوبه بخمس دقايق

****نبتدي بالسمبوسه





سويت سمبوسه اجبان مكسيكيه وهالبينو
اخذت فكره الغاليه مدام ين قصصت الهالبينو صغار كلش وخلطتها مع خليط الاجبان ( الصوره موجوده بموضوع التكساس فرايز ) وزدتها تشيدر وحشيت فيه السمبوسه






سمبوسه جبن عادي
جبن كرافت قصصته مكعبات وامررها بالزعتر واحشيها السمبوسه





سمبوسه لحم مفروم
احمس البصل واذا صار شفاف اضيف له اللحم المفروم والفلفل الاسود والبهار( استخدم بهار اسناد) والبزار واذا نشف مايه واستوا اسكر النار واضيف البقدونس واذا برد احشي فيه السمبوسه





سمبوسه خضار
اقصص بطاط وجزر مكعبات صغيره واسلقها على النار

احمس البصل مع نتفه ثوم واضيف لهم البهار والفلفل الاسود والكاري والكمون واذا استوو اسكر النار واضيف لهم كزبرا خضرا مفرومه واحشيها


سمبوسهتاكو
زاد عندي من حمسه اللحم المفروم مالت التاكو زدتها جبن تشيدر وحشيت فيها السمبوسه




سمبوسه بيتزا
خلطت جبن موتزريلا وجبن تشيدر مع زيتون اسود مقطع وفلفل ملون مع مشروم ورشه اوريغانو وشوي من صلصه البيتزا واحشيها


سمبوسه السلق
هالسمبوسه وايد احبها .. احمس بصل وطماط واضيف لهم ماجي خضرا وسلق وملح وفلفل وبهار وليمون اسود واتركه على النار لين يذبل واذا برد احشي فيه السمبوسه




سمبوسه البطاط
اسلق البطاط واخلطه مع حبوب كمون وحبوب كزبره خضرا واجار منجا وفلفل اسود وكار.ي واحشي فيه السمبوسه


بعد ما الفهم احطهم بصينيه بفريزر واذا جمدو احطهم بتبروير واكتب عليهم المحتوى واثلجهم بالفريزر ونفس الشي بالنسبه للسبرنغ رول
هالسنه سويت بس نوعين سبرنغ رول






سبرنغ رول خضار
اقصص ملفوف وبيبي ذره وبصل وجزر مبشور ومشروم تايلندي واحمسهم مع ثوم وزنجبيل وشوي تاي فش صوص وبهارات صينيه واحشي فيهم السبرنغ رول




سبرنغ رولربيان
شريت الربيان المثلج الصغير وحمست عليه نفس الحمسه بس زدتها شوي من صلصه ماجي السائله وحطيتها معاهم










*** العرايس




استخدمت وصفه العرايس الموجوده بالبلوق... وسويت طريقه ثانيه ... او تقدرون تاخذونها جاهزه من اللحام
انا اتعامل مع لحام الهدى بجمعيه بيان اخذت منه اللحم المفروم ورديت فرمته مع بصل وزدته بقدونس وثوم وزنجبيل وطماط وبهار وفلفل اسود وشوي دارسين ودبس الرمان
اخذ الخبز وادهنه بزيت زيتون( حق العرايس افضل الخبز فرش من المطاحن عشان لا يتشقق بالحشو ) واحشيه واثلجه وبعدين احط كل كميه بروحها بجيس







****الكبب



سويت كبه برغل وذاكره طريقتها بالموقع .. البرغل من سمراء عدن واللحم استخدم هبر واخلطه مع شوي ثلج واطحنه لما يكون نفس المرهم نفس طريقه الغاليه منى





كبه البطاط
استخدم طريقه الغاليه ام عزيزان
بطاطتين كبيره مسلوقين بالماء

وحطيت كوب واحد رز (الكوب= كاس الجبن) وسلقته بس لا يصير لين

وبعدها حطيت البطاط والرز في صحن لما يبردون وطبعا صفيتهم من الماء قبلها

وفرمتهم بالفرامه مره وحده بدرجة الوسط

وحطيت الملح واشوي كركم عشان تاخذ لون بس وبديت اشكلها

نجهز الحشوه .... لحم مفروم محموس مع بصل وصنوبر وملح ودارسين وفلفل اسود وبهار

وما شاء الله كانت العجينه مضبوطه

وكانت تحتاج القليل من الماء المثلج بس عشان اشكل فيها





كبه الرز
هم استخدمت طريقه ام عزيزان بس انا اضيف زرشت بالحشوه بدال الصنوبر
كاس رز

بطاطه متوسطه

كركم وملح

واشبنت

كل هذى المقادير تفرم مع بعض

وتكبب بغمس اليد بالماء المثلج


والحشوه معروفه

لحم مفروم وبصل وثوم وبهارات وملح وزبيب او صنوبر حسب الرغبه


وتشكيل الكبه حسب الرغبه اقراص او اصابع او مدببة الجوانب

وان شاء الله تعجبكم

موضوع رائع للاخت برياني حار

وهي غنيه عن التعريف

http://forum.hawaaworld.com/showthread.php?t=2482420



والي عجزانه تفتح الرابط


ماشاءالله تبارك الله لاقوة الا بالله












حمست كاستين جوزهند لتزيين الحلويات وللتمر











جبت ملفوف (كرنب)وحطيته في الفريزر كم يوم وبعدين خرجته ولما ذاب الثلج عنه قطعته بكل سهوله لمربعات وحطيته في علبه بلاستيك وعلى الفريزر













جبت كنافه وفرمتها وعلى الفريزر

***كباب او خبز عروق








احنا عندنا خبز عروق غير يكون عجينه ومعاها لحم مفروم وخضره نعطيها الخباز يخبزها.. هالطريقه نسميها كباب رمضان
لحم مفروم تقريبا كوب
كوب ونص خضره مشكله( بقل وشبنت وبفدونس)
بصله
طماطه
طحين كوب الى كوب ونص
ملح
بزار
ليمون اسود
بهار
فلفل اسود
نفرم اللحم مع البصل والخضار ونخلطه مع الطحين والبهارات ونشكله اذا بنقليه بنفس اليوم او بعد ايام قريبه نضيف الطماط المفروم ونشكله ونثلجه بصينيه على ورق ربده عشان لايلزق ونقليه او نرد نحطه بتبرويرات ونرد نثلجه واذا بنثلجه لي بعدين نلغي الطماط ونثلجهم على شكل حصص ويوم اللي بنسويه نطلعه بره ونترك الثلج يفج عنه نضيف الطماط ونشكله ونحطه بالفريزر ونقليه





***الكفته
افرم البصل مع الكزبره واللحم وابهرهم واشكلهم وثلجهم وبعدين اورزعهم بجياس مع كتابه التاريخ عليهم






*** البفتيك

اتبل اللحم ببهار الليمون والفلفل ( موجوده صورته بموضوع البهارات 2 )واضيف عليه ثوم بودر وملح واخليه يتبل يوم كامب وبعدين اغلفه بطحين وبيض وبقسماط اضيف له اوريغانو وبابريكان وجبن بارميزان مبشور( اللي بالعلب مو فرش) واثلجهم


*** دياي كنتاكي
اسلق الدياي مع ساليري وبصل وطماط وجزر وبهارات كامله ( هيل ودارسين وفلفل اسود ) وملح... واغلفه بطحين معاه شوي نشا وبهارات دياي ماجيك وبيض وبقسماط واثلجه








*** جبن موتزريلا
استخدم البقسماط الياباني واخلطه باوريغانو وبابريكا

امرره بطحين معاه اوريغانو وبابريكا وفلفل اسود وبيض وبقسماط واثلجه... انا ما جربت اقليه اشويه على طول

جبت كيس توست وفرمته وفركته بسمن المراعي وعلى الفريزر طبعا استخدامه للكنافة الكذابه








سمبوسة قلي اجبان الحشوة مكونه من(جبنة بيضاء وجبن كرافت تشيدر وجبن موزاريلا وسماق وزعتر)








بشرت جزر








سمبوسه حلوه اصابع بالكيري والقرفه








خلطت قرفه وكاكاو بودره وسكر وذره فانيلا للسينامون وجبل القرفه