هنادي ج
•
ثم طحنتهم بماكينة الكبة " على انعم شفرة "
شوفوا الصورة كيف لما بتضعي كيس على فم الماكينة اثناء الفرم
بتحمي نفسك ومطبخك من الاتساخ بالعصير اثناء العمل
قبل مااتبع هالطريقة , كنت اخلص شغل وتلاقيني لاصقة بالارض مو قادرة اتحرك
من كم السكر يلي بيجي عملابسي ,بس خلاص الحمد لله من سنين
صار الشغل اسرع بفضل هالكيس الصغير .
بعدين عالمصفاة الناعمة لاني مابحب الممروت الا مصفى عالاخر
حبيت احكيلكم من تجربتي مع الممروت بدون طبخ عاالنار انه اذا بتعيدي
تصفيته في حال ماعجبك قوامه من المرة الاولى , راح تتسببي بانه
لونه يصير غامق ويفقد لونه الجميل , لذلك لازم تعرفي قبل العمل
اي مصفاة راح تستعملي وما تغيري رايك بعدين .
وهي النتيجة النهائية جاهزة لتاخد حمام شمس لمدة يومين قبل مايصير جاهز للاكل
غسلت الزايد من المشمش بكمية من الماء وصار عندي احلى عصير مشمش
وهي الابريق ليطفي عطشكم ياغوالي
وحبيت اورجي يلي مهتم بصنع المربى الفرق بمستوى الممروت بعد ماخلاص
صار جاهز للاستهلاك
شايفين كيف نزل مستوى الممروت , بيبان من اثر المربى عالحواف
وعبيته بقطارميز وكمان حبيت احكي ليه بستعمل القطارميز يلي اغطيتها
بلاستيك مو معدن , مشان احتفظ بالقطارميز يلي اغطيتها معدن لحفظ الاطعمة
بالبسترة وهي في من عرفها من موضوعي يلي نزلته من زمان
ويلي مابيعرفها راح انزل صور العمل لما بدي ابستر البندورة \ الدراق \
واشياء تانية باذن الله .
جهزت الكوسا , حفر وحشي باللحم وبعدين قليته لحتى اطبخه باللبن
لاكلة " الشيخ بلبن "
نصف الكمية راح افرزها ويطلعها برمضان للسلق فورا والنصف التاني
راح اطبخه اليوم ان شا ءالله
خلصت عمل عصير التوت الشامي ,وحبيت انزل الصور قبل ماتتكوم بجهازي
فرغت التوت بطنجرة الستانلس ستيل " مع التوت ماينفع استعمل الطنجرة الالمنيوم "
وضعت جزء من عيار السكر
وغليتهم غلوتين مشان يسهل طحنهم بالخلاط
هنادي ج
•
وبعد الطحن بدات اصفيهم بمصفاة ناعمة
وهي الناتج بعد العصر بالمصفاة
ثم وضعت باقي عيار السكر ,وغليتهم عالنار طلعت الزفرة يلي لازم اشيلها
وبعد ماشلت الرغوة او الزفرة
واخيرا للجاطات البيركس ياخدوا حمام شمس
غسلت التوت الناتج بالماء وعصرته مشان يطلع عندي غسالة التوت
قبل مااتخلص من الزايد من الخليط .
سلقت الذرة الصفرا , بعد مابردت العرانيس , فرطت الحبات
ووضعتهم باكياس وعالفريزر مشان الاستعمال بالبيتزا والسلطات
جليت الجليات وغسلت الرخامة بالكلور وكل شي استعملته للتوت
بدون الكلور ما بيمشي الحال , كل شي استعملته صار لونه اسود
واجيت اشرب كوب عصير توت وانا عم حاكي حبايبي
كمان اليوم انهيت عصير التمر هندي للفريزر للشرب برمضان
قطعته ووضعته ماء بقدر يناسب وزنه ثم تركته منقوع لمدة 24 ساعة
مع التحريك كل شوي لحتى ينحل الحمض بالماء
ثم وضعته في مصفاة خشنة
ثم المصفاة الناعمة
ثم وضعت عيار السكر وهاتك ياتحريك لحد ماداب تماما وبعدين عبيته بالعلب البلاستيك وعالفريزر وهيك لما بطلعه من الفريزر بيكون مو جامد كتير
بسبب وجود السكر فيه , باخد حاجتي بالملعقة وبضيف الماء البارد فقط
واسهل عصير وهاد بالذات حبيبنا في رمضان
هنادي ج
•
بعدين اجيت للحصرم وهاد عصير حامض بطعم مختلف تماما عن الليمون
لمن لا يعرف الحصرم هو العنب يلي لساه غير ناضج بيكون حامض كتير
شلته من اعواده وغسلته
وهي عدة الشغل , لاتنسوا الكفوف لانه الحصرم بيعمل حكة باليدين بسبب
حموضته الشديدة ولاتنسوا الكيس النايلون يلي بضعه على فم الماكينة
مشان ابقى نظيفة اثناء العمل .
هي بعد الفرم ومتل العادة اكيد عالمصفاة
وهي الناتج خلطته مع عيار السكر وحركته منيح وبعدين عالقناني وعالفريزر
وجزء من العصير الناتج خلطته بالملح وغليته عالنار والى الشمس
لا تتخيلوا المعجون الناتج كم يكون طعمه حامض جدا , بستعمله لما بيكون
عندي وصفة بدي اضيف لها حامض بس مابقدر اضيف لها سائل يعني حموضة
بدون سوائل , بلاقي معجون الحصرم عز الطلب .
عصير الليمون
الليمون له عدة استعمالات :
1)بخلطه مع الفريز المجمد والسكر وذوقي الطعم , عصير لذيذ
2)بخلطه مع النعنع الاخضر الفريش , ومع الماء والسكر وبصفيه
وكمان عصير منعش جدا لانه النعنع فيه زيوت روعة اذا شربتيه فور صنعه
3) بخلطه مع الثلج والسكر فقط " احلى ليموناضة "
4) بستعمله للطبخ , بذوبه وبضعه مع المحاشي \ اليخنة \ اليبرق " ورق العنب "
ما بحب استعمل حمض الليمون يلي بيجي احجار بيضا لانه ضار جدا
مابستعمل غير عصير خالص
اكيد انا عاصرته ومو جاهز , لما بيكون الليمون رخيص بموسمه بجيب كمية كبيرة
وبساويه مع سكر " بس هاد طعمه مختلف لاني بفركه بالسكر بقشرته وهيك بتطلع طعمة مميزة للعصير وهي طعمة القشر "
وبساويه عصير فقط كما رايتيه في الفريزر
المهم بتقطعي الليمون بعد مابتغسليه بقشره ,يعني بتقطعيه مكعبات صغيرة
وهو كامل بدون ما تقشريه وكل ماصغرتي القطعة بيصير الشغل عليك اريح
وكل ماقطعتي مجمو عة من الليمون بتحطيها باالطنجرة وفوقها كمية من السكر
حوالي كوب سكر لكل خمس ليمونات كبار بتحطي طبقة ليمون مقطع وطبقة سكر وكمان طبقة ليمون وهيك بالتناوب لحتى مايمرمر العصير لانه السكر راح
يلامس كل قطع الليمون ويمنع المرمرة تظهر .
بالصورة انا حطيت مع الليمون برتقال ماوردي لانه لون العصير بيطلع احمر
وانا هيك بحبه ومشان هيك خلطت نوعين اما انت ممكن تعملي ليمون فقط
المهم بتنزلي دعك وفرك دعك وفرك لحتى تلاقي كل الليمون نزل كل العصير
وقشرة الليمونة خلاص اهترت من كتر الفرك
هي الصورة بوسط عملية الفرك وبعدين بتحطيهم بمصفاة كبيرة
يفضل اول شي مصفاة خشنة وبعدها مصفاة ناعمة بيصير العمل اسرع
وشيلي الزايد من الليمون على طرف بوعاء " قصدي القشر "
الان الناتج يلي طلع معك هو مستخلص سكري يعني ماراح يجمد كتير بالفريزر
بسبب وجود السكر بكمية كبيرة فيه وهيك بتقدري متى ماحبيتي
تشيلي منه بالملعقة قدر مثلا خمس ملاعق كبيرة وبتعبي الباقي ماء بارد
وبيطلع لك كوب عصير ليمون بطعم مميز لانه طعم القشرة كتير طيب وغريب
بس المهم تلتزمي انه ابدا لا تفركي القشر غير ليكون السكر مشكل طبقة حوله
مشان يحمي الليموون من ظهور الطعم المر .
على كل حال راح يزيد عندك قطع ليمون طعمها حلو , الان بترجعي بتحطي عليها
سكر , بترشيه عليها وبتضيفي شوية ماء وكمان بتفركي وبتضيفي الماء
وبتصفيهم , هيك بتكوني غسلت الزايد من الليمون بس هدول اذا بتفرزيهم
بيطلعوا قاسيين جدا متل مكعبات الثلج , لانه فيهم ماء اما العصير الاول بيبقى
طري شوي وسهل انك تستخدميه وهو جامد .
اما بتفرزي العصير الناتج من غسيل الزائداو بتشربيهم وصحة وهنا على قلبك .
ملاحظة
طريقة عمل الشراب والعصائر في
الصفحة الخامسة المشاركة 49
لمن لا يعرف الحصرم هو العنب يلي لساه غير ناضج بيكون حامض كتير
شلته من اعواده وغسلته
وهي عدة الشغل , لاتنسوا الكفوف لانه الحصرم بيعمل حكة باليدين بسبب
حموضته الشديدة ولاتنسوا الكيس النايلون يلي بضعه على فم الماكينة
مشان ابقى نظيفة اثناء العمل .
هي بعد الفرم ومتل العادة اكيد عالمصفاة
وهي الناتج خلطته مع عيار السكر وحركته منيح وبعدين عالقناني وعالفريزر
وجزء من العصير الناتج خلطته بالملح وغليته عالنار والى الشمس
لا تتخيلوا المعجون الناتج كم يكون طعمه حامض جدا , بستعمله لما بيكون
عندي وصفة بدي اضيف لها حامض بس مابقدر اضيف لها سائل يعني حموضة
بدون سوائل , بلاقي معجون الحصرم عز الطلب .
عصير الليمون
الليمون له عدة استعمالات :
1)بخلطه مع الفريز المجمد والسكر وذوقي الطعم , عصير لذيذ
2)بخلطه مع النعنع الاخضر الفريش , ومع الماء والسكر وبصفيه
وكمان عصير منعش جدا لانه النعنع فيه زيوت روعة اذا شربتيه فور صنعه
3) بخلطه مع الثلج والسكر فقط " احلى ليموناضة "
4) بستعمله للطبخ , بذوبه وبضعه مع المحاشي \ اليخنة \ اليبرق " ورق العنب "
ما بحب استعمل حمض الليمون يلي بيجي احجار بيضا لانه ضار جدا
مابستعمل غير عصير خالص
اكيد انا عاصرته ومو جاهز , لما بيكون الليمون رخيص بموسمه بجيب كمية كبيرة
وبساويه مع سكر " بس هاد طعمه مختلف لاني بفركه بالسكر بقشرته وهيك بتطلع طعمة مميزة للعصير وهي طعمة القشر "
وبساويه عصير فقط كما رايتيه في الفريزر
المهم بتقطعي الليمون بعد مابتغسليه بقشره ,يعني بتقطعيه مكعبات صغيرة
وهو كامل بدون ما تقشريه وكل ماصغرتي القطعة بيصير الشغل عليك اريح
وكل ماقطعتي مجمو عة من الليمون بتحطيها باالطنجرة وفوقها كمية من السكر
حوالي كوب سكر لكل خمس ليمونات كبار بتحطي طبقة ليمون مقطع وطبقة سكر وكمان طبقة ليمون وهيك بالتناوب لحتى مايمرمر العصير لانه السكر راح
يلامس كل قطع الليمون ويمنع المرمرة تظهر .
بالصورة انا حطيت مع الليمون برتقال ماوردي لانه لون العصير بيطلع احمر
وانا هيك بحبه ومشان هيك خلطت نوعين اما انت ممكن تعملي ليمون فقط
المهم بتنزلي دعك وفرك دعك وفرك لحتى تلاقي كل الليمون نزل كل العصير
وقشرة الليمونة خلاص اهترت من كتر الفرك
هي الصورة بوسط عملية الفرك وبعدين بتحطيهم بمصفاة كبيرة
يفضل اول شي مصفاة خشنة وبعدها مصفاة ناعمة بيصير العمل اسرع
وشيلي الزايد من الليمون على طرف بوعاء " قصدي القشر "
الان الناتج يلي طلع معك هو مستخلص سكري يعني ماراح يجمد كتير بالفريزر
بسبب وجود السكر بكمية كبيرة فيه وهيك بتقدري متى ماحبيتي
تشيلي منه بالملعقة قدر مثلا خمس ملاعق كبيرة وبتعبي الباقي ماء بارد
وبيطلع لك كوب عصير ليمون بطعم مميز لانه طعم القشرة كتير طيب وغريب
بس المهم تلتزمي انه ابدا لا تفركي القشر غير ليكون السكر مشكل طبقة حوله
مشان يحمي الليموون من ظهور الطعم المر .
على كل حال راح يزيد عندك قطع ليمون طعمها حلو , الان بترجعي بتحطي عليها
سكر , بترشيه عليها وبتضيفي شوية ماء وكمان بتفركي وبتضيفي الماء
وبتصفيهم , هيك بتكوني غسلت الزايد من الليمون بس هدول اذا بتفرزيهم
بيطلعوا قاسيين جدا متل مكعبات الثلج , لانه فيهم ماء اما العصير الاول بيبقى
طري شوي وسهل انك تستخدميه وهو جامد .
اما بتفرزي العصير الناتج من غسيل الزائداو بتشربيهم وصحة وهنا على قلبك .
ملاحظة
طريقة عمل الشراب والعصائر في
الصفحة الخامسة المشاركة 49
هنادي ج
•
جهزت البندورة لاستعمالها برمضان , ضغطتها في قطارميز بعد ماغليتها مع الملح
وكمان الدراق " الخوخ " غليته في قطر " شيرة خفيف " مشان يكون جاهز
لاستعماله بحشو الكيك
والفطر لما اجيبه بالكيلو واعبيه بقطارميز , بخلي الكمية على قدر حاجتي
وكمان بضغطه بالقطارميز والصور تحكي
والكبة المشوية اهم شي برمضان مع الشوربة مع انها تقيلة عالمعدة
بس شو نساوي باهل الشام وغرامهم بالكبب
بفرزها وبطلعها عالتسخين فورا
وكمان الدراق " الخوخ " غليته في قطر " شيرة خفيف " مشان يكون جاهز
لاستعماله بحشو الكيك
والفطر لما اجيبه بالكيلو واعبيه بقطارميز , بخلي الكمية على قدر حاجتي
وكمان بضغطه بالقطارميز والصور تحكي
والكبة المشوية اهم شي برمضان مع الشوربة مع انها تقيلة عالمعدة
بس شو نساوي باهل الشام وغرامهم بالكبب
بفرزها وبطلعها عالتسخين فورا
الصفحة الأخيرة
التفريزات
البازلاء
الدرج التاني
الانكنار " الارضي شوكي " واليبرق " ورق العنب "
الدرج التالت الذرة الحلوة الصفرا \ الجزر بكل تقسيماته الجوليان و الدوائر والمكعبات وحتى المبروش يلي بستعمله للازانيا
الفليفلة الخضرا والحمرا بكل تقسيماتها \ البصل الاخضر \ دبس الفليلفة
Swr15151">
الدرج الخامس
الاجبان والزبدة , الجبنة البلدية " جبنة المونة " الجبنة البلغارية
الجبن القشقوان المبروش \ الزبدة الحيواني بشتريها بالكيلو بقسمها
لقطع مشان اسحب قدر حاجتي فقط و زبدة المارغرين
اما الزبدة شو بدي عد لعد , استعمالاتها لا تعد ولا تحصى , بستعملها بكمية كبيرة لعمل عجينة الباف يلي هي افخم بكتير من باقي العجاين بس مشكلتها
انها مابتناسب كل الحشوات
بستعملها للكاب كيك \ المافن \ الكوكيز \ حشو السينابون \ عجينة السبنابون الفخمة بس مع منتدى حواء اتعلمت عجينة خفيفة وهي عجينة الامل مافيها زبدة ابدا \ حشو تارت الليمون \ لقواعد التشيزكيك او التيراميسو كلها بتحتاج
للزبدة نخلطها مع البسكويت والعسل والسكر البني و رشة القرفة \
درج عصير الليمون يلي بستعمله للطبخ والسلطة لانه في رمضان بيصير
السعر خيالي , لانها فاكهة شتوية وليس صيفية
درج اللحوم يلي حضرتها استعدادا لرمضان
كيس كبة لبنية بطلع الكيس فورا عاللبن المطبوخ
كيس لحم مبهر مع الكعك المطحون وعملته دوائر لاكلة " داوود باشا "
كيس لحم اصابع مبهر ومخلوط بالتوست المطحون لاكلة " كباب هندي "
3 اكياس لحم شرحات دجاج متبلة بتتبيلة " بيتزا الفريدو " من وصفات ام ياسمينا
الرائعة والتتبيلة جديدة والنكهة مميزة .
كيسين لحم دجاج مخلي من العظم والجلد , وتبلته بتتبيلة الشيش طاووق
كمان من وصفات ام ياسمنا الله يسعدها لاني من قبل كنت اعمل الشيش
بالشرحات بس اكتشفت انه الفرق بالطعم لا يقارن .
اسطوانات الدجاج المحشية فطر وجبنة بارميزان وجزر وطرخون , كمان جاهزة
للشوي في الفرن ثم الى صلصة الباشميل
الدرج الاول علب مختلفة , مربى الاناناس \ مربى الدراق عملت عينه صغيرة
بس لاني احتاجها في وصفة معينة
علب قواعد التارتات , اول مايجيني ضيوف بدون موعد ,بطلعهم وبحشيهم
اما فواكه وكريما او حشو الشوكولا او حشو اللليمون
وضيافة تسد من هون لاقدر اعمل ضيافة تليق . وعلبة فيها الزايد من حشو
الشوكولا يلي بحتاجها كتير مع الكيك او الايس كريم
علبة فيها الزايد من الاناناس ,بستعمله للكرملة في كيكة الاناناس اما
مع الجيليه فلا يصلح لانه الاناناس بعد التفريز بيتغير قوامه
ورقائق السمبوسك لانها مختلفة القوام والطعم عن عجينة السمبوسك يلي
بصنعها في البيت ورقائق المولفيه وبس .
بعدين انطلقت لاصنع شوية مربى مشمش " ممروت " لانه كل كمية المربى
الممروت صنعتها بوجود ضيوف ,يعني ماقدرت اتنفس او اعترض على طريقة الطبخ يلي هي طريقة ام زوجي وهي بتستعمل مادة " المشقر "
وانا بحب الممروت يلي ماتلمسه النار , له طعم رائع والحمدلله عالنعمة .
لذلك ساويت اليوم كمية صغيرة تكفيني للسحور برمضان فالممروت صديقي
مع المعروك والزبدة , مافي غيرهم بيعطوني طاقة وكالوري .
استعملت المشمش الكلابي " ممتاز للممروت بسبب نسيجه " واستعملت
المشمش العجمي " لانه طعمه زي العسل " والنتيجة اني مااحتجت سكر
كمية كبيرة لانه المشمش بنوعيه كانت حلاوته جيدة ,
شوفوا الفرق بالصورة بين النوعين
ابو خد احمر هو الكلابي اما الاصفر الباهت فهو العجمي " مع عدم جمال لونه بس طعمه سبحان الخالق من اطيب الفواكه "
فكيت عنهم البزر و وضعت عيار السكر , دعكتهم منيح ليذوب السكر ويتجانس مع المشمش