السلام عليكم
اليوم راح أذكر تجربتي وأتنمى انكم تستفيدو منها
على بركت الله نبداء
هذي تجربتي مع أختي الله يحفظها لما كان عمرها 7سنوات وهي بأول إبتدائي
وكنت أتعب معها عشان أعودها على الصلاه وأبد ماتهتم فتصلي مره وتتركت الصلوات
وأنا كنت أبي أعودها على الصلاه من هي صغيره عشان تحرص عليها اذا كبرت وما يخفى عليكم
حديث الرسول صلي الله عليه وسلم(مروا أولادكم بالصلاة وهم أبناء سبع واضربوهم وهم أبناء عشر)
ومثل ما يقولون أخونا المصريين (زوجك على ماعودتيه , وولدك على ماربيتيه)
صحيح ماهي بنتي بس
الطفل اذا تربا علي شي من هو صغير تصير معه طول حياته
فأختي جتها فتره نشبت في أمي تبغى الجيم بوي بس أمي الله يحفظها رفضت عشان ماتلها عن دراستها
لما جاء على نهايه السنه فكرت أسوي لها حفله نجاح
وأشتريت لها هديه وغلفت لها وفي وقت الحفله عطيتها ايه وحطتها على الطاوله وجلست تاكل من الكيك
ولما أمي قالت لها فكي الهديه لاني أمي عارفه أنا أش اشتريت لأختي
ولما فكتها أحسها مو مصدقه عيونها ومره فرحت وتصارح وجلست على الارض وتشغل أشرطه القيم بوي وما كملت كيكتها على قولتها شبعت
وبعد ما أنتهت الحفله جلست أنا وياها عشان نتفق على كذا شغله وعلى قولتهم
الي أوله شرط أخره نور
فقلت لها تلعبين بالجيم بوي ساعه وحده في اليوم واذا تبغينه يصير معك لازم تسوين كذا شغله اذا تركتي صلاتين أو أكثر في اليوم راح أخليك تلعبين بس شوي يعني نص ساعه...فكانت تصلي وأحياناً تنسى بس كانت افضل من أول بكثير
وبعد أسبوعين قلت لها اذا تركتي صلاه أوتاخرتي عن وقتها راح أمنعك تلعبين بالجيم بوي ليوم كامل فصارت تحرص على الصلاه ومن تسمع الساعه ترن على طول تركض تصلي
وصارت تجي تقول لي قومي صلي أو صليتي ولا لا....صارت هي الي تامرني حضرت جنابتها
الحين أختي في خامس إبتدائي والجيم بوي ما صارت تحرص عليه دايم أشوفه مرمي في البيت بس الصلاه الحمد لله مستمره عليها
النصيحه
لاتنسون ترددون هالدعاء(رَبِّ اجْعَلْنِي مُقِيمَ الصَّلاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ)
عشان الطفل يحرص على الصلاه لازم فيه شغله يحبها مثل حب اختي للقيم بوي سابقا
عند تعويد الطفل لازم يكون فيه التدريج في التعليم
وماننسى التشجيع الدائم له مفعول سحري عند الأطفال
أتمنى أنكم تستفيدون من تجربتي وتكفون لاتنسوني من الدعاء أن ربي يرزقني بالزوج الي أتمنها اللهم عاجل غير اجل
وهذي مني لكم
الله يرزقك ياقلبي على قد نيتك
وتستاهلين التميز