مشاركه +مشكله=أبي حل

:06:

السلام عليكم..أهلين بنات شخباركم؟
انا اختكم بلقيس القمر من متابعات عالم حواء من سنين..وتوني انتسب اتمنى تقبلوني أخت معاكم..وابي حل لمشكلتي..
بس قبل أبي اقولكم قصتي..
أنا بنيه كل من يخطبني يتصل على امي يسأل اذا يصير يتقدمون وبعدها من نفسهم يطيرون مع أنه احنا مانمانع بالعكس نرحب _بس ولا بحياتي انخطبت رسمي دايم كلام
المهم مالكم بالطويله..
في شهر ذو الحجه اللي طاف..اتصل ت علي بنت عمي سلمتي عليا وقالت انا والله يابلقيس ابي اسألك؟قلت شنو ياخيتي آمري؟
قالت شنو رايج بولد خالتي؟
قلت شنو انا مااعرفه؟شنو السالفه
قالت ان خالتي مو امه لا خالتي الثانيه مادحتج له وتقول مابنلقى إلا بلقيس /انا تدورون وجهي ماتلقونه من الحياء..
قالت وانهم يسألون اذا انتي عادي عندك اوترفضين؟؟
قلت انا مدري انا مااعرفه اسألوا اهلي اسألوهم..وتحاول فيني بس ماعطيتها وجه قلت اسألوا اهلي ..
قالت طيب
المهم انا ركضت طياران لأمي وقلتلها السالفه قالت خير ان شاء الله اذا هو ولد حلال ليش تمانعين؟قلت يمه اسم عائلتهم غريب قالت لا مايهم اهم شي اخلاقه وانتي استخيري
انا مااستخرت ابد لأني قلت مو رسمي الشي
بعد اسبوعين بالضبط توفى زوج الخاله اللي تبيني لولد اختها وطبعا عزا وظروف صعبه فمحد انتبه للموضوع..
وكلن سكت
ومره جت عندي بنت عمي وهي تسولف تقول تخيلي يابلقيس خالتي تقول تراني احبها ولا نسيتها؟؟؟(يعني انا)
وتسولف بنت عمي تقول من عقب ماتوفى زوج خالتي سكتوا عن السالفه
وهي ورتني صورة الولد صراحه باين من كلامها ان اخلاقه كويسه
انا ماتعلقت فيه بس تبون الحقيقه ماانكر اني اتمناه

السؤال أن امي قالتلي بلقيس وين اللي بيخطبك؟قلت مدري يمه سكتوا وشكلهم ماراح يخطبوني او يمكن عشان هذي لسه بالعده؟
قالت امي شنو؟انتي ليش كل ماتقدملج احد راح؟مع انك ونعم البنيه؟قلت مامي لاتخوفيني..
عاد أنا صارلي اسبوع تقريبا اقراء سوره البقره وان شاء الله خير بس بنات _تتوقعون انا فيني شي؟ وتتوقعون بيخطبني رسمي؟واصلي استخاره أولا؟لأن مافي شي رسمي
بنات ابي رايككم محتاره