مشاريعي وافكاري المحبوسه

صباح الخير


الافكار تملئ رأسي لكن الاقدام والحيله قليله

قبل فتره طرحت موضوع المتاجره بالبهارات والدخون ولقيت ردود وافكار طيبه ماتوقعتها

لكن مازالت في الاحتياط في (دماغي ) يراودني التردد متى ابدا متى اشوف لي حل

وان شالله في خلال هذا الاسبوع اكون اقدمت على خطوه لو صغيره بس المهم اشتغل
وازيد من دخلي بدل انتظار الوضايف الي ماجات والدورات الي كنت بصرف عليها
الالاف واخر شي يقولون ( هذا معتمد وهذا غير معتمد ) انتظري وخلي رقمك
وندق عليك او ماااااااااااافيه اصلا وضايف


وموضوعي الثاني
فكرت في استأجار بوفيه او كافتريا
داخل المعاهد والمراكز النسائيه لكن نفس الشي الخبره تنقصني في هذا المجال
والله اني شفت وحده مقيمه عندنا في السعوديه من عشر سنوات دخلت هذا
المجال واستأجرت بوفيه في معهدين نسائيين وماشي شغلها تمام

فشرايكم شيروا علي الي تعرف نظام الاجار في المعاهد
وشروطهم تفيدني

وحتى لو ماتعرفون شاركوا معاي عطوني رايكم
يمكن القى وحده منكم تقولي شي يجبر الخاطر المكسور