مشاعر الامومه والتفرقه بي الاولاد ،،اتمنى كل الامهات يدخلون 😔

السلام عليكم
هل كل الامهات يحبون اولادهم بنفس الدرجه ؟والا تفضل واحد عن الثاني او مثلا الاولاد عن البنات ؟:confused-
انا احس بتأنيب ضمييير مع اني مو مقصره معاهم ..عندي بنتين وولد والصغير ولد والحين حامل ببنت احس بأمومتي معاه وزوجي يخوفني بعد يقولي شكلك تحبين الاولاد اكثر من البنات ..انا من عرفت اني حامل ببنت تضايقت في البدايه والحين عادي الوضع راضيه بالي كاتبه ربي ،،لكن خايفه قلبي يفرق بينهم 😰😓 مادري انا احب ولدي اكثر واحن عليه كونه الصغير والا لانه ولد ؟ اول بنت جبتها ماحسيت تجاهها بمشاعر الامومه الا اسمع فيها يمكن لاني كنت احس بمسؤوليه كوني ماعرف شي ابد عن التربيه ..وبنتي الثانيه حسيت بامومتي لكن لما كبرت صرت عادي مثل اختها تقريبا او بالعكس الكبيره اتفهمها اكثر واحب اسولف معاها عمرها 12 ،،زوجي دايم يقولي اني ظالمه الثانيه مع اني ماديا مابخل عليهم نفس الشي الثنتين لكن شخصيتهم مختلفه تماااااما فاضطر تكون معاملتي غير الثانيه فيها عناد والا في راسها لازم تمشيه عكس الكبيره ..اما الصغير فتصرفاته تحببني له ولا ارضى عليه ابدا اخاف عليه مررره وحتى على بناتي بس هو مكانته غيييير لدرجة صرت بس اطلع اشوف اي ولد مشاعري غييير عن قبل صار اي ولد اشوفه بالذات من عمر ولدي استلطفه مررره 😍 اي ولد صغير احبه واتأثر لو اشوف ولد يبكي 😓 الحين انا حامل وعلى وشك ولاده حتى ماحس باشتياقي وحماسي اني اشوفها مثل لما كنت حامل بولدي كنت مرررره مشتااقه اشوفه انتظر بفااااارغ الصبر اولد بس عشان امسكه واشوفه ..الحين ماحس بشي 😓😓 خاايفه لا افرق بينهم 😓😰 وخاصه ان بنتي الا بجيبها مافيه فرق كبير عن ولدي ..ولما اشوف ردة فعلي لما اشوف في الاماكن العامه ولد صغير اميل له اكثر من لما اشوف بنت 😓لانه يذكرني بولدي مع اني عندي بنات ليش ماستلطف البنات بعد ؟ اتمنى تكون مشاعري تجاه اولادي نفس الشي ولا اظلم احد ولا احس بتأنيب الضمير 😓