كيف حالكم حبيباتي ؟؟
بالبداية حابة أنبه إن ولا وحدة بليز تضحك على عنوان موضوعي ,
ماما هي اللي اختارته فحطيته :40:
حابة اتكلم عن مشاعري اللي أكيد كل وحدة مقبلة عالزواج بتحسها ,
بالنسبة لي أنا متزوجة من ما أدري كم شهر بس قريب نوعاً ما ,
كان طول فترة مراهقتي أتخيل نفسي بفستاني الابيض الطويل ومعاي ورودي ماسكتها ,
وكان كل زواج لاخواتي اقعد أطالع ومرة نفسي أصير زيهم ,
كنت أكلم بابا الله يرحمه وأقول له نفسي أتزوج انسان بصفاتك ,
يكون طيب وكل شي كويس فيه ,
وبابا كان يضحك باستحياء * حلوة كلمة إستحياء * ويقول عاد انتي بالذات بين خواتك كلهم بتاخذين واحد احسن مني
كنت مقتنعة تماماً إن مافي إنسان زي بابا وبالفعل مافي إنسان مثله ,
الزبدة حاتكلم لكم بالتفصيل عن وقت الملكة وفترة مابين الملكة ومابين الزواج ,
مهري كان 79 الف تقريباً إلا كم ريال , مدري وش بيضره لو دفع هالكم ريال * تبي تتهاوش * فماما قالت بما ان علينا الملكة ففستان الملكة اجيبه من فلوسي ما اجيبه من فلوس المهر , وبالفعل وصيت على فستان طلبته من برة عشان الشكل أفخم كان جداً جداً جداً رخيص بحيث إن سعره ما جا فوق الـ900 ريال سعودي , فمرة كان حلو ,
فالمغزى الأول : كل ما كان الشي بسيط بفخامة كل ماكان أجمل ,
خصوصاص إن ملكتي كانت بالبيت عائلية جداً بحيث إن بس أهلي وصاحباتي وصاحبات أخواتي وأهل زوجي هم اللي حضروا , فكانت جداً جداً بسيطة ,
تكملة المغزى الأول : بوم الملكة هو الانتقالة من حياتك البسيطة إلى حياتك الحقيقية ففيه تصيرين متزوجة خلاص , فخليك على طبيعتك بلبسك فيها ,
دورت صورة لفستاني بالانترنت فلقيت هالصورة نوعاً ما شبيهة له بس بدون الشريطة اللي بالنص :
الزبدة شخصياً الصالونات ما أروح لها إلا بالشديد القوي , فالحمدلله ربي معطيني موهبة التحكم بشعري فاشتغلت فيه ويف فمرة كان حلو ومناسب لسهرة ,
الميك أب اشتغلن لنفسي بنفسي لأن من كان عمري 15 سنة وأنا احب أحط ميك أب و صح إن ماما كانت تشجعني إني أتزين بس ما أحط ميك اب كثيير عشان ما أفقد ملامحي البريئة * على كلامها * ,
فترة ما بين الزواج والملكة كانت أصعب فترة مرت فيها سؤراً , إيش أسوي وكيف أسوي كنت دايخة ومدوخة أهلي معي , السوق كان بشكل شبه يومي نروح له , ننقسم قسمين أنا وأختي وأمي نروح مول معين و أختين من أخواتي الثانيات يروحون مول ثاني , الحلو بالحاكية إن كلنا يا البنات لنا ذوق متشابه فكنت موكلة كل المهمة على أخواتي وأنا مجرد حكم وأمي هي التوجيه ,
الأشياء الأساسية اللي قسمنا على أساسها الجهاز :
1- الملابس :
* ملابس النوم ( قمصان النوم - البجايم الخاصة بالنوم اللي تجي مريحة )
* ملابس البيت ( بجايم البيت من شورت وطويل - فساتين البيت القصيرة اللي تنلبس فترة الظهر - الجينزات البسيطة اللي تنلبس بالبيت - اللقينز )
* ملابس الخروج ( القمصان الحرير والدانتيل والشيفون - الجينزات - التنانير " رغم اني ما استطعم التنانير الا اني جبت تنورتين طوال شيفون كتغيير " )
* ملابس السهرات ( الفساتين سواء طويلة أو قصيرة - البناطيل الرسمية - القمصان الرسمية )
* الأحذية " الله يكرمكم " ( الرياضية - اليومية كالفلات - الصنادل - وشبشب بيت " أهم شي هو " )
* الشنط ( الشنط الصغيرة الخاصة بالسهرات - الشنط الكبيرة الخاصة بالطلعات )
* الجوارب ( قطنية طويلة " الى الكعب " - دانتيل قصيرة - كلون اسود وكلون لحمي )
* ملابس داخلية ( كلسون داخلية للخرجات - وكمان للبيت - برا للفساتين - وبرضو برا للبيت " البرا هو السنتيان " )
قسم الملابس للأمانة ما تغلبت فيه لأني ما كثرت منه لأن اوردي عندي ملابس كثير بالدولاب ,
2- الاكسسوارات :
* اكسسواراتي اليومية ( الأشياء البسيطة إللي ألبسها في البيت )
* اكسسوارات السهرات ( اللي تكون فخمة للمناسبات )
* الاكسسوارات الفجائية ( هذي اللي تكون مرتبة وحقت الطلعات أو الزيارات اللي فجأة )
*اكسسوارات الشعر ( من بكلات وبنس واكسسوارات كيوت كالفيونكات والورود تنحط بالشعر )
من أهم نصايحي لأي عروس , ابعدي كل البعد عن الاكسسوارات البلاستيك تطلع منظرك باااااايخ وتعدم جمال لبسك , أنا البس الاساور البلاستيكية الملونة عشان أجذب انتباه الأطفال أحياناً لا أكثر ,
3- قسم الشعر :
* الاستشوار + الفير + اداة الويف + السيراميك " وافضل السيراميك اللي زواياه دائرية مو مربعة " + أداة التكسير
* لفافات الشعر
* الاسبريه ( سواء رغوة او رذاذ كلها تحتاجيها )
وبرضو أشياء الشعر مو كلها اشتريتها في أشياء كانت موجودة عندي بس الاسبريه هو اللي اشتريته واداة التكسير .
4- الجسم :
* لوشنات منكهة للجسم .
* لوشنات بدون ريحة للجسم .
* صابون سائل للجسم .
* معقم يد " معقماتي من باث آند بودي "
* معطر للجسم
* مزيل عرق
* بودرة جسم
* سنفرة
* ليفة
* غسول للمنطقة الحساسة .
هالأشياء هي الأساسية مرة وتقدري تزيدين عليها .
5- العطورات :
* العطورات الصباحية ( اللي مرة ريحتها هااادية وباردة )
* العطورات القوية ( اللي لليل وتكون ريحتها قوية )
* دهن العود .
إلى الآن هذا الجزء الأول من موضوعي حيكون في موضوعين ثانيات أكمل فيهم مشاعري وارشاداتي ونصائحي اللي حتتضمن طرق العناية بالجسم ونصاءح يومية * عليه يا شديـــــــــد * وموضوع منفصل عن المكياج اللي لازم يكون بجهاز العروسة وطريقة ترتيب الشنطة * حقت اليد * .
فمرة سامحوني على أي تقصير بجزئي الأو فأنا تراني أكتب وفيني النوم ووراي امتحان بكرة وما تعشيت * يا ولد * فعادي عادي .
ننتظر الأجزاء الجايه