مشاعر كل من فشلت عمليتها

بعد العملية الاخيرة اللي اجريتها في شهر 8
كان الحلم كبير والامل والتفاءل والحياة الجديدة اللي بمر فيها
والسعادة اللي راح تغمر حياتي مالها حدود..
قلت الحمدلله اخيرا بيكون خبر حملي مع دخول شهر رمضان
اخيرا بترتسم الفرحة على حياتي وحياة اهلي..
اخيرا راح اجهز ملابس الحمل للعيد
كنت اشوف بطني كل شهر شلون بيكبر . كنت احس بحركة عيالي في بطني
صرت اتخيل لحظة الولادة واحس بالالم . صرت اشوف عيالي حولي في المستشفى
وفي البيت احمل واحد واسكت الثاني العب مع واحد وانوم الثاني
حلمي ماله حدود عمت عيوني عن كل شئ صرت ما اشوف الا الفرحة اللي بتغمر حياتي
بحملي ولادتي وعيالي في حضني اشم ريحتهم واتحسس جسمهم
كنت كل ليلية احلم باسماء عيالي اللي جايين في الطريق
وافكار كثيرة تمر وتروح على بالي..
وفي يوم وليلة و بلا مقدمات انتهى الحلم بنقطة دم وتحولت النقطة الى دورة
والدورة الى دموع والدموع الى واقع ...انتهى الحلم في لحظة :44:
كل الصور والافكار والاحلام اللي في بالي راحت
انتهى المشوار ورجعت لنفس الطريق اللي عبرت من 8 سنوات
طريق التعب والدموع والبحث عن علاج جديد ووووو رجعت لنقطة الصفر
اصبح دخول رمضان علي حزين بدلا من ان يكون فرحة
والحمد لله على كل حال
اسفة على الاطالة بس الحزن اللي مريت فية هاليومين خنقني
حسيت ابي افضفض لان ماحد يدري بحالتي غير الله وانتو
هاذي ثاني مرة اسوي العملية وتفشل
ادعولي في هالشهر الفضيل ان الله يرزقني ويرزقكم الحمل بدون علاجات
بدون تعب بدون خلطات ( والله تعبنا وماحد حاس فينا)
والحمد لله على كل حال
:( :44: :( :44:
:icon33: :icon33: