صباح/مساء الخير
بنات كل وحده فينا لها مشاعر تجاه موضوع تأخر الحمل..ياخواطر اوشعر اورسم تعبيري...
وكل ماجتها الدوره تبدا الإبداعات تطلع ماننلام من الضغط النفسي اللي معيشين نفسنا فيه..وانا وحده منكم..لي احساسي ومشاعري..حبيت تشاركوني فيها..
انا ماني شاعره..بس بجد طلعت شاعره بسبب هالموضوع ..
الشهر هذا لمّا جتني الدوره اول يوم..جلست انا وزوجي نسولف وش بنسمّي عيالنا
وكل واحد يختار يا اسامي اولاد ولا بنات ولا توأم..
بنات انا هالموقف اثّر فيني تدرون ليه ..لأني بقمة اليأس كنت متفائله..واول يوم بالدوره
مررره تأثرت وبكيت بعد مانام زوجي وكتبت هالأبيات وأرسلتها مسج على جواله
على فكره بنات الشطر الأول من البيت الأول ماهو لي قريته وعجبني وكمّلت عليه:
كنّا نفكر وش نسمّي ضنانا
كنا نعيش الحلم في لحظة الياس
كنّا نتكلّم لجل نرضي هوانا
كلن يقول الحلم اكبر من الناس
نضحك ونرضي شي داخل حشانا
نكتم دموع الحزن ونخفّي الباس
نحلم بسامي دوم جالس معانا
يضحك وضحكه مالي البيت إيناس
نمت بعد ما ارسلتها وهو قام راح الدوام..وبدات الهواجيس وما ارتاح لين كتب هالأبيات وارسلها لي:
الحمدلله ماقطعنا دعانا
ياللي ضربت الفاس في قبة الراس
حرّكت هاجوس الشعر من ورانا
وقريت شعرك وابتدى كل هوجاس
ماكل خافي ينّطق باللسانا
خل الخبر في جوف قلبي والإحساس
ادعي ترا رب السما مانسانا
لاتشعلين النار في راس قرطاس
الله خلقنا عارف مبتغانا
يدري عن اللي في حشا كل الأجناس
حنّا ترانا ماقصرنا يدانا
والرزق له مقياس والعمر مقياس
والله يوم قريت ابياته ارتحت لأنه ذكّرني بالله وحسيت انه اول مره يبين احساس الأبوه الحقيقي..لانه كل مره يصبرني
وكنت احسبه عادي مادريت انه عنده هالكم من المشاعر اللي مخبيها..
اتمنى تكتبون انتم بعد خواطركم ولاتستحقرون شي نبي نفضفض لبعض ونشوف ابداعاتكم
غصون الود @ghson_alod
عضوة فعالة
يلزم عليك تسجيل الدخول أولًا لكتابة تعليق.
بكيتني
اثرت فيني خصوصا ابيات زوجك حنا دايم نظلمهم بانهم ماعندهم احساس بس مشاعرهم مكبوته مايعبرون زينا
اثرت فيني خصوصا ابيات زوجك حنا دايم نظلمهم بانهم ماعندهم احساس بس مشاعرهم مكبوته مايعبرون زينا
والله ياقلبي افتقدنا لاحساس الامومه يفجر اشياء داخلنا مانتوقع انها موجوده عندنا
يارب مايحرمنا يارب ويرزقنا جمعيا بالضنا وكل محروم
يارب مايحرمنا يارب ويرزقنا جمعيا بالضنا وكل محروم
والله ياقلبي افتقدنا لاحساس الامومه يفجر اشياء داخلنا مانتوقع انها موجوده عندنا يارب مايحرمنا يارب ويرزقنا جمعيا بالضنا وكل محروموالله ياقلبي افتقدنا لاحساس الامومه يفجر اشياء داخلنا مانتوقع انها موجوده عندنا يارب مايحرمنا...
آهات الحزن...ماكن ودي ابكيك...
وصادقه ازواجنا عندهم مشاعر مكبوته..
حاسّه من اسمك ان عندك حس شاعري بالله اذا كنت صادقه اكتبيلنا خواطرك..ومشكوره يالغاليه عالمرور
مشتاقه اكون ام...آآآآمين الله يسمع منك ويرزقني وإياك وكل بنات القسم عاجلاً..
وتسلمين عالرد..
وصادقه ازواجنا عندهم مشاعر مكبوته..
حاسّه من اسمك ان عندك حس شاعري بالله اذا كنت صادقه اكتبيلنا خواطرك..ومشكوره يالغاليه عالمرور
مشتاقه اكون ام...آآآآمين الله يسمع منك ويرزقني وإياك وكل بنات القسم عاجلاً..
وتسلمين عالرد..
الصفحة الأخيرة
او قمه الفرح
الله يرزقكم الذريه الصالحه
والابيات مؤثرة وصااااااااااااااااادقه