معليش يجماعة انا اقول ان لكل وحده ذوقها ورايها في تسريحة شعرها او مكياجها... صحيح ان خبرتي قليلة في المشاغل لكن اظن كثرة الاراء يدل على اختلاف الأذواق ولا يعني ان هذا مشغل شغلة كويس وهذا لا
جميل جدا ان الكل يعطي رايه لكن حرام قطع الأرزاق ؟؟ بمعنى انه معليش ياخت اسيرة الأوهام ...من دون زعل .. ياريت ما قلتي هالكلمة"وع" انت كذا تقطعين رزق المراة، وبعدين يمكن انت مكياج شعاع ما عجبك لكن غيرك عجبه..تصدقين ان الي اعرفه عن شعاع هي مره ذوق بس المشكلة في الزباين وطلباتهم فتكون مضطرة انه تلبي رغبة اللي قدامها... يعني اذا اطلقتي العنان لأناملها صدقيني تلاقين شغل عدل..هذا مجرد رأي( ترى موقريبة لها ولا اشتغل معها) لكن الحق حق
ونرجع لنفس الموضوع انا اقص عند النصف الاخر ... احب شغل كارمن وجوسي ..وعندهم هندية تسوي تنظيف بشرة يجنن... .. وو المكياج انا اسوي بنفسي ... الحمام المغربي انا ماعندي ثقة بأي احد هنا انا اسوي في صالون عروس البحرين في البحرين.... وبالنسبة للبديكير والمنيكير في لآميزون حلو
وسلامتكم:27::27::27:

انا اوافق راي نور فعلاً اشراقة العنود غير طبيعي انا جربت المكياج بس اللي ب150 وسويت تسريحة في ملكة بنت عمي واللة العظيم لما دخلت محد عرفني الا اللي راحوا معاي والكل يسئل وين مسوية المكياج والتسريحة
تبون تضحكون انا انخطبت يومها مرتين وعلى فكرة كنت حامل ...
وجربت الحف عندهم حلو ورخيص الوجة كامل ب35 ريال وجربت الخصل وكانت روعة والاحلى من كذا اللي تحط المكياج اللي اسمها وفاء نفسها غيرررررررررررر ذوق مرة وتغير اللي مو عاجبك بنفس طيبة ...
نصيحة لا يفوتكم ( سعر وشغل ) ...وان شاء اللة اقدر افيدكم بأي استفسار انتو تامرون يا بنات

السلام عليكم بنات مشكوراااااااااااااات يا بعد عمري على النصيحة مدام دسبرادو فعلا انا رحت مشغل الفخامة وسويت عندهم خصل وطلعت حلوة حيييييييييييل وسويت تنظيف لبشرتي المدهرة مع اني كنت اروح حق طبيبة جلدية بس شغلهم اقنعني اكثر والنتيجة شييييييييييييييييي
و اللي سوتلي تنظيف البشرة مغربية دارسة في باريس مو لبنانية اطلبوها اهي مو غيرها مع السلامة