عزيزتي Anadel

معاك حق، المليارديرة كانت المليونيرة.

أنا مثلك كنت متفاجئة بالنتيجة. حنيت شعري في 4/4 و خصلته في 6/6 يعني بعد شهرين و يومين. كان حركة الحنة غبية و ما أعجبني اللون و كنت راح استخدم الكتم عشان أغطي لون الحنة. قالت لي خالتي:" بما أنك ناوية تصبغينه أسود، فليه ما تخصلينه و تجربين؟ ان أعجبك فالحمدلله و إلا استخدمي الكتم." أعجبتني الفكرة و رحت لمرايا و سألت (بعد اسبوعين من الحنة) و كرشوني زي ما أنتم عارفين. لكن رحت للمليارديرة و قالت لي: "مو مشكلة بس علميني متى بالضبط حنيتيه."
قلت لها أبغى لون الحنة يروح (تصير القاعدة غامقة مو كستنائية) و الخصل تصير ثلجية و صغيرة. كلمت وردة نازك و قالت لها عن الالوان اللي تستخدمها. و بعد ساعة تقريبا، قشعوني تقشيع من المراية من كثر ما كانت لاصقة فيها مو مصدقة شكلي الجديد. لازلت مو مصدقة أني خصلت ثلجي بعد شهرين من الحنة.

بالنسبة للأسعار مثل ما قلت ما أعرف بالضبط كم. لكن خصلت شعري (قصير جدا) امي صبغت شعرها، قصته، استشورته،و سوت مساج و طلع حسابنا 500 ريال. يمكن غيرت أسعارها بعدكم؟

بصراحة شغلهم جدا رائع و مثل ما قلت -غاليتي- أن الناس ما يشوفوني إلا و يسألوني عن المشغل اللي مخصله عنده. لكن قصهم مو للدرجة هذي.

ربي يشهد أنه هذا اللي صار و أتمنى التوفيق من قلبي للجميع.

* بنوتات حواء، بعد ما خرعتنا Anadel من المليارديرة، أحب أقول لكم أني أخلي مسؤوليتي من أي مصيبة تصير لكم عندهم لكن اللي تجربهم و يعجبونها تدعي لي - يالله، و لبنات حواء بعد- و السلام.

منولة كيف حالك
صبغت شعرك ؟
احكيلنا حكايتك :26:

زوجة اخوي تتعامل مع مشغل يوما بشارع التحلية جمب مطعم كانتون سيزلر
شغلهم جدا رااااااقي وروعه ....اعتقد تسوي الخصله بعشرين ريال ..عاد انت شوفي وش كثر تبين وكم يطلع حسابك ...مرت اخوي اخر مره راحت لهم طلع حسابها 300
بس من جد شي لايعلى عليه
كان ودي اروح له بس زوجي حالف ما يطب التحليه .....يقول كلها دشير !!!!!!!!

مشغل الجميله إلى بطريق التخصصي روووعه وإذا تبينه اطلبي التونسيه آسيا ..

انا اعطيها شعري وانا مغمضه وتسويه ولا احلى ..

اتمنى اكون افدتك:26:

تقصدون ورده بن ماضي الاندونسيه نعرفها من زماااااااااااااااااااااان من كانت تسوي في بيتها وكانت امي ما تسوي عند غيرها ابد ابد بس مشكلتها تخلي الشعر كذا واقف من قدام يعني مو مستشور زين
وفي الصبغ انا على اول لما كنت اشوفها تسوي للناس ما كان يعجبني وسوت لامي مرتين صبغه على اشقر ولا طلعت حلو

مدري اذا تحسنت الحين