مشاغل منسيه يا ناااس

السلام عليكم ورحمة الله

مرحبا اختي عديل الروح فعلا وانتي الصادقة هذي كثير تحصلي اكون ابي اسوي سشوار لكن تكون المناسبه ماتسوى محلات كبيرة ومشهوره.
عالعموم انا من الشرقيه مو من الرياض لكن في زواج بنت عمي الوحيده (لاحظي المناسبة مهمه لي بالمره) كنت حاجزه عند شذى قبل الزواج بثلاث شهور وحاطه ببطني بطيخة صيفي , المهم لما بقي 3 ايام على الزواج قلت بتطمن بس ولما اتصلت قالت لي ان الحجز ملغي!!!!!! كيف ماادري شكله حصل سوء تفاهم اثناء الحجز. المهم مالك بالطويلة واقعد ياستي ماغير احوس اتصالات على هالكوافيرات كلهم يقولون مستحيل او تعالي وانتي وحظك . في احد اتصالاتي بوحده تشتغل لحسابها قالت انا مااقدر لكن فيه مشغل جديد فيه وحده مررررره ممتازه وعطتني رقمهم . انا سميت بسم االله وحجزت عندهم وجوني للفندق . لكن الحقيقة كان شغلهم خيييييييييال احلى ميك اب حطيته بحياتي حتى بزواجي ماكان كذا . والشعر تتفنن فيه بابداع . لكن للاسف انا خزنت رقمهم بجوالي بعدها جوالي خرب وسويت له فورمات وانمسحت كل الاسماء . فياليت اللي تعرف المشغل تجيب لي رقممه واكون شكره لها .
المشغل اسمه : صدى الوادي واللي تسوي ميك اب اسمها ديمه . اما حقت الشعر نسيت اسمها والله . وهم مثل ماقالولي في العليا بس وين بالضبط ماادري .
ادري انها قصة حياة موب مشغل بس هذ اللي صار عشان اتعرف على هالمشغل .(:

تعرفي كانه عيد عندي من الفرحه يوم شفت رد ولما دخلت لقيته بتفصيل قلت اقرب قطار واروح احب راسه على الرد
الف الف الف شكر على ردك قسم بالله مره انبسطت وان شاء الله البنات يفيدونا بمشاغل مركونه على الرف لكن فيها ناس تشتغل حلو بتسريحات خصوصا

الا بسالك الي سوت شعرك ايش جنسيتها عشان اعرف وتكون هي نفسها وبدور على المشغل ان شاء الله

دايم اسمع مدح لمشاغل البديعه والشفا مدري اذا احد جرب هناك

السلام عليكم

الله يهنيكم بالزواجات والعزايم

ماشاء الله تبارك الله عليكم

أنا جربت في الخياطه سواريه

ورخيصين على حسب تجربتي

اذا تعرفين تيسير الفلبينيه هي اللي تعاملت معها

وكان فستاني يحتاج لشغل شوي

وجربت جدلاء في الخياطه حتى هم روووووووووعه

جربت شادي الخليج في التسريحات والمكياج والقص والاستشوار
وكلهم رووووووووعه

وجربت جدلاء في الاستشوار ومره يجنن

وبالتوفيق

انا شفت عروس مسويه عند مشغل غزل
في الرياض وكانت اللي مسويتهااا وحده اسمها
اليساااا مو المطربه لا لا وحده مدري ش جنسيتهااا
لاني ماسالتهااااااااااااا
بصراحه عجبني شغلهااا و
مادري كم خذت؟؟؟
بس المشاغل اغلبهم مو كلهم اذا اشتهرت عندهم وحده جابو وحده سموها بنفس الاسم عشان يوهقون الناس وتحتارين ؟؟؟؟؟؟؟؟؟

عديل الروح

معاك حق والله بعض المناسبات تكون مهيب قريبه لك
مره ويصير شغل المشغل غالى مره يرفع ضغطك
مثلا التسريحه 200 والمكياج 200

المويهمممممممممممم الزبددددددددددده

موضوع جناااااااااااااان يالدبااااااااااا

عنى انا اختى ودت بنتها تبى تقص شعرها
كانت الساعه 11 باللليل وراحت كذا مشغل وكلهم مسكرين
كان بوسط الاسبوع وبنتها تصيح تبى تقصها اليوم
عشان بكره حفله بالمدرسه المويهمممممممممممم
قام ابوها يلفلف الا بالصدفه لقوا مشغل فاتح

بصراحه بنت اختى عاديه يعنى جمالها متوسط
لو تشوفونها بعد القصه تنهبلووووووووووون
قلبتها 180 درجه الكل انهبل عليها

واستشورتها وقصتها ب70 ريال
تخيلوووووووووووو

الكوافيرا اسمها خديجه
والمشغل شعاع بالبديعه على ماضن بس اذا مهوب بالبديعه
بالسويدى يعنى بالحدود هذى بس روعه
اختى انهبلت قالت اشوى انى طحت فيه
وكلهم مغربيااااااااااات

عسااااااااااانى اكون ساعدتكم
اكتب بسرررررررررررعه امى تنادينى اتغدى
تبون تجون معى تعالوا :D