مشاكلكن وهوشاتكن هالمره عليها ادعيلكن😆

السلام عليكم ورحمه الله وبركاته
كيف حال بنات حواء الجميلات الهادئات والطيبات واللي بعضهن مشكلجيات 😆
انا بصراحه من سجلت وانا ناويه اشكر عضوه بس مضيعه بين عضوتين تشابه الالقاب
السالفه ومافيها ياطويلات العمر على طاعته ان شاء الله
اني مره من المراير قبل اسجل بالمنتدى كنت اتصفح مواضيع الاسريه والا دخلت موضوع قالب هوشه😆 يالله سترك بس هوشات
المهم وتفاعلت مع القضيه هههههه الي الحين مدري وشي وكل عضوه تقط كلام ع ال2 وبدا تداخل بعض العضوات وكبرت السالفه وكبرت الهوشه
وهنا طقت العضوه حبيبة قلبي اللي هي ياجنة الفردوس او في الجنه القاك
مضيعه بينهن بس اذكر لقبها جنه به
المهم قالت هالعضوه الله يجزاها خير عني قالت انا اصلا مامصبرني ع المنتدى غير التحفيظ من اختم بترك المنتدى


انا هنا فتحت فمي من الدهشه افا في حلقات تحفيظ وانا مقابلتن هالهوشات ههههه
وع طول ابحث بالاقسام لين لقيت قسم التحفيظ
واعجبني الحماس والتنظيم بالجداول وع طول ترزح احفظ كل الجدوال كلهن من كل حلقات التحفيظ
ورحت طبعتهن وبديت بجدول عم بالتجويد حفظته طبعا لان حفظي لعم بدون تجويد وحفظته بتجويد وبعده علقت جدول تبارك وحفظته بالتجويد الحمدلله وبعده علقت جدول المجادله وحفظته بعد
بعدين قلت بنفسي بما اني اشتغل بدار اروح اختبر فيهن مع بعض
واختبرت طبعا استغرق حفظي بالتجويد مع تعلم التجويد 5 شهور او 6 واختبرت
خذيت بجزء عم وتبارك جيدجدا😢
والمجادله ممتاز
بعد الاختبار ريحت شهر وبديت بجزء الذاريات وباقي لي سوره واختم الذاريات لكن وقفت ماقدرت اكمل حفظي وصار لي تاركه حوالي 4 شهور والحين احاول ارجع اكمل
انا حابه اشكر هالعضوه هي السبب بعد الله بحفظي وتعلمي للتجويد
والله كنت نفسيا مرتاحه ايام حفظي ومراجعتي ومن تركت رجع لي الاكتئاب لازم نجاهد انفسنا
نصيحه حلقات التحفيظ بعالم حواء ميسره لو مثلي بس تاخذن الجدول وتمشن عليه براحتكن لاني انعيجز اسجل دخول كل شوي ع شان اقول حفظت


وصلى الله على محمد