مشاكلي التي بدأت منذ زواجي

بسم الله الرحمن الرحيم

اخواتي واحبتي اروي لكم قصة ومجموعة مشاكلي التي بدات منذ زواجي.. واتمنى اجد عندكم الحل والنصيحه والكلام الطيب الهادف...
انا تزوجت من رجل من غير قبيلتي ( النصيب) احبه وهو ايضا كان يحبني ويحترمني ويلبي جميع طلباتي يعني مدلعني بس مع الاسف الفرحه لم تكتمل العين كانت اقوى مننا..
كانوا جميع اهله يحسدوني عليه وعلى معاملته لي وخاصة انه فيه وسامه وانه نشيط في عمله وطموووح ويحب يساعد النااس وكل وحده من بناتهم يتمنوه فارس لااحلامهم . مايشوفوني اهله في مناسبه الا وعادوا نفس الاسطوانه ( يابختك .. يحبك.. مايقصر عليكي) ومن هذا الكلام اللي مايعطي خير
والحمد لله .. اني فيني جمال واهتمااام وذوق في اللبس.. فكان هذا ثاني سبب يخلي اهل زوجي يفتحووون عينهم علي وامه الله يصلحها كل ماشافتني تبدا موالها وتكلم بنتها قدامي تقول ( بابنات انتم ليش مو مثلها. ليش هي مهتمه وانتم لا.. ليش هي بيضاء وانتم لا.. ليش هي متكشخه وانتم لا.. ليش انتم ماتستعملو مثلها الصابون المغربي والخلطااات) الى ماله نهايه, 6 سنين وهي تعيد هذا المووووال انا زهقت وبناتها لسه مافهموا
المهم امه كمان كانت ماتحبني كنت احسها تغيير مني وتخااف عليه مني.. تغيير لانها تقووول انه مدلعني جايبلي نت وجوال وادرس بالجاامعه وكل يوم بالسوق وتخااف عليه لاالعب في راسه واكل فلوووسهم وخاصه انه ماسك كل فلووس وايجااارات اهله فتخاف انه يصرف الفلوس علي وهم يخرجوا من المولد بلا حمص

الزبده بدات حياتنا تتغير فجاة بدون مقدمات احبه بس احس اني مو قادره اعيش معاه ومو طايقه شوفة وجهه وهو تغيير مستحيل يجلس بالبيت ابد الا وقت النوم
نحاول نتاقلم مع بعض بس نرجع نتخاصم وكل الناس اللي كانوا يحسدوني صاروا ماعندهم غير سالفة مشاكلنا.. مشاكلنا كثرت والكل صار يتكلم مو مصدقين اللي صار وكيف اتغيرنا فجأه
بس انا مو تغيرت بس على زوجي لا.. اتغيرت حتى في صلاتي صرت ماعاد اصلي مثل ايام ماكنت بنت.. صرت اكره اطفالي والاطفال بصفه عامه والله العظيم ولدي الكبير عمره خمس سنين ماابوسه الا في السنه مره ولا اقرب منهم ولا اضمهم ولا العب معاهم ولا احب اسولف او اجلس معاهم مع اني لما كنت بنت كنت امووووت في شيء اسمه اطفال كنت احسهم روحي كان اي احد يبي يروح مشوار من اقاربي اخلي عياله عندي وكنت حنووووونه جدا جدا ومستحيل اضرب طفل لو يحرق البيت المهم سلامته اتغيرت فجأه..

تقريبا هذه التغيرات كلها صارت لي بعد ولادتي بالولد لاول.. الناس ماعطونا خير..

جبت احد الرقاه عندي بالبيت عشان يقرا علي. فاول ماتكلمت معه طلب مني قبل مايقرا علي انه يأذن في اذني.. فعندما بدا في اول كلمتين.. بدات في الصراخ والبكاااء الشديد.. كنت ابكي من قلبي ابكي بحرقه.. والحين وانا اوصفلكم حالتي وقت القراءه بدات ابكي بحرقه..
المهم واحسست وقتها ايضااا بخوووف شديد اتجاه الراقي فلم يستطع ان يكمل الاذان ولم يستطع ان يقراء علي وطلب مني ان اعالج نفسي بقراءه البقره والاذكار والرقيه والاستحمام بخلطة الرومي وقال لي اذا خفت حالتك اجي اقراء عليكي لاني لااستطيع ان اقراء عليكي وحالتك صعبه
ذهب الراقي ولكن لم افعل شيء مما قاله الا يومين فقط.
كنت بعدها دايم احلم في الراقي كنت احس بخوووف وضيق كنت لما اسمع الرقيه ابكي بشده وترتفع يدي غصب عني وتسحب سماعة الاذن من اذني لكي لااسمع الرقيه
تعبت وحسيت بالم في كل عضو ومفصل من جسدي فتركت القران والصلاة والاذكار فذهبت الاعراض وارتحت وهاا انا انجبت بعد طفلي الاول طفلين ومشاكلنا كل يوم في زياده وانا كل يوم في حااال
عايشه حياتي من دون صلاه ولا اذكار ولا قران بس عايشه في هم وحسره واكتئاب احس الدنيا ناقصه احس اني مااسوى شيء. بين كل فتره وفتره ضميري يانبني لاني مااصلي.. ابكي لاني مو مرتاحه وراحتي في صلاتي واحاااول اعالج نفسي بس في شيء يمنعني مجرد ماافكر اني ابدا الاعلاج او اني اقوم اتوضاء تنتابني اوجاااع في جسمي وضييق في صدري وتنفسي وانا لسه ماصليت بس نويت اتوضأ
اوقات اصلي اجبر نفسي عليها واوقات لا لااستطيع..

ادعوا الله كثيرا انه يهديني بس...
كيف احل مشاكلي كيف اجبر نفسي على التمسك بالصلاه والدين؟؟
كيف اعالج نفسي من العين؟؟ كيف ابعد عيووون اهل زوجي عني وعن بيتي؟؟
اكثر شيء متعبني في الدنيا اني مااصلي .. اخاف امووت وانا تاركتها؟؟
تعذبت في الدنيا وماابي اتعذب في الاخره
مين يقدر يساعدني وينقذني مما انا فيه ويكسب اجري.

وعلى فكره العين اثرت ايضا في بشرتي صارت كلها جررروح وحروق بلا سبب وكل ماخفت من ادويه وكريمات ترجع تطلع جروح من لاشيء وشعري ايضا كان طويل وروعه وها انا الان اشكي من الصلع مع اني مااستشوره او احرقه بشيء مع العلم اني لما كنت بنت كان روعه طول وكثاافه وكنت كل يوم استشوره

من جد تعبت ومليت..
ماعاد عندي شيء اقووله بس ابي اسمع نصايحكم؟؟
انا ماابغى احد يقولي عن اهمية الصلاه لاني متخرجه من جامعة شريعه اسلاميه انا ابغى احد يدلني على الطريقه اللي تخليني اقدر اتحكم في نفسي للصلاه والرقيه.
انا كنت اتمنى القى شيخ يقراء علي غصب عني وعن العين اللي فيني الين تخف واقدر اتحم في نفسي؟؟ فهل ساجد؟؟
وعلى فكره الشيخ قال لي اني مصابه بالعين من انسان مايصلي فهذه العين من اشد الانواع قوة