مشاكلي الزوجيه اللي تعبت منها

السلام عليكم ورحمة الله وبركاته
متزوجه من 6 سنوات وام لطفل عمري 26 وعمر زوجي 35 لكن تفكيره وعقليته اصغر من عمره بالكثير شخصيه غير ناضجه في نظري
باختصار مشاكلي معاه تتمحور حول وقاحته في الكلام وخياناته المتكرره لي
يقولي انتي ماتحترميني بالرغم اني امشي على كلامه وحاشمته وحاشمه اهله حتى بيت اهلي ما اطلع منه الا اتصل واستآذنه كني طفله
يبغا على حد قوله الطرابه و الرقص و الفله وانا م اشوف اني اداة له وفي نظري ما يستحق كسرني كثير وهز ثقتي بنفسي
حاليا اعتقد اني بحاجه لطبيب نفسي من ضغوطه
انا بعمري ما اذيت احد ولا مسيت بآحد او خربت بيت احد فما ادري ليش ابتليت في هالانسان مع اني ما خليت وقت او ساعة استجابه ما دعيت ربي فيها بالزوج الصالح رغبة في الاستقرار اللهم لا اعتراض
يعايرني بشكلي وبآهلي وبوفاه امي
يحب ولده لكنه مقصر معاه كثير
راجعين من غربه وحاليا لي 3 شهور منطوله عند اهلي يازعم بيخلص من الشقه والاثاث
بالنسبه لخيانته مو راضي يتوب عنها وسبق قالي ماراح اتغير عشانك
فيه غل وحقد علي كبير
ضربني مرتين ولكنه غير مبرح مره كف ومره تفل علي ومره خنقني وانا ما انكر مديت يدي عليه دفاعا عن نفسي او بلحظة غضب رجمت الكوب على الجدار
اكرهه و احبه في نفس الوقت ابي الطلاق وما ابيه تعبانه نفسيتي واحس كرامتي انمسحت بالارض مررره تعبت منه مرره استنجدت بآهلي ولكن ما منه فايده كلن لاهي بحياته وما عندهم غير اسفهيه كل شي سويته لكن فيه غصه بقلبي عليه وتعبت من كثر العتاب ومافاد تعبانه منه مررره واتمنى ارد له شي من اللي سواه فيني
له جوانب ايجابيه ايه نعم لكن اللي ذكرته غطا عليها كلها في المقابل يقولي انتي نزره انتي نرفزتك وعصبيتك وزعل كثير كل اسبوع زعلانه ودايم يهدد بعلقك ماراح اطلقك و بتزوج عليك حتى لو تراضينا شايله عليه مرره ما اقدر افتح صفحه جديده معاه وهو يقولي افتحي لحالك انتي الغلط راكبك من راسك لساسك ما ادري انا وش مسويه له عشان هذا كله كاني انا اللي خنته ويعاقبني على هالشي كلن شكيت له ابي حل في المنتدي خالات عماتي قربت انهار حتى ابوي لكن ما احد فزع لي وكلمه يقولون لي اسفهيه لا تردين لين هو يدق علينا بالله هذا حل ؟ اعصابي تلفت جدا والله ماعاد ادعي بالفرج ماعاد فيه حل غير يا انحرف وابرد حرتي منه او اموت وارتاح واريح
شوروا علي يا ناس ؟؟ ابي رد لكرامتي من غير ما اذل نفسي له واقعد اتودد له عشان يرضا علي

المشكله يحاسبني على رده فعلي لما اطيح عليه يغازل او القى اخته معطيته صور لبنات معارفهم او متكلم علي ؟؟ اخر مره يرسل لي مسج وانا طالع للشرقيه مع اصحابي طيب وانا ؟؟ وحصلت خناقه بيني وبينه ويزعل يقول ليش ما كلمتيني وانا مسافرر ؟ بالله راميني عند اهلي وبكل انانيه جاي تقولي ليش ما كلمتيني تسآلين ؟