مشاكلي متى تنحل ...اهئ ..مساعدتكم بليز

السلام عليكم ورحمة الله وبركاته
كيف حالكم حبايبي وايش عاملين..؟

والله انا عندي مشكله وهيا اكبر هم في حياتي ياريت الاقي الحل عندكم..:44:

انا بنت عمري 18 سنة ..اسمي مرومه ..في المرحله الثانويه اخر سنة ان شاء الله من عايله كبيره ومحترمة الحمد الله عندي مشكله واعتبرها فضفضه كمان وابغاكم تسمعوني وتساعدوني لاني اعتبرت كبيركم امي واختي وصغيركم صديقتي :)
مشكلتي هيا؟؟

قلبي يتعلق بسرعه في اي احد اشوفو او جلست مع اي احد عطول قلبي يتعلق في الشخص هاذا
سوا رجل او مراة
منجد يعني اشوف شخص وسيم اعجب فيه وافكر مني عارفه ايش اسوي دايم كذا حتى اخاف تستمر المشكله هاذي معايا لما اكبر واتزوج اهئ

تصدقو حتى المشاهير الي في التي في اتعلق فيهم والله مو عارفه ايش الحل دايم ادعي ربي حتى احمد البايض الساحر دا كمان ههههه يعني اي شخص شفتو في التي في او سمعت عنو او جلست مع ناس وحبيتهم خلاص اتعلق بسرعه واخاف من الفراق اني افارق اي شخص احبو وفارقت جدتي وجدي وصحبتي وخالتي وقلبي اتعذب مره مره وتعبت عشان اقدر انساهم والحمد الله بس

و اذا كلمت صحباتي او احد بيقولي انتي في فترة مراهقه وتعدي بس الظاهر ماراح تعدي:44: :icon33:
نفسي كذا يكون قلبي قوي مايتعلق بسرعه ما اكون حساسه دايم انا حساسه بشكل مفرط
ممكن اي كلمة تأثر فيني عطول ...او موقف حصل واجلس افتكره واتعذب والله
وغير كذا اجلس اشيل هم اي كلمة اقولها ممكن زعلت الشخص هذا مني ؟؟
او اخذ موقف مني ..معني ماشاء الله ماعمر اي شخص زعل او اتضايق مني انا والكل دايم يقولي
مرومه انتي قلبك ابيض وطيبه وماتزعلين احد منك بس والله الظاهر المشكله مني ومن تفكير الغريب

والمشكله الثانيه
تفكيري ههههه يب تفكيري احسه غريب جدا عن الناس
يعني افكر في المظاهر ..يعني كل همي المظاهر والشكل وكذا والمقامات مدري ليش انا كذا اهئ
واحب الحياه الانفتاحيه بشكل كبير ومتاثر با الغرب مره درجه تعلمت اللغه الانجليزيه عشانهم وربي ودرسة في نص معاهد المملكة عشان اتعلم اللغه وافهمهم وعشان لمن اروح اسافر..ودايم اقول لبابا ويقولي الله يهديك التفكير في الانفتاحيه مو كذا يابنتي
الانفتاحيه حلوه بس مو بزياده وانا اعابط واقول لا غير هههههه
حتى افكر في زوج المستقبل واقول لازم يكون مشهور ولازم مدري كيف واخاف اني ما اعجبو مع اني ماشاء الله حلوة جدا وطيبه واهلي وعايلتي كلهم ناس محترمه وطيبه :)الحمد الله
بس مدري التفكير تبعي هاذا من فين مع اني مافي احد اعتقد زي تفكيري
يعني انا انسانه احس نفسي خياليه يعني افكر في الخيال ما اعيش الواقع ههههههههههه
ماما وبابا يقلولي عيشي لو مره الواقع يقولو صرنا نخاف من تفكير لاسمح الله تطلعي المريخ مثلا ههههههههه
الله المستعان الله يساعدني بس واتغير واغير اشياء كثيره فيني انا هع
وتساعدوني انتو وثقتي فيكم انكم حتساعدوني كبيره ان شاء الله تعالي