ممكن سؤال :

الاخت صاحبة الموضوع ،،،

انتي واهل زوجك قبيلين ؟

آسفه بس الجواب يتعلق عليه اشياء كثيره،،

الله يعينك
والله ما اقدر ارد بكيتيني وربي
وقاعدة اتخيل نفسي مكانك
نصيحتي ادعي ربي ولا تدعين على احد احسن لك عشان يكون الجزاء من الله اكبر واكبر
الله يسعدك ويفرج همك ويسخر لك زوجك واهله ويجمع قلوبكم على محبة الله
اختك المحبة .. ضي القمر:27: :24:

الله يعينك .. ترى التعامل الطيب لا بد يوم يلين قلبهم ... و الهدايا لأم زوجك ...

و انا بانتظار بقيه القصه حبيبتي ... :26:

السلام عليكم ورحمة الله وبركاتة

اختي الطيبة الله يعينك على اهل زوجك امبين عليهم مب سهلين لكن الله فوق الظالم ,,,, المهم انك مشاء الله امبين عليك عاقلة وصابورة بالرغم من صغر سنك وريت كل البنات يكون فى تفكيرك وهذا ان دل يدل على حسن تربيت والديك الله يبارك فيهم ويحفظهم لك و لا يحرمهم منك لأن على ما نسمع ان كل واحدة صارت لها مشكلة مع اهل زوجها راحت وطلبت الطلاق وما فكرت فى العيال بارك الله فيك ودام عليك نعمة الإستقرار وزاد إيمانك
ولكن للخوف من الله اختي الطيبةلا تقاطعي اهل زوجك مهما كان السبب ..............
ونحن فى انتظار سماع الباقي


سلاااااااااااااااااااااامتكم

[شوفو ياخواتي ترا اهل زوجي عايشين في بيت ماشاء الله تبارك الله كلهم يحبون بعض ويحترمون بعض ومترابطين ومتماسكين وكلمتهم وحده لايمكن تصير ثنتين عشان كذا زوجي ماكان يقدر يكسر كلمة ابوه لو على قطع رقبته المهم اخته اللي جاي الكلام عنهاعمرها الان 22 تقريبا قبل 3سنين شاركت في مسابقه غنائيه على فضائيه معروفه وفازت بالمركز الاول عن استحقاق وجداره لان صوتها كل من سمعه امدحه وحصلت جايزه ماليه كبيره وجايزه فنيه انه شخصيات كبيره واسماء اكبر راح تدعمها عشان تنزل اول شريط كاسيت لها في السوق طبعا هذا كله صاير بالسر ماعدا جيرانهم اللي عرفوها يوم شافوها بالتلفزيون صدفه يعني ماقالو لمخلوق واحنا اهلهم وقرايبهم ياغافلين لكم الله مااحد عارف شي وانا تزوجت اخوها على عماي يعني مادرينا الامع الناس باستثنائي انا اللي قالي زوجي الخبر بعد العرس بشهر وحلفني مااتكلم يومها بكيت لما انكسر راسي عارفين ليه لان زوجي هو اللي كان مسافر معها محرم لبلاد كلها فسق وفجور الله يهديهم واختها الثانيه مسافره معها بصفتها مديرة اعمالهاالمهم قلت لزوجي ذيك الليله ماهو حرام تغني وتلهي قلوب خلق الله بروعة صوتها وتتحمل اثم كل من سمعها قال هي حره وامها وابوها راضين وبعدين حنا ناويين على شريط واحد بس انا يومها عملت اللي عليه ونصحته وقلت له انصحها وحذرته انه يعود ذا التصرف الغبي ثاني مره ولايفكر انه يمشي وراها في ذا الطريق بس اللي بموتني من القهر انه يرد ويقول تبغي ابوي يغضب عليا المهم بعد سنه نزل اول شريط لها بالسوق والمستور انكشف وبداؤ الناس يعرفون واحد ورا الثاني والاهل والقرايب المن صارت الفضيحه بجلاجل عارفين ليه اقول فضيحه لاننا من بلاد اسلاميه محافضه وساكنين في دوله خليجيه محافضه جدا وحنا عائله كلنا فيها محجبات منقبات وهم اول ناس قاتلتهم الحشمه وفي لحضه الاخت شالت النقاب والحجاب وحطت المكياج ونزلت صورها على الكاسيت لااحترمت صغير ولاكبير ولاشيخ ولاجد ذا كله عشان هي حره وهي والله ماتنلام اللوم على امها وابوها اللي ربوها هي وخواتها تربيه والله عاليه بس للاسف هدموا اللي بنوه في اخر لحضه لان سحر الفلوس كان اقوى من كل الاخلاق والتقاليد والعادات وقبل ذا كله تعاليم الدين الاسلامي المهم المصيبه اللي اقولكم عليها انه قبل شهرجايبيبن معها مقابله في جريده معروفه ومنزله صور جديده لها وقايله انها انهت عقدها مع الشركه الاولى والعقد الثاني بيكون مع اكبر شركة انتاج في الشرق الاوسط اللي صاحبها امير معروف كثير واكيد عرفتوها وراح ينزل شريطها الجديد بعد الصيف مع فيديو كليب راح تصوره لحساب الشركه المتعاقده معها والله انه ماعاد بقى فيه عقل المهم مسكت زوجي ورميتله الجريده وقلتله ايش رايك قال انا شلت يدي من ذا الموضوع نهائي ومالي دخل فيه وكان يبغى يفهمني انه ماهو عارف باي تطورات في ذا الموضوع وانا من جوا قلبي متاكده مليون بالميه انه ولاشي يخفى عليه لانهم معتمدين عليه في اشياء كثيره وكل خوفي من بكره لما الاخت راح تجيها سفرات وحفلات ماادري مين راح يكون محرمهاذي المره بس انا والله ماراح اسكت لوقاله ابوه روح وراها وخلك معاها وانتبهلها بس انا قلت له قبل ماتفكر تطيع ابوك وتمشي ورا اختك في حفله اوسفره وديني لعند اهلي لانه وقتها مايشرفني تكون زوجي وابو ابني ومايشرف ابني انه يكبر ويصير رجال وعمته في ذا الحال خصوصا ان ابوي مره معارض ومنقهر والرجال يعلقون قدامه ويقولون ها بنتك ماراح ترقص بالفيديو كليب والله ان ابوي يقلبها مزحه ويمشي ويتصل عليا ويهزئني انا وزوجي وابني بس انا دايم كنت ابرر موقف زوجي قدامابوي والناس كلها انه ماله كلمه على خواته ولاحتى على نفسه لان ابوه مره قوي وبصحته بس لاشافوه بكره يجري وراها ويش ارد عليهم هذا سبب ثاني قوي خلى ابوي يحرم علي زيارتهم والسفر معهم والاهم من ذا كله ابني الله يحفظه اللي نفسي انه مايسمع اغاني ابد علشان لاكبر يقدر يحفظ القران بس المشكله انه يروح عندهم كثير واكيد يتسمع عند عماته لما يشبع وما اقدر اقطعه عنهم ها ويش قلتووعندي طلب صغير كل وحده تدخل ترد تعطي زوجي نصيحه لوجه الله لانه مني مايتقبل نصايح والناس اللي يعرفوه كلهم يحشون عليه من وراه لكن النصيحه مااحد تجرا للان ينصحه