السلام عليكم ورحمة الله وبركاته
بدخل بالموضوع وبدون اي مقدمات
انا متزوجة صار لي 9 شهور تقريباً
زوجي الحمدلله طيب وحنون واجتماعي ويحب الناس ويخاف الله
بس مشكلتي معهـ ان يعطيني مصروف شهري 500 ريال الحمدلله نعمه غيري مو لآقيها
بس لما اطلع معه سوق ويعجبني شي دايم يقول لي اشتري لك من الـ 500 يحسسني انها 500 الف
ويبيها تبقى معي لآخر الشهر واذا دخلت معه محل وعجبني شي مايقول لي اخذيها وماتغلى عليك
يعني حتى لو سعرها غالي يقول لي اذا غالية ماراح اشتريها هذا اذا ماكان معي وصار الدفع عليه
يدفع بس مايبيني اخذ شي غالي مرة ، واذا قلت له ابي شي دايم يقول لي مامعي ، ودايم يقول لي انتي ليش ماتلبسي لي زي كذا او زي كذا ، طيب انت عطيني كفايتي واللي تبيه يصير ، ودايم اقول له هذي الـ 500 مصروفي مالك اي حق تسالني وين اصرفه لان احس مصروف من حقي يكون معي عشان لما اطلع مع اهلي ما انحرج ان مامعي
المشكلة الثانية ان انا اتغطى وهوهـ مايبيني اكشف اصلا اذا شاف بنت كاشفه وحاطة مكياج وعطرها واصل لآخر الشارع يقول لي ليش انتي ماتسوين كذا وكذا بس مايقولها بطريقة مباشرة ولا يقول لي سوي زي ذي البنت كذا فجاءة يتكلم واذا قلت له ليش تطلع يقول لي انا ما اطلع طيب ليش تسالني ذا السؤال لما مرت ذي البنت وخاصة لما نروح البحرين لان البحرين الكل كاشف ، واذا قلت له ابي مكياج و عطور يقول لي ليه مايحتاج
المشكلة الثالثة احسه صاير ذي شهرين تقريباً دايم سرحان وساكت ومايسولف معي ، اذا قلت له فضفض لي افتح لي قلبك ايش في قلبك عليي يقول لي مافيني شي ويحلف ان مافيه شي وانا اسكت ما احب اضغط عليه حتى لما يروح الدوام يشبك واتساب يكلمني كلمتين ويسكت وانا اعرف ان ماعنده شي فترة البريك ومايشبك واتس كثير على ان دوامه طويل وعنده ساعة تقريباً بريك بس مايكلمني فيها اوقات يمر عليه يدق يسال عن احوالي ويسكر وبس كذا ، اول ماتزوجنا دايم يسولف معي ويقرب مني بس الحين لسى ماكملنا سنة ومافيه بيننا عيال ولسى ببداية الطريق واحس علاقتنا مع بعض فيها برود
مدري انا فيني شي او زوجي فيه شي صراحة مدري
miss u @miss_u_1
عضوة نشيطة
يلزم عليك تسجيل الدخول أولًا لكتابة تعليق.
حبيبتي اشتري من الـ ٥٠٠ ولما تخلص روحي السوق واشتري وقولي خلصت شريت بها ذاك اليوم وخلصت... عوديه انها خلصت... بس لا تكذبين وتقولين خلصت وهي باقي٫ يمكن يحجر لك ويخليك تعددين الشغلات... فخلك صادقة
موضوع خذيها ماتغلى عليك هذا كلام الافلام ياقلبي لا تصدقينه :22: ... كلنا من يشوفون السعر تطلع عيونهم :angry2:
كل الذكور عيونهم طويلة (مو الرجال الي وقاف عند حدود الله بغض البصر)... المهم انك تطلعين بالهيئة الي ترضي الله ورسوله... وماعليك منه قال ليش وماليش.. قولي انا لك وحدك... مو كل من هب ودب شافني بزينتي... واذا صرت بالبيت تسنعي بالشكل الي يشوفه برا اذا كلامه يغثك... بس لا تسكتي له لما يقول ليش ماتكوني زي غيرك.. قولي له انا راضية عن هيأتي وهذي قناعتي الدينية وماني مغيرتها لاحد...
بالنسبة لموضوع انه مايراسلك وهو في الدوام... ياختي خذوا فترة بريك من بعض٫ ولا انا زوجي يراسلني وهو بشغله... وش هالزوج الي بيقعد يسولف مع زوجته بكل مكان... خلاص راح شغلة فترة نقاهه لك وله تفقدون بعض... اما سوا بالدوام وسوا بالبيت... الواحد يمل
كلمتك "ايش في قلبك عليي" بتخلي عقله الباطن تلقائيا يحس ان بقلبه عليك شيء! لا تكررون هالحكي على رجاجيلكم... تغير الواحد بعض الفترات مو غريب.. ساعات يمرون بضغوط بالشغل مايحبون يتكلمون عنها.. والا فيه شغلات مضايقتهم... خليه لين يتكلم من نفسه (اذا كان يبي يتكلم)...
موضوع خذيها ماتغلى عليك هذا كلام الافلام ياقلبي لا تصدقينه :22: ... كلنا من يشوفون السعر تطلع عيونهم :angry2:
كل الذكور عيونهم طويلة (مو الرجال الي وقاف عند حدود الله بغض البصر)... المهم انك تطلعين بالهيئة الي ترضي الله ورسوله... وماعليك منه قال ليش وماليش.. قولي انا لك وحدك... مو كل من هب ودب شافني بزينتي... واذا صرت بالبيت تسنعي بالشكل الي يشوفه برا اذا كلامه يغثك... بس لا تسكتي له لما يقول ليش ماتكوني زي غيرك.. قولي له انا راضية عن هيأتي وهذي قناعتي الدينية وماني مغيرتها لاحد...
بالنسبة لموضوع انه مايراسلك وهو في الدوام... ياختي خذوا فترة بريك من بعض٫ ولا انا زوجي يراسلني وهو بشغله... وش هالزوج الي بيقعد يسولف مع زوجته بكل مكان... خلاص راح شغلة فترة نقاهه لك وله تفقدون بعض... اما سوا بالدوام وسوا بالبيت... الواحد يمل
كلمتك "ايش في قلبك عليي" بتخلي عقله الباطن تلقائيا يحس ان بقلبه عليك شيء! لا تكررون هالحكي على رجاجيلكم... تغير الواحد بعض الفترات مو غريب.. ساعات يمرون بضغوط بالشغل مايحبون يتكلمون عنها.. والا فيه شغلات مضايقتهم... خليه لين يتكلم من نفسه (اذا كان يبي يتكلم)...
حبيبتي مشاكلكم بسيطه واختلاف بوجهات النظر أولا علي المصروف مصروفك لا باس فيه لكن مابتقدرين تشترين منه كل شي زي ماانتي قلتي فقولي له علي الأقل اشتري الشغلات الي تعجبني بالسوق ولا تاخذين غالي ممكن راتبه مايكفيه او عنده قرض او ايجار انتي لازم تراعينه بهالشغلات وثانيا الرجال شكله يتكلم كلام هو مو حاااس فيه يعني مثلا لما قال لك اكشفي وهالكلام اجلسي وتناقشي معاااه وحاولي تقنعيه انك ماتحبي تكشفي مو عشان شي عشانه وعيب الرجال يشوفونك او قولي له وش بيصير موقفك لا شافنا صديق لك بسوق وانا كاشفه وعبايتي مزينه وحاطه مكياج بيقول شوف فلان وش ماخذ له قوله اذا انت ترضاها بكشف يعني حسسيه انه هالشي غلط وخليه هو يكره هالشي من ذاته وعلي البرود زوجك مو بارد بس لابد يكون في فتره برود بين المتزوجين وانتي حاولي تتقربين منه والسوق لا تطلعون شهريا عشان توفرين من مصروفك لو عجبك شي
miss u
•
مشكورين كل اللي ردو
بس انا لو بتكلم من ناحية اكل وشرب مايقصر معي ولله الحمد
بس اوقات يكون مامعه وانا مشتهيه شي من المطعم يقول لي انتي ادفعي من عندك انا مامعي
انا ادفع واساعده في حال حسيت ان جد ماعنده بس ما اعطيه وانا عارفة ان عنده بس مايبي يصرف
ثاني شي عيد ميلادي طبعا اول عيد ميلاد يمر بيننا انا توقعت ان بيحتفل معي بعيد ميلادي او اقل شي
يجيب لي هدية حتى لو خفيفة او باقة ورد ، بس هو ولا عبرني ولا كاني هامته ، بعكس عيد ميلاده
ماقصرت معه بشي ابداً ..
انا ماقلت ان يبيني اكشف بالعكس مايبيني اكشف بس يبني احط مكياج وعطور زي البنات اللي بالمجمعات
انا احط لي مكياج واحط عطور بس مو باين في عينه شي
بس انا لو بتكلم من ناحية اكل وشرب مايقصر معي ولله الحمد
بس اوقات يكون مامعه وانا مشتهيه شي من المطعم يقول لي انتي ادفعي من عندك انا مامعي
انا ادفع واساعده في حال حسيت ان جد ماعنده بس ما اعطيه وانا عارفة ان عنده بس مايبي يصرف
ثاني شي عيد ميلادي طبعا اول عيد ميلاد يمر بيننا انا توقعت ان بيحتفل معي بعيد ميلادي او اقل شي
يجيب لي هدية حتى لو خفيفة او باقة ورد ، بس هو ولا عبرني ولا كاني هامته ، بعكس عيد ميلاده
ماقصرت معه بشي ابداً ..
انا ماقلت ان يبيني اكشف بالعكس مايبيني اكشف بس يبني احط مكياج وعطور زي البنات اللي بالمجمعات
انا احط لي مكياج واحط عطور بس مو باين في عينه شي
الصفحة الأخيرة
انتي لسا في بداية زواجك حبه حبه تبدا المحبه
لسا في طور انو زوجك يفهمك وانتي افهميه
الحمدالله ما احس مشاكلك تعبتر مشكله الا انو هي نقاط اختلاف ةانتي تحسيها غريبه لانك مو متعوده عليها كلنا وكل اللي بالمنتدى مروا بهذي الاختلافات وتروح مع الوقت
ولاتكبري النواضيع عشان تحافظي على حياتك
دعواتك