مشاكلي مع زوجي

السلاام عليكم ورحمه الله..
بنات انا زوجي لما يصير بيني وبينه خلااف
يروح لاا اهلي يشكي مني
يحر قلبي
ومره صار خلااف وراح زعلاان يبلغ اخوي انه خلااص بيطلقني
تخيلوووو..وعلم اخوي كل تفاصيل خلاافاتنا حتى وين ينام هوو وين انام انااا ....يقوله انام لحالي بالمجلس ..يقصد ما اعطيه شي ..والله عيب اصلاا الااشياء هذي تنذكر لي من اخوي..واخوي اصلاا ماله دخل وين ننام انا وزوجي ...حسيت يابنات مالي خصوصيه
واخوي كبر الموضوع زود وراح علم اختي الكبيره
وصارت اختي تكلمني وتراسلني واتساب كلميني ضروررري مرره بسرعه
كل هذا وانا في بيتي ما ادري عن شي
وانا بصراحه زعلت على اخوي لاانه ماكلف على خاطره يجيني البيت ويسمع الموضوع ويتقهوى عندي ويفهم كل شي من الطرفين
كلمني بسرعه ع الجوال زوجك ووووو وعطاني الزبده وسكر وطبعا حاط اخوي كل الغلط فيني مش في زوجي لاانه سامع من طرف واحد
واخوي تصرفه مو حكيم ابد
المفروض يجيني للبيت ويسمع مني ويحل الموصوع بطريقه وديه ويطلع من بيتي وهو خلااص يدفن الموضوع ماينقله لاا اختي وانا علااقتي اصلاا مع اختي الكبيره مو ذاك الزود عشان يروح يقولها عن خبر مثل هذا..وشخصيتها ميب حلوه تحب تفرض رايها وتنصح وهي الصح دايم ..وتحب تنتقد كثير ...عمومن ماحبيت يوصل لها الخبر لاانها حرمه وبتطلع الكلاام حتى لو كنت اختها\
وغير كذا اخوي يكلمني على اني انا المتهمه الغلطانه وووزوجي كامل ميه بالميه
على اي اساس يحكم كذا ؟؟؟
ماسمع مني شي؟؟؟
اانا تصالحت مع زوجي وتفاهمنا وقالي زوجي انا كنت معصب مره بس مادريت ان اخوك بيروح ينشر الخبر
المشكله يابنات زوجي يتكلم واخواني مثله يتكلمون كلهم حريم
مدري وش اسوي
وطلبت من اخواني مايتدحلون وهذي مشاكلي وانا احلها بنفسي
واخوي معطي زوجي وجه مررره
كل ماصار خلااف راح له واخوي يحر القلب يعزز له وينعم له والغلط في اخته
انا بصراحه زعلت على اخووي

المفروض ا الخبر ماينشره ويعلم اختي وهو قاعد في بيته يطقطق بالجوال وواتساب مثل الحريم
يعني اختي وش بتسوي لي ؟؟؟؟؟
وغير كذا دخول اخوي بالموضوع زاد المشكله زود
لاانه علم اختي ..وماحاول يصلح ابد بيني وبين زوجي ....وزاد كلاام من عنده زوجي يحلف ماقاله له
ويعززز لزوجي ويقويه علي كل ماراح يشتكي
اخوي يرفع الضغط صراحه
شوفوو اخطاءاخوي اربعه مش واحد ولاا اثنين
وياناس دخول اخوي واختي بمواضيعي وربي مايحلها
وش اسوي انا عشان ارتاح
مشاكلي ومصايبي صارت كلها عند اهلي وزوجي فاضحني مايمسك شي
قلت له ماله داعي تنشر الخبر ..قالي انا علمت اختك من حرصي عليك وماراح ادخل بحياتك انتي حلي مشاكللك بنفسك؟؟يوم خربها اخوي طلع منها ..يوم تفشل وماعاد عنده كلاام يقوله ..وش عقبه ماراح يدخل بحياتي عقب ما عفس الدنيا كلها