مشاكلي مع زوجي 💔

السلام عليكم اخواتي
انا متزوجة من سنتين وحاليا حامل الحمدلله وغير موظفة
مشاكلي مع زوجي بعددها على نقاط

١)زوجي متقلب المزاج ويعصب على اتتتتفه الاسباب وانا اسكت واعتذر عشان امشي الموضوع بس صارت تتكرر كثير نكون نسولف عادي ويعصب على كلمه قلتها ولا عشان مع الحماس قاطعت كلامه ولا اذا كنا نسولف ومسكت الجوال ثانية وحده

٢)اذا زعلت عليه ما يجي يراضيني لا، يزعل ليه انا زعلت ويبيني انا اراضيه واعتذر بنات ما اقدر اتغلى عليه واحسه عادي عنده يقولي كلام يجرحني
حتى يوم حملت ما يهتم بنفسيتي ولا يقدر لخبطة الهرمونات

٣)زوجي ما عمره جاب لي هدية 🥹 وضعه المادي كويس وبكل الاعياد الدينيه انا اهتم بهديته وحتى هدايا لاهله بس هو يعطيني ٥٠٠ وخلاص حتى بذكرى زواجنا مر كأنه يوم عادي بحكم انه مطوع وهذي الاعياد ما تجوز
من يوم ما خطبني ما اهداني الا مره وحده ايام الملكه جاب ورد ودبدوب واحيانا يجيب حلى
ومره وحده بعد الزواج جاب ورده وحده حمراء
ايام الملكة كانوا اهلي ينقدون عليه انه ما جاب هدية وقلتله مباشرة جيبلي هدية عشان شكلك قدام اهلي قال طيب ايش تبين هدية بس ما جابلي شي
مره اتضايق من اهلي يوم يتكلمون عنه انه بخيل (كثير يقولونها قدامي) مع اني ما اشوفه بخيل
قبل فترة قالي انه بيجيبلي هدية جوال اندرويد مع انه يدري اني ما اطيق الاندرويد واعشق الايفون بس لانه هو يكره الايفون يبيني اصير زيه ووضحت له اني مارح اتأقلم مع الاندرويد وزعل وللحين مصر يجيبلي الجوال
بنات من يوم تزوجت ما اشتريت ساعه ولا اسواره ولا حلق ولا عقد قاعدة اكرر نفس الاشياء اللي عندي قبل الزواج

٤)فيني مشكلة شغل البيت ما اعرف اهتم ببيتي
يعني اغسل واكوي واطبخ واسبع واكنس وانظف وارتب ما اقدر اسويهم
وصايرة اشتغل على الاولويات فقط يعني اطبخ ما اسبع الا بعدها بيوم ولا يومين
اغسل ما اكوي الا الي محتاجينه
ما اكنس الا كل كم يوم مره
بيتي دايما حوسه ومو مرتب ووسخ 💔
للعلم بيتي ناقصه اثاث كثير بحكم انه بننقل قريب يعني احس مهما رتبت مارح يطلع مرتب
وزوجي يكلمني بهذا الموضوع بشكل شبه يومي ومره اتضايق
كثير يقول لي انا مو مقصر معك وايش تحتاجين عشان يصير البيت دايما مرتب ونظيف مع انه مقصر من ناحية الاثاث (انا اسكت ما اقوله انت مقصر) مثلا صالة بيتي فيها تلفزيون وكنب فقط بدون طاولات ولاني كثير كلمته عن الطاولات راح جاب طاولات خدمة من بيت اهله ما يستعملونها وصارت هذي الطاولات طاولة تلفزيون وخدمة
ولا عندي مجلس ضيوف مستحيل استقبل احد ببيتي حتى الصالة ما تواجه
وكثير كلمته اني احتاج دواليب زيادة دواليبنا ما تكفي اغراض وملابس كثير محطوطه برا كذا
الصدق ما ادري المشكلة هذي فيه ولا فيني