مشاكلي مع زوجي (دمج جميع المواضيع المتعلقة )

السلام عليكم
بنات تكفون طلبتكم تدعون لي بتوفيق انا متزوجه من سنتين وعندي ولد وعمري 18
وشفت الخيانه من زوجي قبل نتم من زواجنا سنه
صبرت صبرت الى وصل انه يطقني
تخيلو بنات طقني 4 مرات والخامسه يوم كنت تعبانه
كنت تعبانه وكنت اصارخ من الالم وهو يسكتني ويقول لاتفضحينا
كان فيني حصى بس الحمدلله تشافيت
الحين عند اهلي لي اسبوعين ونص ولا سأل عني
بنات بس ابي منكم انكم تدعون لي بس
طلبتكم:44:

السلام عليكم
أنا طلبت من زوجي الطلاق
وابغاكم تدعون لي
لاتقلون الطلاق مو حل
أنا لو اقول مشكلتي بتشيب روسكم
فكذا اتمنى اي احد يدخل موضوعي يدعيلي
محتاجتكم
الله يوفقكم

صباح الخير
بنات ادعولي ان الله يفرجها
كل يوم زوجي له شي
ادعولي انه مايشوف غيري ويصير خاتم بااصبعي ويدلعني ويعوضني
تعبت بس اشوف الولد وأبكي
أخاف اتطلق ويتعذب الولد
ادعولي ادعولي ادعولي
يمكن يكون دعائك مستجاب وتفرجينها علي
الله يهديه ويصبرني


السلام عليكم أنا كتبت موضوع وقلت كل وحده تدعي لي ان زوجي مايسافر
وألكل تفاعل معي
اشكركم والله أني فرحت بردودكم الله يسعدكم
الله يوفق كل من ردت علي
الله يسخر لها زوجها
ولا يشوف غيرها
واللي ماعندها أطفال يارب ارزقها
واللي مهمومه يارب افرج عليها
واللي عندها اختبارات يارب نجحها
ولكم دعوه مني
الحين ابروح اصلي وادعيلكم
وانتم بعد ادعولي
الله يوفقكم يارب يارب يارب


ام لــودي :27:


السلام عليكم
اخباركم ؟؟
بقولكم وش صار معي
انا كنت زعلانه عشان سفرته
وجلسنا اكثر من اسبوعين لاكلام ولاشي وكله مشاكل
امس كنت توني صاحيه الظهر وكان فيني ضيقه
اول ماقمت شفته جالسه ومعه الجوال قمت وغسلت وجهي وجلست على السرير وقلت بنفس طويل الله يصبرني التفت وقال امين ويصبرني انا بعد
انا انصدمت وصرت ابكي قللت الحين انت اللي مسوي المشاكل وانت اللي خاين وانت اللي قهرتني وتقول الله يصبرني وش سويت لك انا مو حرام عليك تقولها الحين انا مدلعتك واخر شي انصدم فيك وتقول الله يصبرني
هو سكت قال لا انا اقول الله يصبرني ضايق صدري عشانك ماتكلميني
سكت انا والتفت
قال والله قصدي كذا >>حسيت انه جالس يلعب بمشاعري زي كل يوم
جاء عندي وقال وش فيك قلت خلك مع البنات روح اشبع منهم قال اي بنات قلت اللي دايم تقوم عشانهم قال وش الخرابيط والله ماهموني وصار يعتذر ويقول اصلا انا ماهموني وانا اصلا مادريت انك تنقهرين عشانهم والله من اليوم ماراح ادخل المنتديات والقروب اللي تتكلمين عنه راح احذفه وش تبين اكثر من كذا
قلت شف انت تحس عادي انك تسولف معهم طيب تخيل اني اسولف مع شباب ونفس اسولبك معهم تسمح لي
قال لا قلت اجل هذا مو عادي
قال تبين الصراحه مو عادي بس اوعدك اني اخر مره وماادخل الا وانتي معي وجالس يحلف انا سكت قلت خلاص

قال شوفي ترى يوم السبت ابروح انا وابوي لمكه بنجلس 10 ايام كذا قلت خلاص اوك
وقال تبيني اوديك عند جدتك ولا امك
قلت لا امي
قالت طيب وش رايك نروح قبلها لشرقيه يومين قلت لا ماتسوى ومن زمان عنها خلها بالعيد ازين
قال خلاص
مشت اوضاعنا الى الليل يوم جاء الليل قلت عطني جوالك ابغى اكلم امي قال خذي وكلمتها
وقالت متى تجون قلت بجي السبت عندكم لان زوجي بياخذ ابوه ويروحون لمكه قال ايه زين الله يحيكم ونسولف كذا وقبل لاااسكر قالت اقول وش جايكم انتي وزوجك الله يهديكم قلت ليه وش فينا >>انا ماكلمت احد بمشكلتي الا انتم ولا احد يدري ابد
قالت ان فلان اللي هو زوجها اللي مربيني
قال ان ام لودي بتجي عندكم زعلانه وزوجها بيسافر برا
قلت وش لالا مو مسافر ولا شي انا استغربت ومن وين جاب الكلام قالت اجل يمكن بيجطك السبت وبيروح والله اني دايم ادعيلكم الله يهديكم انا انشل لساني ماقدرت اكلم وقلت مع السلامه وهو كان جنبي
وانفجرررررررررررت بكاء وصرت اقوله يانصاب اجل تقول بنروح لمكه وانت بتروح للخارج وبكاء مستمر مع كلام وهو ساكت قلت اوريك ياكذاب وانا ياعمري افكر كيف اودعك وكيف استقبلك وانت جالس تضحك علي التفت قال والله والله اني بروح لمكه
قلت اجل من موصل الكلام لفلان((اللي هو زوج امي
قال انا كنت ضايق صدري مره وقلت له انا بسافر وزوجتي تبي الطلاق لو سافرت وش رايك قال سافر بس
انا هنا صرت اصارخ اقوله معذور لاني انا مو بنته انا اصلا طلعت من الدنيا مالي ابو تدري تدري
انا ماعندي ابو افهم ماعندي ابو وصصرت بس اصارخ من الصدمه اللي جتني
قلت يالله ليه تقوله الحين بيروح ينشر الخبر هذا فضيحه فضيحه
وشلت هم كلام الناس لان صدق راح يعلم كل الناس مايمسك نفسه
وقلت شف ابعطيك معلومه انا ماعندي ابو ابوي عند عياله ومهتم بعياله ولا فكر فيني
وهذا كنت اسميه ابوي >اللي هو زوج امي
بس الحين اعذرني بختصار ماعندي ابو تفهم لاعاد تقولهم
هو سكت وانا عصبت ومسكت الكاس اللي معه كان معه بيبسي وكبيته وكنت ابكسره بس مسكت نفسي وطقيته على الارض والارض كانت فيها فرشه بس من شدة الغضب انكسر الكاس بيدي وصرت اشد شعري واصارخ واقول ياربي خذني يارب خذني ابي ارتاح ابي ارتاح تعبت
وبس اصارخ واطق بنفسي >>معذووره كنت معصبه ولا حاسه بنفسي
ورحت لغرفتي وانسدحت وسكت مدري وش الشعور جاني شي وعجزت ابكي
جاء زوجي وجلس جنبي وقال خلاص وش فيك انتي
ساكته وهو يحاول يشوف وجهي وانا منزله راسي يبيني اتكلم وانا ساكته واخر شي انقهرت قلت ابعد عني لاااغلط عليك
قال ليه تغلطين
قلت وش تبي قال خلاص انا والله مااعرف انه بينشر الخبر انا احسبه واحد يحفظ السر اللي بيننا
قلت ابعد قال شوفي والله اني سفرتي كلها شباب ومطاوعه والله اللي معي بتكون مجموعه مو انا بس لحالي
وبعدين بنروح اندونيسيا وكلها بنروح مع بعض ودراسه والله اني ماراح اخونك ولا المس بنت ولا اشوف بنت والله والله انا بنفسي الروحه اذا كنت ماودك خلاص بكره اقولهم مانب رايح
قلت الحين هذي اول مره يتروح عقب بتروح غصب عني وتتعود على السفر قال لالا مستحيل اسافر الا انتي معي وش تبين اكثر من كذا
قلت خلاص ابعد
وقال وزياده والله اول مااجي ابعطيك الجواز واخليه عندك قلت خلاص رح والله معك
قال انتي فكري الى بكره
قلت رح رحت وانا مستانس
ماودك والله ماراح اسافر
قلت لالا رح والله معك
قال انتي فكري الى بكره
قلت اوك
هاه بنات وش رايكم ؟؟

وزياده يابنات شلت هم وين اروح لو سافر
هو يقول اجلسي في بيتك واذا جاء وقت النوم روحي لهلي لانهم جنبنا وكلها اسبوع وراجع
لان لو رحت لامي زوج امي بيرمي كلام علي
وجدتي بتكون مسافره
وش رايكم

اللي عندها رد سخيف تخلي الرد لها >>ولها مني دعوه بااخر الليل جعلها تمر مثل ماانا مريت فيه واكثر
واللي ردها زين ويقنع الواحد >>الله يوفقها ولها دعوه مني بااخر الليل الله يوفقها ويرزقها بكل اللي تتمناه

السلام عليكم
اخباركم؟؟
ان شاء الله تمام
ابغى طلب صغير مره
((وهو انك تدعين لي بااخر ساعه من يوم الجمعه ))
ان الله يفرج همي وزوجي مايسافر وان الله يهدي زوجي
بس هذا الطلب تكفون طلبتكم تدعون لي
والله والله اني مااكذب عليكم ولا بكلمه اني انا في هم وبكاء وضيقه والله
ادعولي وادعي لكم ان شاء الله
والله يجزاكم خير يارب
وانا عارفه ماراح تقصرون:27: