مشاكلي مع زوجي واخته اللي غلطت عليا في بيتي

السلام عليكم
اخواتي انا في هم ما يعلم بيه الا الله واحتاج رايكم في المشاكل اللي انا فيها
( حسبي الله ونعم الوكيل )
صارت امس مشكلة مع زوجي وماصرنا نتكلم وصلت انه ترك الغرفة
المهم كان يتكلم جوال لما دخلت عليه سكت وقال اكلمك شوي سالته تكلم مين؟ قال مالك شغل انا ما سألته غير لاني بصراحة شاكة فيه لسببين الاول اني اكتشفت انه يكذب علي في اشياء والتاني جوالو مايخلني امسكله ويحرص مره عليه
سبني وسبيته قام مد يده عليا صرخت اصرخ واسب من قوة القهر سبيته وسبيت اهله
قام اتصل على اخته واخته دي بالاساس ماتبغاني جات ما سلمت علي جلست بدا يتكلم ويلومني ويقول هذي ما تجلس عندي مو محترمه ترفع صوتها للامانه انا صحيح افرع صوتي لانه مقصر معايا ويعاملني معاملة اسوا من السيئه مافي احترام بيني وبينه
يقولي انتي ماتعرفي شي مخك صغير ودايما يغلط وماتعرفي شغل البيت وانتي فيكي وفيكي انا ما اتحمل اهاناته وارد عليه
اخته طبعا واقفة في صقه وتقول دا احسن اخواني وانتي صح فيكي وفيكي يعني تذكر اغلاطي وهوا ملاك مشاءالله
قالت الناس يقولو انتي ماتعرفي تلبسي وفي فرح فلان كان فستانك معدوم وحتى شعرك ما تستشوريه واخواتك احسن منك الكلام دا قالته قدام زوجي ووهوا ماقال ولا حرف
قلتلها ليش ما اتصلتي عليا وقلتلي هذا الكلام! ليش قدامة!
انا ما اعرف البس! بلبس الحمدلله من احسن ما يكون ليش بلبس مرقع ولا كيف!
صدمني كلامها واللي صدمني اكتر لما قالت هذا اخويا ماتبغية قولي من بكره انا ازوجه وحده تستاهله متخيلين!
زوجي اعرفو حيجلس يعايرني بهذا الكلام طول ما انا عايشة معاه وكل ما صار شي حيقولي انتي ماتعرفي وفلانه قالت
قالت كلام كتير جارح لكن ماراح اذكره كله
زوجي راح يجلس يهيني طول العمر واصلن مايبغاني من الاول طقول بتزوج رغم انا مالي غير ٣ سنين
اقسم بالله مو مقصره عليه في شي لكن مايملا عينه
البس واكشخ وانفخ في البيت ولا يعجبه لو اولع في اصابعي العشرة شمع
ودايما انا الغلطانة وهوا لانه الرجال ملاك
وفوق دا اهله يكرهنوني ويتكلمو في ظهري وحتى لما قلتله ليش اهلك يتكلمو في ظهري! يقولي براحتهم لانك مو محترمة
لدرجة حتى جسمي اتكلمو فيه والله وزوجتك فيها وهوا واقف مع اهله وفي الاخر يقول قدام اخته انا اطلق عشان اهلي عادي
اخته قدامه ترفع صوتها عليا وهوا ولا حرف حسيت بالاهانه وبكيت بكاء ولا سال فيا بعد ما راحت
لكن ما اقول غير حسبي الله