انا اول ماتزوجت زوجي كان غيور جدااااااااااااااااا وشكاك تعبني ومرضني وكرهت حياتي وكرهت كل شي
بس الحمدلله الحين تغيييييييييير واااجد وبقوللكم كيف خليته يتغير
كان يغار حتى من اقرب الناس من اهلي
اذارحت للسوق ولاكلمة
ويااااويلي لو ابتعدت عنه خطوتين بس ابي اشوف شغله برف ثاني مثلا
لو احد يناظرني حتى وانا متغطيه يقوم الدنيا علي
اكيد انتي ناظرتيه قبل واكيد واكيد
ياويلي اذا ايديني بين منهم غير الأصابع
اذا سافرنا ماتسوى علي والله لاهو مرتاح بس يراقب مين اللي جالس يناظرني ولا انا الا خايفه احد يناظرني وتصير معركة
وياااكثر المعارك سواها مع الناس ويغثني يجي يسألني ناظرك والا لا وانا اجلس احلف انه ماناظر استغفر من الخوف والله
ومره من المرات كنا مسافرين بحكم عمله ودخلنا محل والمسكين راعي المحل مايدري بشي سأل زوجي انت منين زوجي سوى نفسه ماسمع لاني معاه
قام راعي المحل يناظرني ويقول باللهجه السعوديه حيا الله اهل الخليج والا اناظر زوجي من خوفي والشرر يطلع من عيونه
ويجي مسرع لصاحب المحل ويمسكه من قميصه ويقوله انا معطيك ظهري ومافي غير زوجتي ليش توجه لها الكلام قال :انا عم حييها بس
وياريته هالمسكين ماتكلم بغى ياكل طراقات لولا الناس اللي براسمعوا الهواش وجاو حتى الشرطة جاو كرهت السفر معاه
ومره كنا نمشي بالسوق وواحد يناظني ماشفت الا زوجي يوقف ويقوللي روحي هناك انا مسكت قلبي من الخوف عسى مايصير هواش بالسوق
وكلمة من هذا وكلمة من هذا
والله اطالعهم وانا حاطه يدي على راسي تعبت:44:
ادري طولت بس شكلي ماصدقت افضفض
المهم حليت هالمشكله بأني صرت اخبره بكل صغيره وكبيره ومستحييييل اروح لمكان الا واقوله
واذا سافر اتصل عليه اقوله تراني بروح السوق
وصرت اذا مرضت وهو مسافر وعارف اني تعبااانه اتعمد اتصل عليه اقوله اني ابروح المستشفى ويقوللي كان رحتي بسرعه لاتتأخرين اقوله ماكنت ترد ومابغيت اروح من غير ما اقوللك
ومره من المرات كان اخوي مسوي عزومه واتعمدت اني ما اروح واتصلت عليه بعد ما اهلي راحو لبيت اخوي وقلتله البيت فاضي وانا خايفه كلهم راحو العزومه قاللي وليش مارحتي معهم قلتله تعبت وانا ادق عليك مهوب راضي يمسك الخط
خفت تقوللي ليش ماعطيتيني خبر انك رايحه
ابتدى يقوللي خلاص ماله داعي تتصلين
المهم انه مع الوقت تغيييييييييييير وخفت شكوكه وغيرته الزايده تغير كثيييييييير
هذا هو الحل الوحيد للزوج الشكاك الغيووووووور اسألوني عانيت سنوااااااااات :44:
بنات الله يخليكم قولوا ماشالله تبارك الرحمن تراني عانيت سنين طويله والله العالم بحالي :44:
بس حبيت افيد اذا في احد مثلي
مشكوره حياتي