مشاكلي مع شغالتي

السلام عليكم ورحمة الله وبركاته


اخواتي انا موظفه وعندي طفلين ٨ سنوات بالمدرسه و٤ سنوات بالبيت
معلمه مغتربه الله يعجل بنقلي
اضطريت استقدم شغاله بنقاليه عشان تجلس عند ولدي
وتعمدت اني اطلب كبيره بالعمر و مو حلوه عشان اتطمن عليها بالبيت لو تركتها
ماتعرف للجوال تكلم اهلها كل جمعه
لكنها رغم انها شغيله وتعرف عربي و تحب الاطفال
حشريه وملقوفه وترادد
كل حاجه تسأل عنها وغيوره
لو تشوفني اكل نقزت حطت لها اكل
لو تشوفني اتمكيج تبققق بعيونها
تسال عن كل حاجه حتى لا صليت اسمعها تسال بنتي ماما تصلي ايش
لما اطلع بكل بجاحه تجي تسألني مدام وين روح
شافتني أتضايق صارت لا طلعنا تسال عيالي وين تروحون
اذنها معي لما اكلم زوجي حتى لو بالجوال
لا شافت زوجي طيب معي تضيق ولا شافتني متهاوشه معه الضحكه من الخد للخد
وبعد اشك انها تتعمد تلفت نظر زوجي بحركات تسويها
تترك باب غرفتها مفتوح مثلا لا كان موجود وهي منسدحة مع اني معودتها لاجا تروح غرفتها ماتطلع ابدا الا اذا احتجتها
لكن انا اقول يمكن انا موسوسه وأحاول اصرف تفكيري عن هالامور اقول القصص اللي نسمعها عن الشغالات مآثره في
تجلس بصدر البيت ع التلفزيون بكل بجاحه ماتقوم الا لما اجي الصاله
مناقشه درجه اولى
ماتبي السفر
حتى بالويكند بنزل لمنطقتي وعشان نقها
تقلي تعبت تعبت من السياره اهون واقضي الويكند بالقريه


لا رحت لامي او وحده من اخواتي ترفض تشتغل الشغل العادي مواعين قهوه وشاي بس وتقلي انا اشتغل ببيتك بس
طيب انا طلعاتي كثير ولا رحت لامي احيان هي جالسه وانا اللي أقوم اغسل المواعين ببيت الوالده ولا كانها شغاله كانها معزبه
ومع كل هذا راتبها يوصل لاهلها مو ناقص ريال ...
انا حامل وتعبانه ومع دوامي والهجوله اللي انا فيها لازم وحده تساعدني
بس هذي مريحتني جسديًا ونفسيًا عايشه بقلق
دلوني ع حل الله يرضى عليكم
اسفرها
ابيعها واجيب غيرها ولا كيف 😢😢😢