مشاكلي مع صديقاتي ومن احب

الســلام عليكم ورحمة الله وبركاته




عالم حواء هو المنتدى الاقرب الى قلبي صدق مالي مشاركات وايد فالمنتدى بس الله يعلم
اني متواصله جدا معكم ولازم يوميا امر اتصفحه منتداي الغالي ..


اول شي اقول الحمدلله على كل حال




بنات انا امر بظروف صعبه والله وايد حياتي استوت ضيق فضيق واحيان من كثر ماافكر احسني مب قادره
اركز في شي ابد لادراسه ولا علاقتي مع هلي ...




اول مشكله هن صديقاتي كانن من اقرب المقربات لي وحده بنت خالتي ووحده تقرب لي بعد من بعيد
بنات والله احبهم وايد كنت ولا فكرت فيوم اتكلم عنهم بس مع الايام قلبو علي وخصوصن بنت خالتي
كانت معي اكثر واقلبو عليه وعندهم وحده ثالثه كانت من الشله بس يعني ماكانت قريبه لنا اللا يوم
دخلنا الجامعه ... بنات والله العظيم بنت خالتي كانت تقولي شو يقولون همه عني وكنت فداخلي اكرهم
وفجاه هي انقلبت عندهم ضدي والله بدون سبب ..


حاولت ابعد عنهم فتره والحين يمكن سنه وشي علاقتنا جافه جدا وكلام يوصلني ويوصلهم لين كرهنا بعض
تتدرون في ذيج الفتره والله كنت مضايقه جدا لانه كنا عايشين في السكن الجامعي نحن وياهم مع بعض
وكنت دوم التقي بهم واضايق ....تقربت فتره لي وحده من لبناات كانت علاقتي بها سطحيه بس مع الاياام بدت تخبرني عن مشاكلهاا تقربت لي ووايد ودوم اهديها وانصححهاا واقول لاتضايقين كانت تشكي لي عن كل شي تخبرني سوالف طلاقها وحبها لانسان ثاني ... والله كنت ارتاح اسولف عندها لاني اشوفها تتقرب مني كل مره
اكثر لين استوينا ان وهي كلوز سالتني عن مشاكلنا انا والشله اللي كانو معي خبرتها بكل شي ع اساس انها خلاص صديقتي وكنت افضفض لهاا كل شي حتى الانسان اللي احبه خبرتها به وهي تعرفه يستوي ولد خالها ..

المهم الايام تمر ويوم من الايام قالت لي وحده تقربلها انتي عندج علاقه بفلان او تحبينه قلت لها لا وشو جاب هالطاري وغيرت السالفه وكلمتها انا قلتلها انتي خبرتي هالبنت قالت ماقلت لها يمكن بنات خالتج خبرنها وبنات خالتي والله رغم كل اللي بينا ادري مايخبرن لانهن اسرارهن وحياتهن كلها عندي ولا فكرت من زمان يقولن لاي احد كيف الحين يقولن ...خليت الموضوع يمر مرور الكرام هالمره ...


ومع بداية هالكورس ياتني تقول بنات خالتج كلمو فلانه وقالولها انج انتي تحبين فلان ومادري شو وكان يقولون لها
انصحي فلانه لاتصاحب هالبنت (أنا) لانها مال مشاكل ...


قلتلها خلاص انا بواجه الطرفين ذيج البنت والبنات رحت واجهت اللي وصلت لها الكلام قالت والله هالكلام ماصار
ولاحد كلمني من بنات خالتج وهي كانت تسمع وانا اكلمها ...رحت واجهت بنات خالتي قالن والله نحنا مع كل اللي
صار بينا بس والله هالشي لو نموت مانخبر عنه لانه حياتنا كانت عندج كيف نخبر عليج وشرفج من شرفنا ..


وقالن لي وحده من لي عندج مخبره بهالشي وانتي شوفي لمن قايله هالشي ...


انا تاكدت انها هي لي فشت سري وانه هي رمت ظلمها عليهن عشان اشك فيهن مااشك فيها
وبعد قالن لي كلام واصلنهن اني انا اقوله يعني اي شي كنت افضفض عندها لما اكون مضايقه تخبر لبنات والبنات وصلنه لهن وكل مره استوت تخترب علاقتنا انا وبنات خالتي والسبب هي تخيلن بنات تاكدت من سالفه قلتها لها
لقيتها بعد يومين همه عندهم عن المشاكل اللي كانت من بيناا ..


رديت كلمتها بعصبيه والله ماكنت من الضيق اعرف شو بقول قلت لها انا لونذله اقدر افشي اسرارج بين الناس
بس انتي شو اللي يخليج توصليني لهمرحله شو مستفيده والله يابنات كانت لما تمرض واطيح انا اللي اسهر عندها ويوم اضايق انا اللي اهديها ...ماتوقعت هالشي منها ..هي حلفت ع المصحف انها ماقالت سري لحد
وانا الشخص اللي تحبه واجهته وقالي انها هي قالت له اني انا احب فلان ...بس هو طبعا من اهلنا ويحترمني جدا وحلف ماخبر احد بهالسر ...يعني شوفو بنات تحلف ع المصحف وانا متاكده انها فلان قايله له وفلانه من وين
بتاخذ الخبر هذا من دونها ..



لمهم قلت لا انا راسي افتر انتي تحلفين وهي تحلف انها ماكلمنها بنات خالتي وانتي تحلفين انها مكلماتنها
من فيكم بصدق وقلتها احسني كارهتنج كيف اسرار عني ومطلعتنهن للغير ...وخليتها

الحين انا وهي مابينا الاكلام سطحي والمشكله عندي بثلاث كلاساات ..


بناات والله العظيم ضاقت بي الدنيا كرهت البنات ..لمصيبه انه من الشله بعد كانن يوصلن كلام لبنات خالتي عني
انا اقوله عنهن ,,,


بنات والله العظيم الدنيا كلها ظلم انا الحين دايم بغرفتي فالسكن ماحب اخلط فيهم في اي حد لاني والله احسني
انظلمت من الكل ..كرهت البنات ,,,ليش انا دايم اكون ع نياتي وطيبه معهم واخرتها يسوون فيه هالشي ..

والله احسني مظلومه ..واحيان اخاف انا ظلمت حد منهن مابا اظلم حد والله العظيم مابا اظلم حد كل شي ولا الظلم ..

بنات خالتي خلاص انتهت علاقتي فيهن يعني لكلام لي واصلنا عن بعض يكفي يبعدنا العمر كله عن بعض
خصوصن هن ياينهن كلام بالقو عني اني اتكلم عنهم مع انه والله فيه كلام انا ماقلته وفي اللي قلته يوم افضفض لهااا اللي ع اساس ربيعتي ...



احسني مهمومه يابنات خلاص صرت وحيده ماحب الاختلاط وشخصيتي تغيرت مع اني والله كنت اجتماعيه واحب
لبنات والجمعات معهم ..


خلاص احسني تعبت تعبت والله ...







وااللي زايد علي احب انسااان والله احبه يابناااات من 3 سنوووات واحسني امووت ع الارض اللي يمشي عليها
ماريد لعمر غير عنده ماحس قلبي او احساسي يميل لانسان اخرر ..صدق انا اذنبت اني كنت اتواصل معه
هو من اهلي بس مهما كان ...لمهم كان يخطط لخطبتي وزواجنا ودوم يقول اباج ليوم قبل باجر عندي وبودي عيال منج ..


بنات ماعندي شك في حبه واحد بالميه لانه من فتره خطبوله اهله من هله وانتشر خبر خطبيته بس هو كنسل
وقالي مايقدر يعيش بدونني حياااته ورااد وهو يباني بالحلال بس كان يبا فتره تمر وعقب يخطبني عشان المشاكل ..

وتخيلو بنات من فتره قالي خلاص انا وانتي مانقدر نكون لبعض ..عند هلي سبب قوي يرفضون ومابيرضون بهالزوااج
والله بناات صدمني بكيت بكل حرقه احبببببه والله احببببه ولااتمنى غيره زوجي بالحلال ,,,وقررت انا افترق عنه
وابعد مع انه قلبي منكسر من داخل ..



تعبت يااخواتي فالله تعبت من هالمشاكل... انا اقول الحمدلله ع كل حال
بس والله كان وجوده هو ينسيني كل لمشاكل اللي امر فيهن مع صديقااتي ..والحين خلااااص
راااح ..






ياني خبر انه هو راح للعمره وادري به كل مايضايق يروح يعتمر ويدعاااااااا ...





خوااتي ادري عورت رووسكم بمشاكلي اللي ماتخلص بس ماعندي حد بعد رب العالمين غيركم
اشكيله ..







بنات انصحني واهم شي ادعن لي بالستر والله يفرج همي ويجمعني بمن احببت عاجلا غير اجلا

لاني والله اني اريده بالحلال بالحلال ...