مشاكل الاخوات حقيقه ام خيال

السلام عليكم ورحمه الله وبركاته
فيه موضوع بخاطري جدا من فتره وابي اسئلكم خصوصا اني اشوف فيكم ماشاء الله تبارك الله اراء وتجارب وقصص نافعه وحكيمه
بالنسبه للخوات الشقيقات من ام واب تحدثت معي وحده من الزميلات وذكرت لي
ان لها اخت قاطعه فيهم تقريبا عايشه حياتها الله يسعدها تجتمع مع خواتها من شهر لشهر وفيها طبع انها تخبي وتدرا بشكل مبالغ فيه لدرجه تزوج ولدها ماخبرت خواتها الا بعد زواجه بحجه انه سكيتي مع ان الولد طبيعي وموظف واخذ بنت ناس ومافيهم شي خواتها دعوا له بالتوفيق وماكلموها بشي كان ودهم انهم مايعرفون من الناس بس اختهم ومايبون مشاكل استمر الوضع لين تزوجت بنت اختها الثانيه وطبعا ماعلمت اختها اللي تخبي ! من باب الشرهه عليها بالاول لما عرفت جت وسوت مشاكل وحضرت الزواج وسببت بلبله
وهكذا دايم تسبب مشاكل هل من الاصح مقاطعتها !
هل من الاصح معاملتها بالمثل !
هل فيه فعلا مشاكل بين الخوات لدرجه اخت تدعي على اختها !
ياناس انا انذهلت الخوات شي مقدس اختك مقام امك بعد عمر طويل اختك مخبا سرك اختك مستحيل تضرك مهما حصل لكن بعد ماسمعت سالفتها وشفت وضعها خفت من الدنيا وش هي عليه يارب ترحمنا اذكروا لنا تجاربكم والاصح فعله مع الخوات خصوصا انا اتكلم عن حريم كبار امهات عيال عليهم الشرهه مو مراهقات ومشاكل بسيطه

الله يسعدكم يارب ❤️