كيفكم حبيباتي ان شاء الله أنكم بخير
والله أن مشكلتي مشكلة وقلت ما حد راح يحل المشكلة بعد الله سبحانه وتعالى الا اخواتي في عالم حواء مشكلتي مع الخدامة ما ادري ادعي عليها والا ادعي لها الله يهديها .. عندي خدامة جديدة صار لها شهر وجبتها علشان بنتي الصغيرة عمرها 8 شهور لاني مقدمة على وظيفة وان شاء الله يقبلوني فقلت لازم اجيب خدامة تداري بنتي واعلمها الشغل انا حاليا ساكنة بيت الوالد الله يطول بعمره لان زوجي مسافر وفيه بس اخوي وعياله ومرته خدامتي من يوم جبتها عندهم تريد تسوي الشي الي في راسها وبس واقول لها انتي بس عليك بنتي ونظفي غرفتنا والصالة بس تقوم الحبيبة تكسر كلامي وتساعد خدامتهم في كل شي وكانها الخدامه الثانية هي راعية البيت وخدامتهم ابدا ما تسوي شي لنا خير شر لو تساعدنا بشي بقول مش مشكلة ساعديها ...الحين بنتي هي نقطة ضعفي انا خايفة اصرخ عليها وابهذلها بس يوم اتذكر اني بحط بنتي وعندها اتراجع واقول بس عشان خاطر بنتي يهون وكلمة زوجي قال طنشي عشان بنتك وخوفي اذلفها بلادها بس ما احصل البديل المناسب وانتوا عارفين مشاكل الخدم بس بصراحة وكلمة الحق تنقال مش مقصرة مع بنتي . بس هذا عيبها الوحيد الي براسها تمشيه يعني محسستني انها هي الامر الناهي ارجوك تشوفون لي حل . وجزاكم الله خير
am iman @am_iman
عضوة نشيطة
يلزم عليك تسجيل الدخول أولًا لكتابة تعليق.
**شذا الورود**
•
كلهم كذا الا ماندر الله يكون بعونك
أهلاً اختي ,
دآمها مهتمة ببنتك ومو مقصرة معآكم , إيش المشكلة لو تسآعد الشغآلة الثآنية ,
يعني زيادة الخير خيرين ,
واهم شيء تكون معتنية ببنتك وخلاص
وفوق ذآ كله الأفضل إنك ما تتركي بنتك للشغالات ترى مالهم أمان أبد ,
الأم لطفلها دايما أبداً ,
ودي واحترآمي لك ~
دآمها مهتمة ببنتك ومو مقصرة معآكم , إيش المشكلة لو تسآعد الشغآلة الثآنية ,
يعني زيادة الخير خيرين ,
واهم شيء تكون معتنية ببنتك وخلاص
وفوق ذآ كله الأفضل إنك ما تتركي بنتك للشغالات ترى مالهم أمان أبد ,
الأم لطفلها دايما أبداً ,
ودي واحترآمي لك ~
بنتي نفس عمر بنتك ولا اتخيل الشغاله تلمسها نهائيا الله يخليني لها
نصيحه لاتحطينها عندها
خلي بنتك مع اي احد من اهلك والشغاله للبيت بس
نصيحه لاتحطينها عندها
خلي بنتك مع اي احد من اهلك والشغاله للبيت بس
am iman
•
جزاكم الله خير.... والله العظيم الود ودي ما احد يلمس بنتي بس ايش اسوي الظروف جبرتني الله المستعان
الصفحة الأخيرة