مشاكل بالتبويض والرحم + ضعف حركة + صرع + سهر وهم = حامل بالشهر الثامن

في البداية لازم اوضح للجميع أني انا ( رجل ) ولست ( إمرأة ) , طبعا أصلا اليوزر للمدام وكل المواضيع للمدام , واللي بيتابع معكم في اي استفسار لاحقا بهالموضوع بيكون المدام فقط , انا فاضي بالدوام ولقيت اليوزر وقلت افيد واستفيد
بس وانا احدث القوقل كروم وكلمات المرور لقيت اليوزر هنا محفوظ وخشيت عالمواضيع ومن ضمنها تأخر الحمل ف حبيت اذكر تجربتنا ومميزاتها وعيوبها من منظوري كـ ( رجل ) ويمكن اساعد كذا بكذا شيء, واصلا هالقسم كان صديق وفي لنا طيلة اربع سنوات والله يكتب اللي فيه الخير لذلك
اذا كان هالشيء مخالف لقوانين المنتدى فـ خلاص احذفوا الموضوع وأعتذر مقدما , بس حبيت اكون صادق من البداية , وكما اسلفت اليوزر للمدام , بس والله وبالله وتالله مع فضاوة الدوام قلت افيد واستفيد فقط
احنا صار لنا أربع سنوات ولله الحمد ما حملت المدام لعدة اسباب أهمهما ( ضعف الحيوانات المنوية ) عندي , وطبعا بعد زواجي بسنتين سويت عملية الدوالي بالشميسي وكان يفترض تطلع نتائجها الطيبة بعد ثلاث شهوربس للأسف بعد ست شهور عملت تحليل وطلعت النتائج مكانك سر .. ما تغير شيء وكنا محبطين جدا ,,
ايضا المدام كان عندها تكيسات بالمبايض والظاهر الرحم ما ادري وش كانت مشكلته يمكن سماكته او حاجه زي كذاالزبدة انا كنت اخذ علاجات ومكملات تزيد من الحيوانات المنوية وحركتها والمدام في نفس الوقت كانت تتعالج عن دكتورة شاطرة جدا اسمها ( منال نوفل ) في مستشفى الحياة الطبي شارع هارون الرشيد مخرج 15وكانت تعالجها شهريا بالابر وحبوب وشغلات , وتوقف شهر وترجع تعالجها شهر , الزبدة ان حالة المدام بعد شهور علاج تحسنت كثير والمشاكل اللي عندها ما راحت , بس قلت المشاكل كثير اضيفوا الى ذلك ان المدام تعاني من الصرع ولله الحمد وكانت مجبرة انها تاخذ حبوب الصرع , وحبوب الصرع بحد ذاتها كانت تعرقل كثير من العلاجات والمشاكل وتسبب مشاكل بالتبويض
, بس ولله الحمد فيه دكتور شاطر جدامختص بالمخ والاعصاب في مستشفى عبيد التخصصي ( الملز جنب معهد الادارة ) عمل لها كورس علاج وفي النهاية رست على حبوب ( لاميكتال ) والدكتور اصر انها تاخذها بالمواعيد اللي حددها وان شاء الله امورها بتزين , وفعلاهذا اللي صار المدام تاخذ الحبوب بانتظام , والحمد لله الحبوب كانت افضل انتاج وأمان ممكن في العالم لعلاج الصرع ومناسبة حتى للحامل والمرضع ..
بعدها قررت نتوجه لـ عمليات الحقن المجهري لأننا تعبنا من العلاجات والمستشفيات والابر وكان الاحباط لا قبله ولا بعده بس الامل بالله كبير وكبير جدا , وكان اختيارنا للحبيب والدكتور بندر العبدالكريم , وفي البداية عملي وعمل لها تحاليل شاملة وكاملةوطلع عندي مشكلة بالحركة , الحركة عندي ضعيفة ولكن في حيوانات منوية حوالي 7 مليون , والمدام عندها مشاكل بسيطة بالبويضات , وقال هالشهر ما ينفع اعمل العملية ان شاء الله من الشهر الجاي , وهالشهر فيه علاجات لازم تاخذها المدام وتعالوا ثاني يومالدورة من الشهر الجاي ( طبعا عطاها حبوب منع الحمل وحبوب ثانية نسيتها )
, وبالفعل انتضمنا عالعلاج وجيناه ثاني يوم الدورة من الشهر اللي بعده وكانت الامور عند المدام تمام وسوينا الاجراءات والتحاليل اللازمة وعملنا العملية وسحبوا من المدام 9 بويضاتورجعوا 3 وفي نهاية الشهر طلعت المدام حامل ولله الحمد والان بالشهر الثامن ( ويا رب الله يقومها بالسلامة ويرزقنا الذرية الصالحة , دعواااااااااااتكم ) طبعا الدكتور بندر والله كويس وخبير , واللي يطلع عنه كلام انه ما يسمع للمرضى من كثرة الزحمة وانه صاير سريع وشغله مو مضبوط , كل هذا غير صحيح ويشهد علي الله , طبعا ما انكر عنده زحمة وهو يحاول يختصر مع كل مريض ويعطي المفيد بدون كثرة كلام بس يكفي اسلوبه الراااااااقي وتعامله مع المدام وقت العملية كان تعامل اب لبنته وقرا عليها وكذا , والله دكتور شاطر ومتمكن , واذا كان فيه عيوب بسيطة او متسرع احيانا فهذا ما يلغي مميزاته وايجابياته , الله يكتب اجرة ,
مختصر الكلام ونصائج مجانية من عندي ..1. اللي عند زوجها نقص ( حاد ) بحركة الحيوانات المنوية يلجؤون للحقن المجهري علطول يعني الحركة من 25 ونازل ..2. اللي عند زوجها نقص بعدد الحيوانات المنوية( اقل من 10 مليون ) , يعمل بالاول عملية دوالي وهي مفيدة كثير بأذن الله للعدد بس بالنسبة للحركة ما اثبتت فعاليتها .وتوكلوا على الله وحولوا شكواكم له وهو قادر باذن الله يرزق كل محتاج ,
انا كنت اشوف مشكلتنا ما لها حل وصعب يصير حمل وكان الياس يدب احيانا بس الامل بالله سبحانه وتعالى كبيرتخيلوا مشاكل كثير عندي ومشاكل كثير عند المدام وفوق هذا كله صرع .. وضغط اهل واحلام اب وخيالات ام .. والله في النهاية نظر لنا بعينة التي لا تنام
طبعا فيه تفاصيل كثير ما ذكرتها وفيه اشياء تجاوزتها , حاولت اختصر قد المستطاع .. والله وبالله وتالله اني ما كتبت الموضوع إلا لاجل اعرض تجرتنا فقط ,
ويا رب يا كريم يا رحيم يا عليم يرزق كل محرومة فيكم ويعجل بالفرج , وكل شيء بوقته حلو ان شاء الله تعالى
شكرا للجميع