خواتي الكرام انا اليوم حابة استشيركم في شغلة صايرة معاي
اول شي طبعا حاب اشكر جميع الاخوات المشتركين في هالمنتدى الرائع وابشركم اني ولله الحمد توفقت وتزوجت وهاي ثاني زوج لي اول مرة كنت مخطوبة بدون دخلة والحمد لله توفقت بشهر 7 الي فات وتزوجت بشهر ديسمبر. الي صاير معاي خواتي اني ايام الخطوبة كنت مستانسة مع خطيبي وايد كنا نطلع وانروح مع بعض وايزورني بالبيت. بس من بداية شهر اكتوبر من قمنا انتجهز للزواج وصرنا وايد مشغولين ما قمت احس اني مخطوبة ولا احس بالدلال. بس استحملت لاني الصراحة احس خطيبي شخص طيب وحبوب . يوم قربت حفلة الزواج وكانت كلها من ترتيب اخته الكبيرة الي عرفت من اول يوم دخلوا بيتنا انها من النوع الي عنده عقدة نقص الاهمية واتحب اتسوي كل شي بروحها عشان اتحس روحها مهمة وفلتة بس كنت اطوف لانها ماتدخلت الا من وقت ماحجزنا لحفلة العرس وصار بينا خلاف علي شغلة تافهة وقامت ارفعت صوتها. خطيبي وايد تضايق بس مارد ويوم واجهته قالي هاذي اختي العودة وانتي زوجتي وانتوا الثنتين حليتوا المشكلة فمن جذي ما حبيت اتدخل. بعدها قبل الحفلة بايام بعد سوت مشكلة كبيرة خلت اثرها في قلبي لان زوجي بعد ماتدخل بس الحق ينقال اذا اخته او احد من خواته قال شي يمكن ايزعلني ايرد بطريقة حلوة ويمدحني جدامهم ودوم ايقولي ماعليج من احد عليج مني انا. المهم صار يوم العرس صج كانت الحفلة حلوة بس انصدمت انها غيرت في اشياء وايد كنت طالبتها وانها جذبت علي وقالت انها بتسويها ويوم سالتها قالت لي بكل قلة ذوق ان مادام اهل العريس دافعين ومو اهلي حق العرس عيل ذوقهم الي يمشي مو ذوقي انا وايد تضايقت واحس اني حملت معاي هالضيق حتي في شهر العسل. وحتي يوم رجعنا البحرين ظليت متضايقة فترة. اتيني ساعات فترات ضيقة صدر وابي ارجع بيتنا. الي ابي اقوله بعد اني ماخليتي زوجي ايعاشرني مسكين دوم ايحاول وانا استجيب بس عقبها ايصيدني نوع من الخوف وماخليه ايكمل. قضينا شهر العسل جنا اخوان والحين بيصير لنا شهرين متزوجين واحنا مو عارفين شنو انسوي. اهوا مسكين احسه تعقد مني. ثاني شي احس اني كلش ماحبه مو نفس ايام الخطوبة يعني حتي لو ايجرب مني جني لوح اصير معاه. انا بعد احس روحي مو طبيعية كلا امكسلة وما سويت ولا شي من الاشياء الرومانسية الي كنت ابي اسويها في شغلة بعد انا حاليا ادرس الماجستير وانا اخر سنة ان شاء لله السنة. شغلة ثانية زوجي الحين لانه طلع اجازة طويلة ماعنده راتب خذه مقدم عشان الزواج ومصاريفه يعني انا الي صايرة اصرف علي مقاضي البيت . الاجار اتفقنا من البداية ان نصه علي ونصه عليه لان ماعجبوني الشقق الي يقدر اهوا علي اجارها.
ياخواتي ابي منكم واحدة اتفهمني شنو صايرة معاي وتنصحني ضروري انا خايفة زوجي ايطير من يدي وانا خايفة ابي احمل بعد تري العمر صاير ما ايساعفني. وزوجي مسكين صاير عمره 36 ويبي اعيال.
بحرينية 76 @bhryny_76
عضوة فعالة
يلزم عليك تسجيل الدخول أولًا لكتابة تعليق.
رينادي
•
أهلين حبيبتي هذي الحالة تصيب أغلب البنات الفتور وعدم الاهتمام بالزوج بالأخص أنك مستعدة بداية زواجك لرومنسيات وتفاجأتي بالحياة الزوجية غير عن بيت أهلك ونصيحتي لك حبيبتي من اليوم أضغطي على نفسك وقولي زوجي يستاهل وحاولي انك ماتتوترين وهذي فرصة انك تتعرفين عليه من جديد البسي وادلعي وانسي مواقف أخته ولا تتدخل في حياتك وأنت بنت اليوم اي شي صار خلاص أنسيه ابدي من الليله عروس جديدة .
الله يسعدك ويجعل أيامك حلوه
الله يسعدك ويجعل أيامك حلوه
زائرة
•
طبيعي ياعسل كلنا مرينا بهالفترة
الصفحة الأخيرة
بنسبه لخته خلاااص موضوع راح انسيه بس خلي حدودها لين هنا بس لاتتدخل في حياتك بعد الزواج هدا المهم.
واذا على خوفك وبعدك عن زوجك رووحي لدكتور لا تسكتي اكثر من كذااا .. ويجي وقت زوجك راااح يمل فيه هذا خوف طبيعي الدكتور راح تعالجه لكي اعرف بنات راحوا لدكاتره وساعدهم.