اولا السلام عليكم ورحمة الله وبركاته
ثانيا -- أشهد الله العلي العظيم ان هذه الخلطه من ابتكاري واختراعي ولا اعتقد ان فيها ضرر على اي شي بإذن الله
احب قبل لااذكر الخلطه اقول لكم انها للشعر والجسم
تنهي مشاكل الشعر من (خشونه-تقصف-تساقط-جفاف-بهتان)
وتنهي مشاكل البشره (الجسم والوجه) من (جفاف-خشونه-حب شباب -اسمرار-بهتان)
ويعلم الله اني ماابغى غير دعائكم لي بالشفاء من الصداع والوساوس والهدايه والرزق الحلال الوفير والغنى عن الناس
ايضا استحلفكم بالله اللي تريد تنقلها تنقلها لأي مكان شائت مع ذكر المصدر وهو اسمي عشان يدعولي كل الناس وبإذن الله حتفيد الكل وانا مجربتها ومااستغني عنها وتقدري تسويها في اي وقت تبغيه ويكون عندك وقت ومااسهلها واسرعها والحلو فيها انها للشعر والجسم في آن واحد
بسم الله
مكوناتها (بفنجان القهوه الكبير او نص فنجان الشاهي)
فنجان بن قهوه عربي غير مطبوخ
موزه
فنجان نارجين او جوز هند مبشور
فنجان فول سوداني حب يعني حبوب محمص
فنجان زبيب
فنجان حبه سوده حب او مطحونه
خياره
فنجان قهوه صغير زيت زيتون
حطي المكونات في الخلاط وحطي شوية مويه عشان تنطحن بسهوله
حتطلع معاكي ثقيله شويه احسن برضو
الطريقه سهله جدا
بعد ماتغسلي شعرك بالشامبو الخاص فيكي وشطفتيه
وغسلتي جسمك ووجهك بصابون عادي للتنظيف وشطفتيه
حطي من الخلطه على راسك وافركي الشعر اولا الفروه
بعدين اطراف الشعر حتى الاسفل مع الفرك يمين وشمال عشان التقصف يروح
عاد الفرك مايكون بدفاشه ولا بنعومه مره
يعني عشان يستفيد شعرك من الخلطه وفي نفس الوقت ماتتعاملي معاه بشده
بعد ماتفركي كل شعرك اتركيه وروحي لجسمك
حطي من الخلطه على جسمك ووجهك وافركي افركي منها صنفره طبيعيه ومنه
كللللللللل جسمك حتى المنطقه الحساسه لو تبغي
بعد ماتخصلي اشطفي جسمك وشعرك ولاتخافو الريحه حلوه وطبيعيه وتقدري تتعطري او تخللي جسمك زي ماتبغي لكن انا اشوف الريحه حلوه وطبيعيه وريحة موز روعه
بنات بعد التنشيف بتحسي باحساس مااقدر اوصفه لك بالكتابه لازم تحسيه بنفسك والمتزوجه زوجها راح يحس ان ملمسها غير طبيعي ونعومه جنان بدون كريمات وقرف
وانصحكم يااخواتي انتبهو من كريمات الجسم وانصحكم بالخلطات الملطفه الطبيعيه من مطبخك بدال الكريمات اللي تتراكم في البشره وتضر بها والله اعلم ايش مكوناتها
شي أخير بقوله لكم ومهم
راح تحسو بأن شعوركم بعد الشطف متماسكه شويه طنششوووووووووووو تماما وخلو شعوركم لما تنشف لا تمشطي شعرك حتى ينشف وتعالي خبريني عن النعومه والقوه
حتى لما تمشطي شعرك وكان زمان عندك تساقط بتلاحظي انه التساقط مافي او قليل جدا
هذي الخلطه مقويه ومنعمه ومريحه جدا للشعر والجسم
بتخرجي من الحمام وحاسه نفسك فرش ومرتاحه وناعمه واتخلصتي من مشاكل جسمك وشعرك
وتعالي شوفي مع الاستمراريه كيف تصيري
ارجع واذكر ان اللي تنقل الموضوع او الخلطه تذكر اسمي وتطلب الدعاء لي وهذا كل اللي اتمناه وبارك الله فيكم ويسر امركم

ضاعت ايامي @daaat_ayamy
عضوة فعالة
يلزم عليك تسجيل الدخول أولًا لكتابة تعليق.

oum adnan
•
مشكورة عالخلطة الله يشفيك يا اختي

@غالية@
•
اسأل الله ان يجعلها بميزان حسناتك ويرفع قدرك ويزيل عنكي وساوس الشيطان ولايريكي مكروه ويجعل لكي في ذكره شفاء من كل داء ويذهب عنكي صداعكي ويبدله براحةلاألم بعدها وبالتوفيق


اسأل الله ان يشفيك ويعطيك لما يرضيك
عندي سؤال الخلطه تطلع من الشعر بسهوله
وجزاك الله خير
عندي سؤال الخلطه تطلع من الشعر بسهوله
وجزاك الله خير

الصفحة الأخيرة