الشهر عليكم مبارك وكل عام وانتم بخير
اكيد اغلبكم تتذكروني انا اللي جاء عريسي يشوفني مرتين :09:
طبعا باقي القصه انه بعد ماشافني قال اوكي ابيها بس ابي الزواج بعد سنه ونص
قلت لا معصي اجلس معلقه سنه ونص بدون ملكه ولا زواج لا ان شاء الله ربي بيرزقني غيرك
المهم ماطول عليكم السالفه وهي قصيره
انا عندي مشاكل بالبشره
دهنيه + حبوب + ندبات + وجهي اسمر من جسمي يعني لازم مكياج عشان اوحد اللون
وطبعا اختكم في الله تعقدت من مده ولا عاد صارت تهتم لن كل مره اهتم في وجهي يرجع يندمر :icon33:
وقبل رمضان بأسبوعين قررت ابدا اهتم في نفسي
رحت للدكتوره في اسرة المجد ماعجبتني كل شي قالته قديم
طلعت ورحت للاسره لقيت عندهم دكتوره سودانيه شكلها شاطره بس مره بارده وعجازه
عطتني لوجهي مقشر قالت استخدميه اسبوع وبعدها تعالي اشوف وش اسوي لك
وبعد اسبوع من استخدامه حسيت اني مو مقتنعه بكلامها رحت لعيادة ناديا الغصن للدكتوره لبنى
قالت لي التقشير هذا كويس بس تحتاجين اظافات قلت وشي قالت اول شي عشان تجيب نتيجه سريعه لازم تنظيف بشره مع التقشير وكريمات ثانيه بعطيك اياها
سويت لي تنظيف بشره ب 500 ريال تنظيف البشره حقها جدا عادي مافي اي شي جديد ولا غريب << الاخت خبره
وعطتني كريمات برضو ب 535 ريال
للحبه الحمرا مرهم احطه عليها هذا اسمه ( akne mycin 2% ointment ) مالقيت صوره له
وعطتني مسح كحولي من نفس الماركه امسح نفس الحبه
وعطتني للندبات كريم قالت احط مسحه منه ع الندبه هذا اسمه (skin restore scar cream)
هذولي استخدمتهم بالبدايه وقالت لي اوقف التقشير للوجه وقالت تعالي بعد اسبوع اسوي لك تنظيف بشره
وبصراحه هي مره غاليه رحت لمستوصف الاسره وسويت تنظيف بشره عندهم مايفرق شي عن تنظيفها
والحين بشرتي كثير تحسنت عن قبل بس فيه مشكله انا تطلع لي حبوب ماينفع معها لا كريم ولا شي كبيره وقاسيه احترت فيها بالاخير قالت لي امي حطي كريم الدمامل وحطيت سبحان الله مثل السحر الحبه بعد 3 ساعات طاحت ويوم حطيته قناع على وجهي كله حسيت وجهي فتح
طبعا صرت استخدم خلطه تفتيح مع البرنامج حق الحبوب والتحسن صار ملحوظ ماشاء الله
نروح للظهر انا برضو قررت اهتم بظهري مره وحده انا
عندي الاكتاف فيها بقع ودايم يطلع حبوب فيها
عطتني الدكتوره السودانيه في مستوصف الاسره مقشر خفيف قالت حطيه على ظهرك
وسويت جلستين احماض فواكه النتائج للحين حلوه بس باقي ماخلصت
حبيت افيدكم بتجربتي لن اكيد فيه بنات محتاجينها وبرجع ان شاء الله اقول لكم النتائج النهائيه بس ادعو لي ربي يشفي حبوبي وارتاج