مشاكل تضحك

بس احس ان القسم جد كئب حبيت نفرفش شوي من غير ما نغير مسمى القسم يعني على قولتهم هم يضحك وهم يبكي...
في احداث وماقف اشوفها قدامي تصير واستغرب لها واستنكرها ...ولما افكر فيها بعدين احس عن جد الناس صايرة تضحك حياتهم صارة مهزله بقووة...

هذي قصة..
حلو الواحد يسافر سياحة ويتمشى ويدلع عمره.. بس باول يحقق استقرار لأسرته و اولاده

اعرف وحدة مسافرة هي وزوجها وعيالها هم حاليا يبنون بيت وعليهم ديون بشكل ماحد يتصوره من كل المعارف متسلفين..لاوحتى اقاربهم متسلفين لهم مشان يخلصون بيتهم..مادري كيف اولوياتهم


** حلو الواحد يكشخ ويلبس ويدلع عمره وكلنا نحب نطلع باحلى طله..بس مو لدرجة اني اسوي جمعية مشان البس فستان عند مصمم لبناني ولا المشكلة كل المعازيم عارفين البير وغطاها....عجبي

***هذي ما عرفت اجيبلها مقدمة لاني بجد اقرف من الناس اللي تحاول تدعي انها من طبقة مادية اخرى
واللي تلاقينهم يتلازقون باللي اغنى منهم..ولازم يثبتون وجودهم على حد قول البنية(بطبقة المخملية)
اسمحولي على الكلمة بس جد احسهم فيران جرذان تتجمع على فضلت اللي اغنىمنهم..والغنى لله
كنا بفرح وكانوا عازمين وحده المفروضوا ان وضعها المادي افضل منهم او انا اشوف انه يتهيئلهم(مع العلم بان وضعها عادي او متوسط يعني البنيه تجمع مصروفها حق 3 شهور وتشتري جزمه وانتو بكرامه بـ1500ريال بعد التخفيض لانها راقيه وكلاس وما تلبس الاماركات عالميه)
المهم جالسين يخدمونها ويشترون رضاها كان بالحفل ما في الاهي...سبحان الله يعني افتقار لثقة بالنفس مش طبيعي وعدم رضى مش طبيعي

***اموت من الغيظ لما تكون البنت تختار صاحباتها على حسب اشكالهم ولبسهم من وين يلبسون وين يرحون ومين يعرفون..............

اذكر مرة معزمين بجمعت بنات وانا داخلة وخواتي قابلت وحدة وخواتها وسلمنا وحطينا العبايات ودخلنا سوا سلمنا على الموجودين يوم جيت بجلس كان في مكان فاضي جنب بنيه بسيطة وجيت بجلس وسحبت وحده من اللي دخلت وياهم قالت لاتعالي تفشل وين تودينا هناك ...طبعا طناش وجلست بس بصراحة استحقرتها....

***يتبع واللي عندها سوالف كذا تحطها بليز ..ولا احلى من كذا