بقولك شغلة:شوفي يا عسل أحس بفترة العشرين ودنا نصير أفضل نسخة ودنا يصير كل شيء بس هالشيء مستحيل سبحان الله لا بد النقص في بعض الجوانب ولكن نسدد ونقارب، حاولي تعدلين شيئين في حياتك: نومتك وقومتك بدري وصلاتك إذا ضبطوا أمورك بتزين بإذن الله، قومي الفجر وقت البركة احرصي تكونين مرتبة شعرك مرطبة بشرتك وشفايفك، بعد صلاتك اقرأي أذكارك وحصني ولدك وابدي مهامك الأهم فالأهم إذا خلصت مهامك وعندك فراغ افتحي يوتيوب وتابعي رضوى جلال من كثر ما النساء استفادت منها حتى مسألة الأنوثة تعلمك عليها لأن الشرح هنا يطول والله ..
أيضا قراءة سورة البقرة يوميا بنية البركة وإصلاح الحال الرسول عليه الصلاة والسلام يقول أخذها بركة وتركها حسرة ولا تستطيعها البطلة(وهم أهل الباطل السحر والشعوذة) ولو صفحة اقري اللي تقدرين عليه اختي والله يوفقك ويصلح حياتك

أيضا موضوع السمنة اللي ندور عليها انا وياك 😂❤️.. سوي أكلات تسمن بشكل صحي مثل مشروب د. هند للتسمين، كلي وجباتك بانتظام وبينهم كلي سناك صحي فواكه خضار اللي موجود، وأنصحك تروحين طبيبة تغذية تعطيك فيتامينات مناسبة لك، وحتى مسألة الغازات حاولي تابعين دكتورة.. بالنسبة للفلوس امممم أول كلميه بوقت لطيف مثلا بقعدة قهوة معاه امك محتاجة لمبلغ زيادة اشتري اغراض عناية ودي أدلع نفسي وادلعك وجمعي لك مبلغ شهريا كلما يعطيك خبي شوي وخلال هالوقت حاولي تبدين باللي عندك عناية تكون اشياء طبيعية وبسيطة جدا، ملعقة زبادي حركيها وحطيها بوجهك يجنن لحاله، يدك وأقدامك اسبوعيا نقعيها لمدة ربع ساعة بموية دااافية وشوي ملح وعصرة ليمون فقط! ثم طلعيها وسوي لها تقشير لمدة خمس دقايق غسلي وحطي فازلين ولا حتى زيت زيتون اللي عندك متوفر يا أختي لا تصعبينها واحرصي تنتقلين لمنطقة دوامه قد ما تقدرين ❤️

وعندي كرش الولادة وماعرف كيف اتخلص منه: ابدي سوي تمارين للكرش أو امشي
وكيف اتخلص من التصبغات اللي فجسمي عندي سواد فالركب والاكواع وعند جوزة القدم يفششل ومنحرجة منه: (تقشير الجسم مرتين بالأسبوع + الاستمرار وقت على ترطيب الجسم كامل بمرطب ثقيل ماعدا الوجه 💕)

تصدقين اختي أنا فترة من الفترات سويت لي بالجوال قائمة بمهام اليوم الثاني وفعلا لاحظت التزام ونظام بس تركته ما استمريت بديت أشوف حياتي حوسة وأنسى وخلاص أتكاسل

https://youtu.be/u7xEQyP5-DI?s...
هذا مقطع عن الكروش الصغيرون سبحان الله لقيتها نزلت موضوع جديد عنه 🤭💛