انا عندي ولدعمره سنتين وثلاث شهور وعنده اخت عمرها اربع شهور ونص يضايقني فيها ياخذ شباصتها ويحطه براسه ورباطات الراس حتى امي عطتني ورقه ورديه تيجي مع الذهب احيانا مدري تعرفونها ولا لا تقولي بليه بشوية ماي وامسحي على شفايفها عشان تطلع ورديه لانها مع الرضاعه تاخذ شفايفها اللون الاسمر من لون الحلمه لان تعرفون الحلمة تتغير بالحمل تصير سوده فيجي ولدي يقول ماما انا بعد ويبكي وكمان اكحل عيونها وارسم حواجبها ماما انا بعد وبكاء البسها اسوار ولا سلسال ماما انا بعد وصياح وصراخ افهمه انت ولد عيب ما يفهمه من وراي يلعب ويطلع اغراضها
ومدري كيف امنعه خصوصا انا ما اقدر اقوله سوي زي بابا لان ابوه مسافر لمدة ثلاث سنين
ومدري اخاف يطلع زي اخته يقلدها واخاف اني ما احط لها شباصات والا البسها حلقان وذهب تطلع مسترجله لانها بين ولدين مدري شو اسوي انا لوحدي اربيهم لان زي ما قلت ابوهم مسافر لدراسه وتربيتهم صعبه اعاني مشاكل كثيره ودي اشارككم الراي
وراح اضيف مشاكل ثانيه
ابا مساعدتكم خواتي
وكل اخت تدخل تكتب شو مشكلتها في تربية عيالها
يلزم عليك تسجيل الدخول أولًا لكتابة تعليق.
اما الضرب كثري منه ولدي الكبير معلم اخوه الصغير الضرب والله طفشوني عيب انتو اخوان ما في فايده والله تعبت
تتوقعين شو الحل مع هالضرب المتبادل
تتوقعين شو الحل مع هالضرب المتبادل
الصفحة الأخيرة
الحمد لله كنت معالجة مشطلة الغيرة من كنت حامل
بس مهما كان لازم الغيرة تطلع
يعني لما بنوتي بالغلط تضرب إختها الكبيرة ...الكبيرة تصيح ((مع إنه الضربة ما عورتها))وتضربها ضرب خفيف
وبعدين تضمها وتقول لا تضربيني مرة ثانية