السلام عليكم و رحمة الله و بركاته
كيفكم بنات ان شاء الله كلكم باتم الصحة و العافية
بنات انا قبل ما انزل هاد الموضوع احترت باي قسم حطو و بعدين قررت اني حطو هون لانو القسم الانسب من و جهة نظري و الله اعلم..
طبعا بهاد المنتدى كللللللنا نسوان ماشاء الله و فينا عزابيات و فينا مخطوبات و مملكات و متزوجات حديثا و متزوجات من زمان و في عندهم عيال الله يخليهم لهم
والاكيد يا بنات انو كل المتزوجات واجهو عدة مشاكل مع ازواجهم لما كانو مخطوبات او مملكات او في بداية الزواج و فيهم النبيهة الي عرفت كيف تحل هاي المشكلة و فيهم الي ما قدرت....هون مربط الفرس نحنا هون باذن الله راح نكون خير سند لاي اخت من الاخوات واجهتها مشكلة لانو الاكيد انو اي مشكلة تمر فيها وحنا مننا في اخت ثانية النا مرت بنفس المشكلة و عرفت كيف تتخلص منها فبالتالي هي راح تساعد الاخت الي عندها هاي المشكلة على حلها...
اتمنى تكونو فهمتوني لاني حاستها قلبت درس بالمنطق
راح اعطيكم كمان مثال لحتى تعرفو شو قصدي و هو على سبيل المثال مو على سبيل الحصر
مرة من المرات قريت موضوع لوحدة من الاخوات قالت انو جوزها صاير كل مرة يفتح موضوع ليلة دخلتهم و انو ما شاف دم وبالتالي لساتو شاكك فيها بعد كام سنة زواج و في اخت ثانية ردت عليها و قالتلها انو نفس مشكلتها و انها هي بليلة الدخلة صحيت من النوم لاقت الفراش مليااااان دم بسبب نزيف حصللها بذيك الليلة فهي استحت و استنت زوجها لحد ما صحي و غيرت الشراشف بلا ما يشوفهم و هو كمان ما انقنع لانو ما شاف دم..
انا لما قريت هالشي قلت لو انا حصلي ذات الشي راح خليه يشوف هالبحر الاحمر الي بالسرير او يمكن قص الشرشف و احتفظ ببقعة الدم طوووووول حياتي لانو الرجاجيل صارو مجانين و اذا نسي بذكرو باقوى دليييل:42:
و انتو قيسو على ذلك و انا عن نفسي كنت مخطوبة زمان و حصلتلي كام مشكلة فيهم الي حليتهم بنباهة و فيهم الي كان لازم اتصرف فيهم بطريقة ثانية و هلا طبعا ما راح عيد نفس الغلطات لاني تعلمت الدرس من خطبتي الاولانية:27:
ها شو رايكم يا بنات موافقين او لا الي موافقة ترفع الموضوع و الي عندها اي مشكلة مرت فيها زمان مثل ما حكينا قبل تطرحها و الي عندها مشكلة عم تمر فيها هلا كمان تطرحها و ان شاء الله كلنا راح نساعدها لتلاقي الحل و الي عندها اي اقتراح كمان تتفضل و يمكن نطلب من المشرفات تثبيت الموضوع و راح يصير مرجع للاخوات بعد ما نعدل و نلاقي حلول لاغلب المشاكل و هاد اقتراح من عندي
يا الله في انتظاركم يا حلواااااااات:26:
rosiealg @rosiealg
عضوة
يلزم عليك تسجيل الدخول أولًا لكتابة تعليق.
انا متزوجة حديثا وكنت دايما اخجل من زوجي اني اطلب فلوس او اغراض خاصة الي كنت اشتريها بمالي الخاص والكل كان يحكيلي زوجك على ما تعوديه يعني اذا عوديه انتي ما تطلبي كتييييييييير راح يستهجن بعدين تطلبي منو وهيني بس قررت اطلب راح تفنش من الشغل وانا الي اشتغلت يعني صار مسحيل اقدر اطلب منو وهو خلاص بحس تعود انو انا الي ادفع لاغراضي فهاي مشكلة بواجهها بقوة بحياتي ولحد الان مو عارفة كيف اتصرف
الصفحة الأخيرة
بهطريقه بنساعد بعض ونتفاد مشاكل كثيره ممكن نطيح فيها ونعطي بعض حلوللمشاكل الي توجهنا وتسبب بتعثرنا في مسيرتنا لاكمال الحياااة<<<<والله انزل درر بسم الله علي صايره افاجئني افكر انزل كتاب ادبي<<ياربي وش فيني وش السماجه الي نازله علي تتوقعون عشان المدرسه على الابواب!!!
**دلع بنات**