مشاكل تواجه العروس

السلام عليكم ورحمت الله وبركاته


هلا بكل العرايس
فيه مشاكل حساسه تواجه العروس واسئله ماتلقالها حل او تستحي تسئلها وبنفس
الوقت تحرجها قدام عريسها<< ياعيبووه


صدقوني بتستفيدون كثير من الموضوع وهو بعنوان ..
لا للرائحه الكريهه
موضوع حساس جداً قد يتقبله البعض و قد لا << تقبلوه غصب لاأفقّشكم ههههههه


لكن أضن إنه من المواضيع المهمه التي يجب أن تطرح


مع تمنياتي للجميع بالاستفادة << تعلّموا لاتقولون أمهاتنا ماعلمونا هذاني
علّمتكم وعلّمت نفسي
اول شيء لازم تنتبه له العروس شعر المنطقه الحساسه والطريقه الاسلم لشيله والبنات هنا بالمنتدى ماقصروا بالشرح الوافي والمفصل لكل وسيلة ومميزاتها وعيوبها
بس انا استخدم الحلاوة عشان كذا ماراح احكي غيرها من مميزات وعيوب واللي ماترتاح عليها تشوف الطرق التانية بالمنتدى
.الحلاوه
مميزات..شعر ناعم وخفيف .. المكان نظيف ولايسبب اسوداد .. يجلس 3-4 اسابيع من
غير شعر
سلبياته.. الام الشديد والوقت


لتخفيف الألم
ممكن معجون الاسنان لمدة 5 دقايق وبعدين تمسحينه بالمنديل
تستخدمين بنج موضعي من الصيدليه .. بس ماينصح بالتكثير منه يعني بس بالأول
الين ماتتعودين..
وتآخذين الاسبرين او البنادول تذوبينه بكاس مويه وتمسحين فيه المنطقه وتخلينه
ينشف<<حشى عنده صداع هههههههه

خطوات ازاله الشعر بالحلاوه
خطوات ازاله الشعر بالحلاوه


1. غسل المنطقه كويس بالمويه والصابون لقتل البكتيريا اللي راح تسلل التهاب
بعد شيل الشعر لأن المسامات بتكون مفتوحه
2.غسل اليدين قبل الشيل بالصابون برضوا لقتل الجراثيم
3.ابداً لاترجعين الحلاوه المستخدمه للعلبه << لا عاد كل شيء إلا هذي يابنات
4.عند الشيل تستخدمين قطع صغيره من الحلاوه "زي قطع اللبان" وتحطيها باتجاه
نمو الشعر وتشيلي عكس اتجاه الشعر <<< أححح
5. اذا خلصتي تكونين مجهزه ليمون تحطيه على المنطقه للبياض وتأخرين نمو الشعر
وهذا مجرب
بصراحه انا استخدمت الليمون مره وبغيت اموت من الألم فـ صرت أحط ليمون مع
زبادي ومويه ورد بس احاول اكثر ليمون
احطه على المكان وبعد 5 دقايق اغسل بالمويه والملح
6.احذري تغسلين المنطقه بالمويه مباشره لانه يسبب إسوداد .. علشان كذا اقولك
استخدمي الليمون أو خلطه الزبادي..
<<<<<{ في طريقة حلوة انا استخدمها وجربتها بنفسي
لتبييض المنطقة ونعومتها
قبل لا تزيلي الشعر
حطي عالمنطقة المراد ازالتهابفنجال صغير حطي شيرة اللي هو السكر مع الموية حق الحلى (اكيد كلكم تعرفوهـ) + ملعقة خميرة فورية+ملعقة عصير ليمون
اخلطيه باصبعك او باي شي
وبعدين حطيه عالجسم وخليه شوي لما تحسيه شوي صار يلصق
وبعدين ابدأي شيلي الشعر بالحلاوة
وراح تشوفي كيف الفرق
وربي نظافة وبيااااض
واذا خلصتي حطي ليمون عشان ريحة الخميرة وعشان تزيد بياضها ونعومتها }
الصابون


لازم على العروس وحتى الفتاه ان تبتعد تماما عن الصابون لهالمنطقه
لانه السبب الاول للريحه والإلتهابات لانه يقتل البكتيريا المفيده<<< سمعتوا
قصدي قريتوا؟؟


للتنظيف


استخدمي عوضا عنه الغسول النسائي الطبي"Feminine Wash"
احرصي على ان يكون مكتوب عليه خالي من الكحول وخالي من الصابون
جربي ماركه Vagisil
الرائحه الكريهه


كثير عرايس يشتكون من وجود رائحه كريهه من المنطقه الحميمه وهذا نتيجه لأحد
الأسباب التاليه او كل الأسباب سوا ..


1.الالتهابات


ممكن العروسه تعاني من التهاب قبل الزواج وهي لاتعلم وبعد المعاشره الزوجيه
ظهرت هذي الرائحه الكريهه اللي تضايق العريس قبل لاتضايقك ولاننسى ان الرائحه
اول شيء يأثر على الجهاز العصبي للرجل سواء ريحه حلوه ولا شينه وتأكدي ان
الريحه الشينه تعلق براسه اكثر من الحلوه وصعب تروح من باله وبيشمها فيك مهما
بعد كذا تنظفتي وحطيتي عطور <<< تكفووون إنتبهوا إياني وإياكم تهملون ذا
الشيء


وهنا يجي دور الكشف قبل الزواج عن اي التهابات والعلاج جدا سهل لايتعدى مضاد حيوي عن طريق الفم لعده ايام


وقد يكون الاتهاب صار بعد الزواج ولهذا انصح كل عروس لما تجهز شنطتها لشهر
العسل تحط معاها ملح خشن بعلبه حلوه .. وتستخدمه كغسول او تتنقع فيه لمده عشر
دقايق باذن الله يقضى على التهاب او على الأقل الريحه لحد ماترجعين بالسلامه
وتراجعين الدكتوره



وطريقة استخدام الملح :
تاخذين ملح بقبضه يدك وتذوبينه ب3 كاسات مويه دافيه وتجلسين فيه بالبانيو بحيث يغطي ماتحت السره .. ممكن بعض الاوتيلات مايتواجد فيها بانيو مجرد شاور
استخدميه كغسول


واعلمي ان الالتهابات جدا خطيره وقد تسبب التصاقات وبالتالي عقم الله يبعده
عن كل المسلمين<< اللهم آميـــن


ثاني سبب زي ماذكرنا استخدام الصابون



اشربي كثير مويه بهالفتره واذا شعرتي بعد المعاشره بانك بحاجه للحمام
لاتتصبرين على طول روحي الحمام ولا تستحين


ولازم تنتبهين ان المنطقه تكون ناشفه كويس .. استخدمي المناديل الورقيه لهذا
الغرض واذا تعانين من افرازات استخدمي الفوط الصحيه اليوميه بشرط تغيرها 3
مرات على الاقل باليوم << مش فوط الدوره لا طبعاً.. بتلقونها في السوبر ماركت
أو الصيدليه فوط صغيره أصغر من الكف إسمها كيرفرت


ملابسك الداخليه لازم تكون مصنوعه من القطن وغير ضيقه علشان تتهوى المنطقه
وانتبهي من ملابس الضيقه والنايلون او اي شي غير القطن لانه يسبب رطوبه
وبالتالي مكان مثالي لتكاثر البكتيريا والجراثيم
وبالنسبه للأندروير اللي يجي مع قميص النوم ممكن تلبسينه بس لاتطولين فيه
خصوصا فتره شهر العسل لان المنطقه بهالوقت جدا حساسه


لتعطير المنطقه الحساسه


كل 3 ايام اومره بالاسبوع جربي هالطريقه

جيبي ورد جوري مجفف "لازم تتاكدي انه نظيف بعد ماتشترينه غسليه وغطيه بشبك
وخليه ينشف مره ثانيه"
تلقيه عن العطار


خذي مقدار قبضه يدك وخليه يغلي مع كاسين مويه
واذا صار دافي حطيه بطشت يكون كبير شويه "بحيث تجلسين فيه يغطي ماتحت السره
والرجلين تكون برا"
واضيفي له بياله مويه ورد ملعقه عسل طبيعي وملعقتين ملح خشن
واجلسي فيه لمده ربع ساعه او حتى يصير بارد
وشوفي الريحه .. وعلى فكره الورد الجوري يحمي من الإلتهابات


اول ايام الزواج او مرتين بالشهر مثلا .. حطي قطره دهن عود بيدك وادهني فيها
المنطقه بس من بره يعطي ريحه حلوه


لاتنسين المسك وهذا حثنا عليه الرسول عليه الصلاه والسلام
بس تاكدي ان اصلي تلقينه عن القرشي وهو زي الحجر.. انتبهي انتهبي تستخدمين
المسك الي عند العطار ترا مو هذا المسك المقصود

الالتهابات البسيطه


وعند احساسك بان هناك التهاب استخدمي احد الطرق التاليه


منقوع البابونج المغلي .. قبضه يد بابونج يغلى مع 3 كاسات مويه ويجلسين فيه
بعد مايكون دافىء لحد مايبرد


وايضاً مغلي حبه البركه .. فنجان حبه البركه مع 3 كاسات مويه نفس طريقه
البابونج


الجلوس في كاسين ماء دافى مضاف لها علبه زبادي زائد الحموضه"منتهي تاريخ
الصلاحيه"


شرب الشاي الاخضر وعصير التوت الاحمر واكل الزبادي يحمي من الالتهابات


واستخدمي غسول الملح مع بودره المره والمويه الدافيه مرتين بالاسبوع .. يحمي
من الالتهابات




مزيلات رائحه العرق
فيه ثلاث انواع


صناعي اللي بالسوبرماركات وبكل مكان
مميزاته .. اكثره يستمر مفعوله لــ24 ساعه وريحته حلوه
سيئاته .. اسوداد
ممكن تستخدميه بشهر العسل مثلا بس بتحتاجين فتره بعده لعلاج الاسوداد
بس انتبهي لما تشرين مزيل العرق اقريء اذا كان مكتوب عليه Anti-Perspirant
.اي مضاد للتعرق
لاتشترينه لانه يسبب السرطان لانه يمنع خروج العرق من الجسم


اقرئي كويس وتاكدي انه مو مضاد للتعرق للمعلوميه بعض الاحيان تلقينه مكتوب
بالعربي


النوع الثاني بوهلي
يبيض المنطقه بس يزيد التعرق بصوره كبيره جدا
وريحته غير مقبوله ابد
ومافي احد يدري من ايش مكوناته <<<< وكثير اطباء حذرو منه:


وفيه الطبيعي زي الشبه
يحافظ على اللون يعني لايسود ولايبيض
عيبه الوحيد انه مايطول .. يعني 12 ساعه تقريبا وينتهي مفعوله


لسواد المنطقه ..
كل يوم لما تتروشي استخدمي الليمون امحي فيه المنطقه"الابط والمنطقه
الحساسه"او اي مكان اسود في الجسم وخليه 5 دقايق وبعدين غسليه صح النتيجه
ماتبين على طول ويبيلها صبر بس مجربه ومضمونه ****لله


وبالنسبه لريحه الجسم بشكل عام
لما تتروشي استحدمي شور جل بريحه حلوه وحاولي يكون طقم مع العطر والبادي سبري
والبودر والبودي لوشن


بصراحه البودره مهمه جدا لتثبيت الريحه .. اخلطي البودي سبريه بشوي من
البودره واستخدميه على جسمك او بودي لوشن


وبعد ماتتروشين قبل لاتقفلين الدش ادهني جسمك بزيت اي نوع من الزين مخلوط
معاه بياله مويه ورد
هذا بعطي جسمك نعومه وريحه حلوه وبيثبت العطر والبودر


واعرفي ان العطر لايمكن ابدا يغطي الريحه الشينه ممكن اول عشر دقايق بس بعدين
بيزيد الريحه الشينه اكثر <<< جد والله يابنات اسمعوا نصيحتي


ولاتنسي تأثير الرائحه الحلوه على الرجل


العنايه الشخصيه ايام الدوره الشهريه


واخيرا اهتمي بنفسك في فتره الدوره الشهريه لاتشيلي ثقيل وابدا ماتمشي حافيه
"لان هذا يسبب افرازات وهواء يصعب جدا علاجه"


ابتعدي عن المسكنات قدر المستطاع


اشربي كمون لتخفيف الالم .. بان تغلي مويه حاره بمقدار كوب وتضيفي له ملعقه
كمون وتتركينه 10 دقايق او حتى يبرد وبالهناء "الشيء ان زاد عن حده انقلب
ضده"
يعني لايزيد عن كوبين متوسطين الحجم او صغيرين


فيه نساء تاخذ اخر يوم للدوره تحاميل طبيه سويت عليها بحث ولقيتها مضاد حيوي
فخفت استخدمها احذري تستخدمين شيء ماسئلتي عنه طبيبتك الخاصه في هالمنطقه
الحساسه والي نفع غيرك ممكن يضرك


منع الحمل
اخر نصيحه
ان كنتي ترغبين بتأجيل الحمل فلا تعتمدي على حبوب منع الحمل وانتي بكر لما
لها من اضرار قد تصل للعقم
ولاتخجلي من طبيبتك النسائيه فبادري بسؤالها عما يحيرك او يؤلمك فهي اعلم
بحالتك الصحيه ومايناسبك من ادويه وعلاجات.