أنا بعد لاحظت لكن قلت صدفة
شهر ١٠ كل سنة 🙄

غالبا تكون وقت مناسبات زي الاعياد والعودة للمدارس والسبب يكون ضغوط ماديه على الأزواج
وكمان وقت المناسبات السعيده زي الأفراح والحمل و.. إلخ والسبب الشيطان ليحزن وليفرق .

وعليكم السلام ...
ما لاحظت ملاحظتك صراحة
بس اغلبية الناس في الصيف ومع الاجواء الحارة هذي تصير اعصابهم مشدودة عكس الشتا والايام الباردة
واما الحياة فهي صايرة صعبة فعليا ...هموم عمل مسؤوليات ماتنتهي ارتفاع الاسعار والبنزين الاخبار وكورونا كل هذي تخلي الإنسان قابل للانفجار لاتفه سبب
لكن انا اشوف اقوى سبب لنجاح اي علاقة هو التفهم ...
و اكبر سبب للمشاكل والخلافات عدم التفهم
مافيه واحد فيهم راضي يتنازل شوي ويتفهم الثاني
لو كل واحد فيهم فهم طريقة تفكير الثاني وتفهم اهتماماته واحتياجاته واعطاها أهمية.... هذا الجهد البسيط قادر يحد بشكل كبير من الخلافات بينهم ويقارب بينهم روحيا ...
طبيعي الرجل عنده امور مهمة تعجز تقتنع فيها المرأة لكن قادرة تتفهم أهميتها بالنسبة له ...
وكذلك العكس بالنسبة للزوجة ..
ومستحيل يحصل قبول وتنازل الا اذا كل واحد فيهم تفهم طبيعة الثاني ..حتى لو اختلف معها مافي مشكلة ...الاهم يتفهمها..ويقر له بهذي الحقوق والاولويات
لكن لما ينعدم كل هذا ويحل محله الانانية وعدم التفهم طبيعي تحصل فجوة بينهم
وبيكون فيه طرف مهضوم حقه ...
لو شوي فقط من التفهم عند الطرفين راح تمشي الحياة بينهم بشكل سلس وجميل
وماهي مشكلة حدوث خلافات هذا طبيعي بكل علاقة
المشكلة لما كل طرف مايعترف بحقوق الثاني عليه ويرفض يتفهم احتياجات الاخر ويجبره ع احترام ومراعاة احتياجاته
برضو نقطة ثانية انا احس كثير من الزوجات ماتعرف توصل احتياجاتها لزوجها بالشكل الصحيح والمطلوب
وتستبدلها بخيارات ثانية ماتقدم لها اي نتيجة ...
الرجل مو عاطفي ولايسرح بالخيال زي المرأة ولا عنده حب التحليل المزروع فينا واللي يخليه يفهم زوجته وش تحتاج منه

لازم تشرحي له وش الشي المهم والمقبول والمرفوض وتكوني واضحة وصريحة في مشاعرك وطلباتك ...
وانه هذا الشي يأذيني وهذا نفسي ماتتقبله حتى لو كان مقبول بنظرك ...
البعض تقدم خيار الاتهام والعتاب والدرامية على حل الوضوح والشرح مع انه أسهل وفعال مع الزوج....
والرجل ماتمشي معه حركات الدراما .يحب ياخذها تلقائية ومباشرة.
وبإذن الله يصير فيه تقارب وتفهم منهم تجاه بعض
هذي وجهة نظري الشخصية ...

انا تطلقت بنفس اليوم الي تزوجت فيه من نفس الشهر وكل سنه بهذا الشهر اتعب وامرض وما اقوم وتصير لي مشاكل غريبه جدا خساير حريق مشاكل للحين صار لي ٥ سنوات.

رفع