مشاكل زوجيه

السلام عليكم ورحمة الله وبركاته.. كيفكم.. عندي مشكله مره مره قاهرتني.. أنا زوجي طييييييب ماشاءالله تبارك الله وحنون وحبيب ويضحي عشاني وشاريني وشاري خاطري..لكن إذا زعل أبين زباله الله يكرمكم من تعامله السيء معي.. لكن الصراحه أكثر الأوقات المشاكل من عندي.. لكن هذي المره الحق معي في شي والحق معاه في شي الصراحه.. أنا معي ٣الله يحفظهم.. وطولت الخلفه من آخر ولد لحد الآن ١٠ سنوات وهو معطيني مجال فوق الحد المعقول لكن طفش طفش مره وتكلم معي بس أسلوبه تهديد يرفع الضغط.. قال شوفي لو ماتخلفين بأتزوج.. قلت لاتهدد ماأطيق هذا الأسلوب وبعدين كيف تبغاني أتقبله ولاأطالع وجهك بعدهذاالكلام والإستفزاز..بتكرهني فيك.. بكلامك هذا بتطيرني وتخليني اكره الخلفه منك.. ياخي فيه أسلوب وفيه طريقه حلوه.. ماراح أعارض.. وبعدها يابنات زعل زعل الله لايوريكم..أجل تقولين أنا ماأنطاق وماتناظرين وجهي.. طيب أنا بأوريك.. وحظرني في الواتس ههههههه تضحكني الحركه هذي.. وقفل جواله وطلع من بعدالعصر وماعاد رجع للساعه ٦ وراجع مروق ومبسوط بغيت أنفجر.. واليوم كمان نفس الحركه.. والصدق إنه إنسان ماشاءالله عليه نااااادر في تعامله معي ومع أولادي ماشاءالله ماشاءالله تبارك الله.. مايستاهل إلا الخير وحرام ينزعل منه لكن ارتفع ضغطي من تهديده وأقول أعتذر وأراجع أقول هو اللي غلط علي وموشايف نفسه غلطان.. معاكم أمانه علموني كيف أتصرف بحيث إني أحافظ على كرامتي وماأعدي له التهديد