مشاكل شعري كثيرة :( ... خطه للعلاج بإذن الله تعالى رأيكن يهمني تكفون ادخلو

السلام عليكم ورحمة الله وبركاتة
حياكنَّ الله أُخياتي العزيزات
أنا اعاني من تساقط شديد في شعري وذلك بسبب تغييري لصبغة شعري المعتادة انا كنت استخدم ولّلا كليستون وغيرة فقط مره واحده جربت صبغة نزيه للشعر الأبيض ومن اول يوم حكة فضيعه وحبوب واحمرار وانتفاخ بفروه الشعر
بعد 3 ايام من الصبغه بدأ يتساقط شعري بكثافه والله يابنات اني اخاف اتحمم او امشط شعري ماابي اشوف الشعر اللي يتساقط :((((
طبعا هذا الشيء صار ليلة العيد برمضان ...
الان انا حللت صار عندي الغدة كسلا بس بشكل خفيف والدكتوره تقول ماتحتاجين علاج لان نسبة الارتفاع بسيط جدا والأكيد عندي نقص بفيتامين د وعندي نقص بالحديد
فأنا بحثت واستشرت الطبيبه والصيدلي
بديت بخطة علاج ويارب تنجح :
1/ اخذت ابر البلازما بالشعر طبعا فقط قلل من التساقط بشكل خفيف والاحظ ان الشعر بدأ ينمو ( الشعر اللي تساقط )
2/ اخذت كبسولات هيليابرين للشعر مررره مدحهم الصيدلي لي ( وياليت اللي عندها تجربة مع العلاج تقولي عنه )
3/ اخذت فيتامين د 1000و.د
4/ اخذت حمض الفوليك
طبعا اعتزلت حاليا الصبغات لين يرجع شعري لحيويته والله يابنات شعري صاير لابد وشكله زي شعر المواليد يعني مدري كيف اوصف لكم الشكل بس مره ميت ميييت مافيه روح ابدا
بالنسبة للزيوت انا ماعندي خلفية ابدا للزيوت ولا أعرف لهم فاللي عندها خلطة مجربه ومضمونه تقولي عنها ولها دعواتي
اما بالنسبة للشامبو انا استخدم شامبو هيدأندشولدرز للقشرة بس راح استبدله بشامبو قارنيه ألترا مرررره يمدحون فيه حتى دكتورتي تقول طبيعي وممتاز


هذا اللي عندي حاليا واللي عندها اي اقتراح او مساعده لي تكفون يابنات لاتبخلون علي ترا اهم شي عند المرأه جماله وشعره تكفون لاتبخلون علي :((((
والله يجزاكنّ خيرا ياعزيزاتي