مشاكل كل يوم بشكل

أول شيء يابنات هذي مو مشكلتي ومو متعلقه فيني
وحده حبت إني اساعدها واعرض عليكم المشكله وإن شاء الله بتلاقي حل منكم

السلام عليكم بنات حوا
من زمااااان عنكم ولو اني مااستغني عنكم

آه وش اقولكم
تعبت وانا اكتم جروحي ولا لي احد اشكيه له او يسمعني او يفهمني
والله حالتي النفسيه مررره متوتره واصبر نفسي ان كل شي ابتلا من الله وان هالدنيا قصيره
بدخل عالموضوع ع طول
حياتنا صارت فيها تدهورات وبمنحدر سئ
خلصنا من الخيانات ورجع لعقله هالادمي
بس لازل بنفس التفسيه المعفنه
والالفاظ القبيحه والسب والشتم والضرب والتحقير
وانا احس نفسي مكسوووره ماابي اتهور واخرب كل شي بيننا
ع امل ينصلح حالنا ويتغير
قررت اكون هاديه واواجهه عصبيته بسكوت وان تعدي علي بالغلط اطنشه ومااعطيه مجال يغلط اكثر
لاني لاحظت لمي يغلط ويغلط ويغلط علي وع اهلي وارد عليه يتنرفز ويتلفظ علي وعلي اهلي بكل وقاااااااااحه
ويضربني
وعقب نتصالح بس قلبي احس مغبون منه ومن تصرفاته
قررت بعدها اتجنبه واتجنب المشاكل معاه
وجاي رمضان وكله انا بالمطبخ بس اشتغل واتعلم للطبخ
لين اخر اسبوع من رمضان ويقرر يعزم اخوانه ببيتنا ويافرحتي لمي عرفت رحت عنده واساله وش اسوي لكم من اصناف وش تحب يكون موجود ويرد علي بنفسيه خايسه يقول ماله داعي بنجيب اكل من برى
<<هو دايم يلمح لي اني فاشله وماعرف اسوي شي>>
ومن كلامه ابي اثبت له العكس
المهم هذيك الليله انا رتبت كل اموري للعزيمه وجهزت المنيو كامل
وقالي. بكره ابيك تروحي بيت اهلك
اليوم الثاني قبل الفطور بساعتين وانا مضغوطه بالشغل والدنيا حولي فوووضه
والا زاد لي فوضويه (ولدي) الله يصلحه قلت برسله لاهلي افتك منه وبيت اهلي تحتي(لاني ساكنه عند اهلي)
لمي رحت استاذنه رفض وقالي بكل عصبيه
وانتي متي تطلعي؟؟
انا تفاجات من رده وطنشته مو وقت نقاش ويلحقني للمطبخ ويسالني متي اطلع قلت له وش اطلع ماراح اروح الا بعد التراويح قام يتهجم ويقولي انقلعي لاهلك اخواني جايين هو قالي انقلعي وانا احس الدم يغلي بعروقي
وقصده من كلامه لان بيتنا صغير بس غرفتين وحمام وحضرته علي كلامه يبي يعيش اجوا يرتبو السفره ويحوسو المطبخ ويعقدو بالبيت بدون قيود
وانا ماعجبتني الفكره نهائيا
انا راعيه البيت واول عزيمه بحياتنا نسويها اروح والدنيا فوضه
وصار جدال وتعدي بالكلام والالفاظ وسبني وسب اهلي(حسبي الله عليه)وضربني وجرجرني لين تشققت هدومي
ويتلفظ علي الفاظ قوويه لدرجه التحقير لي ولاهلي وصرت اصااارخ منه ومن كلامه الحقير وقلت له والله مااطلع وكلامك هذا كله قوله لابوي وقام يتحدي ويسبنا
حسبي الله ونعم الوكيل(لمي تذكرت التفاصيل خنقتني العبره)
عقب لمي بهذلني وشافني منهاره
تركني ورحت جهزت السفره وانا مقهوووره
ورتبت الفطور. وكله من شغل يديني ولا شي من برا
جاني تأسف لي
وجو ضيوفنا
افطرو وخلصو وانا اغسل وارتب المواعين
جاني يبوس راسي ويعتذر يقولي ماقدرت افطر
آآه
قلت له بطلع بعد ماخلص قالي لا لا تطلعي
وانا ناويه اطلع واقلبها زعله
رتبت البيت وابيهم يطلعو للتراويح عشان اهرب
وقبل لايروحو جاني ووصاني لا اطلع (كانه حاسس اني مررره شايله)
ونفذت الي ببالي وطلعت ومعاي الامي وجروحي علي ظهري وتركت له كل شي بمافيها جوالي!!
طلعت وانا كارهته وبنفس الوقت مااقدر اتكلم او ادخل احد بيننا
لاني لو دخلت ابوي بتصير سالفه كبيره واكيد بيطرده من بيتنا
وان انطردنا من البيت الله اعلم كيف بيكون حالنا ووين نستاجر
وانا ماهمني الطلاق
كل همي اني ماابي اعيش مع شخص بيننا كراهيه وحقد
المهم صمت باقي رمضان عند اهلي وحالي مايعلم به الا الله ومابيني وبينهم اي تواصل
الي ليله العيد ويتصل علي جوال امي ويكلمني وطلب مني انسي الي صار وانه يحبني وانه هو الي زعلان مني ليه اكسر كلمته واطلع من البيت؟؟
رجعت بيتي وتصالحنا بس قلوبنا مليانه
هو يشوفني غلطانه وعنادي هو السبب
وانا اتذكر اهاناته واغلاطه علي وطرده لي
ومن هذاك اليوم اي هبت تهب علينا
يطلع كل شي وكيف اني اطلع من البيت بدون اذنه واني انا سبب بكل شي يصير بيننا
وموقفي صاير ضعيف
وانا كااارهه وضعي وحياتي معاه


:::::::::