مشاكل مع الزوج بسبب السكن مع اهل الزوج

ساعدوني نفسيتي متدمرة
كيف فيني رجع علاقتي انا وزجي هادية ومسالمة
كل ما بجرب اسايرو بيصير مشكلة بالعيلة بتخليني نرجع نتخانق من اول وحديد خصوصا انو الي سلفة بالبيت جوزها اكبر من جوزي وحالتو المادية احسن منو لهيك حمايي وحماتي منحازين الهن وبس بدهن رضاهن ولو على حسابنا ان كان ع شغل البيت او الولاد لازم انا اوطيها واساير واذا خالفت مرة بيخانقوني وبيشكو لزوجي وزوجي بيحبهن كتير لدرجة مو طبيعية ولا عم يرضى نطلع نسكن ببيت لحالنا بحجة انو ما بدو يترك اهلو ويفرق العيلة بس هالشي عاكس ع علاقتنا انا عم اضل زعلانة ومكتئبة طول والوقت وحساسة اذا بيبهدلوني ع شي بضل طول اليوم متدايقة وعالشي بينعكس ع وولادي يلي خلقي بيصير ديق وبصير اتفشفش فيهن وصرخ عليعن واوقات اضربهن مع انهن بعمر صغير البنت تلت سنين والصبي سنتين بس لا تلوموني نفسيتي بتكون منعدمة وبس اوعى لحالي وروق بصير ابكي من قهري انو عم اضيع حياتي ونفسيتي وسلفي عندو بنت عمرها من عمر بنتي تلت سنين بتقتلهن وبتاخدلهن العابهن وما بتخليهن يلعبو وصايرين يخافو منها يعني مو بس انا حيطي واطي بهالبيت صارو ولادي متلي خايفة تصير شخصيتهن ضعيفة كيف فيني اطنش واساير جوزي وولادي ونعمل لحالنا جو خاص فينا كيف فيني عبي وقت فراغي كرمال ما فكر بالمشاكل وانقهر علما بإنو جوزي بيجنن من خلال تعاملو وشخصيتو وحنون عليي وعلى الاولاد بس لما بيقعد مع اهلو وبيحكولي لا تعطيها وجه والنسوان ما لازم هيك يعملو ولا يحكو ومدري شو فجأة بينقلب حالو وبيصير بس اشكيلو يقلي انتي بدك تنكدي عليي انتي بجي انا هالنهار عطلة بتصيري تنقي عليي وانا تعبان مع العلم انو هو ممرض بيداوم 5 ايام بالمشفى دوام ليلي من ال8 لل8 وبس يرجع بيتغدا بيروح ع شغلو التاني لل6 المسا ما عندو غير ساعة يقعد بالبيت واوقات ما بيقعدها لهيك بتدايق لاني ما بشوفو وخصوصا انو ساكنين مع اهلو بيفوت بيقعد عندهن بيكمشوه سوالف وما بيعودو يتركوه ليصير وقت دوامو شو بدي اعمل كيف بدي ريح راسي وبطل فكر بضل ادعي واقول ايمت بدي اطلع ع بيت لحالي بس صبري نفد والله بدي حل لاهتم بنفسي واشغل حالي ما بدي وقت فراغ لاني بقعد لحالي اغلب النهار بضل فكر لو هو بالبيت ما بفكر هيك