السلام عليكم عزيزاتي (شريكات الغربه)
شخباركم اليوم .. عساكم بخير ان شاء الله .. انا ما كنت ناويه ادخل المنتدى لاجل غير معلوم يلين ما اخلص الي عندي -قصدي شغل الجامعه- .. بس و الله ما اصبر عنكم .. شفتوا عاد ؟
ما شاء الله اليوم حاطتلكم موضوع .. و مثل ما يقول العنوان نبا تفاعل الله يخليك و بما اني السيده ماما -احم احم- لازم الموضوع عن اليهال .. اليوم صارلي موقف مع ولدي و قلت ليش ما اكتب عنه انا اعتبرته نوعا ما مشكله بس ما حاتيت وايد لان ولدي بعده صغير ما يستوعب عدل و ان شاء الله رادين قريب -متفاءله-.. و ليش الباقيات ما يكتبون عن مواقف او مشاكل تعرضوا لها عيالهم و كيف واجهوها او تصرفتوا فيها .. نستفيد من تجارب بعض و في نفس الوقت يمكن نلقا حلول اضافيه او ممكن ما خطرت على بالنا
انزين خلني اقولكم شو صار
الله يسلمكم لاحظت عليه من كمن يوم كل يرسم على يده .. شخابيط وايد ، لدرجة اني مش ملحقه انظفله .. كل ما امسح يرد يشخبط على يده .. اليوم الصبح مسكته و قتله انت ليش ترسم على يدك .. تدرون شو قال ؟ .. قال "براد" بوي فرند ام "توماس" -هذا صديقه- كل يرسم على يده -يقصد الوشم- ، و انا و" توماس" نبغي نكون مثله -كفو قدوه- .. الحين شو اقول حق واحد عمره اربع سنين .. قتله اسمع هذا الي تسويه غلط وساخه ، انت على بالك حلو جذي ، لا مش حلو .. انت تشوف فلان و فلان و فلان يشخبطون على يدهم لا ما يشخبطون على جسمهم لان هاي وساخه -طبعا فلان و فلان شخصيات كرتونيه ما عندي امثله حيه حوالينا و هو ممكن يتأثر فيها- .. و قول حق توماس بعد ما يشخبط على يده مش بس انت عشان هو صديقك و تبغيه نظيف مثلك
الله يعينا على الغربه
ها شو صار معاكم ؟
و الي تشوف اني كان ممكن اتصرف غير شكل عادي تقول ، انا روحي ما ادري اذا الي سويته صح او خطأ
ورونا همتكم
السيدة ماما @alsyd_mama
محررة برونزية
مشاكل و مواقف الاطفال و كيف تصرفتوا- للإستفاده نبغي تفاعل الله يخليكم
37
4K
يلزم عليك تسجيل الدخول أولًا لكتابة تعليق.
وعليكم السلام
اولا حبيبتي معقوله صديقه يكون واشم؟؟؟؟؟
تووووووهم على هالحركات واصلا حسب علمي الوشم هنا مو مسموح لمن هم تحت الـ 16
مدري عنكم والله
ثاني شي ضروووووووووري تحكي مع معلمته وتقولي لها بالضبط اللي يصير وخليها هي تشرح لهم انه تصرف غلط وبتشوفي المعلمات كيف راح ينتبهو مررررررة ويدخلو نه هالشي غلط في مخه ..
ولاتنسي دورك اهم شي
وانا فعلا اشك انه لها علاقة بالوشم ..
الله اعلم :)
يلله ياقلبي فمان الله
اولا حبيبتي معقوله صديقه يكون واشم؟؟؟؟؟
تووووووهم على هالحركات واصلا حسب علمي الوشم هنا مو مسموح لمن هم تحت الـ 16
مدري عنكم والله
ثاني شي ضروووووووووري تحكي مع معلمته وتقولي لها بالضبط اللي يصير وخليها هي تشرح لهم انه تصرف غلط وبتشوفي المعلمات كيف راح ينتبهو مررررررة ويدخلو نه هالشي غلط في مخه ..
ولاتنسي دورك اهم شي
وانا فعلا اشك انه لها علاقة بالوشم ..
الله اعلم :)
يلله ياقلبي فمان الله
* دويمه*
•
هلا بالسيده ماما انا كنت ناويه اكتب موضوع عن ولدي عمره ست سنوات ونص هذي المشكله مو اول مره تصير معاي السنه الي طافت والسنه هذي طبعا العام ما عرفنا انه عن الكريسمس قالوا لنا حفله عاديه واهم اصلا ما خبرونا من الاول محفظينه مقالات ومواضيع عن المسيح تخيلي شكبرها من سالفه والسنه هذي انتبهت له يردد كلمات كثيره عن المسيح ويقول لازم البس ابيض العام سوو جذي بس احنا ما درينا والحين درينا وخبرنا المدرسه وقلنالها انها تحط واحد بداله افضل هذا الكلام امس بس ما اشوف اي تغير ومستمر يكرر الكلام انا شرحتله ان الي يعملونه غير عنا والله مايحب نعمل كذي واذا تنازلت عن الموضوع هذا الله ان شاء الله يبي يعطيك اشياء كثيره تتمناها ويقول افكر اهي تقول تخيلي من وين يجون بكلامهم ولدك ذكي ويحفظ بسرعه لكذي انا اخترته انا اعرف انه مو هذا السبب الله المستعان ادعو ان الله يسهل امورنا ويحفظ عيال المسلمين وابي نصايحكم بعد اذنك ياسيده ماما
هلا برغد الحياة
لا يا عزيزتي ما قريتي عدل .. بوي فرند ماماة الولد .. يعني صديق ام الولد .. فهمتي علي ؟
و يبغون يقلدون صديق الام
لا يا عزيزتي ما قريتي عدل .. بوي فرند ماماة الولد .. يعني صديق ام الولد .. فهمتي علي ؟
و يبغون يقلدون صديق الام
يا ويلي عليج يا دويمه شو ها الي صاير .. حاطين ولدج مع الي يغنون في الكنيسه ؟!! .. معقوله شو ها
ليش انتو اول ما دخلتوا المدرسه ما نبهتوهم انه هو مسلم و ما تريدونه يشارك في فعالياتهم الي الها خص بالدين ؟
المفروض اول ما دخلتوه المدرسه كنتو تخبرونه ما يشركونه و نفس الشي بالنسبه لأكل الخنزير .. ما يعطونه اي شي في خنزير
و هم غيرهم الله ما يدرون انه مسلم و يحطونه معاهم .. حسبي الله عليهم
اعتقد اليهال في ها السن يحبون يسوون مثل ربعهم .. و اكيد ولدج كان مستانس ان مع ربعه في فريق الاناشيد و بما انكم طلعتوه -صح حاولتوا توضحوله بس يمكن ما يستوعب عدل في ها السن- فهو يمكن متضايق شوي انه طلع عن ربعه عشان جذه مش راضي ينسى ، و يمكن يتم فترة على ها الحال
بس اعتقد اهم شي انج تتجاهلين كلامه و تحاولين تكلمينه عن اشياء ثانيه تتعلق بالدين الاسلامي و تحببه فيها .. بما ان عيد الاضحى ياي يمكن تكلمينه عن العيد و الحج و بكذا يتلهى
ان شاء الله بعد البنات يفيدونج
ليش انتو اول ما دخلتوا المدرسه ما نبهتوهم انه هو مسلم و ما تريدونه يشارك في فعالياتهم الي الها خص بالدين ؟
المفروض اول ما دخلتوه المدرسه كنتو تخبرونه ما يشركونه و نفس الشي بالنسبه لأكل الخنزير .. ما يعطونه اي شي في خنزير
و هم غيرهم الله ما يدرون انه مسلم و يحطونه معاهم .. حسبي الله عليهم
اعتقد اليهال في ها السن يحبون يسوون مثل ربعهم .. و اكيد ولدج كان مستانس ان مع ربعه في فريق الاناشيد و بما انكم طلعتوه -صح حاولتوا توضحوله بس يمكن ما يستوعب عدل في ها السن- فهو يمكن متضايق شوي انه طلع عن ربعه عشان جذه مش راضي ينسى ، و يمكن يتم فترة على ها الحال
بس اعتقد اهم شي انج تتجاهلين كلامه و تحاولين تكلمينه عن اشياء ثانيه تتعلق بالدين الاسلامي و تحببه فيها .. بما ان عيد الاضحى ياي يمكن تكلمينه عن العيد و الحج و بكذا يتلهى
ان شاء الله بعد البنات يفيدونج
الصفحة الأخيرة
مشكوووووووووووووووووووره الغاليه على المرور و على التعليق .. كلامج صح و عين العقل
بارك الله فيج