اتمنى اثراء الموضوع بكل مايفيد اعطونا تجاربكم باحياء السنه في تربيه الابناء والتخلص من المشاكل
في كل رد سنأتي بشيء جديد
انا من فتره طويله وانا الاحظ الغياب الديني عن بعض الامور بمجتمعنا وللاسف انها تركت وهي الاساس بكل شي
اول شي الاحظ ان الاغلبيه مايحصنون اطفالهم صدقوني ان التحصين هو علاج لكل شي الرسول صلى الله عليه وسلم وصى اذا دخلنا مكان جديد اننا نحصن الطفل طيب وش المشكله لو لما نروح الملاهي وانتي بالسياره تقولين اعيذكم بكلمات الله التامه من كل شيطان وهامه ومن كل عين لامه واستودكم الله الذي لاتضيع ودائعه وبكذا بترتاحين لانه في ظل الرحمن
الامر الثاني ليش تتركون بيوتكم مقابر وانا اقصد انها مهجوره من سوره البقره ليش نتكاسل عن قرائتها ياقلبي انا مااقول عالجي نفسك فيها وربي اني اعالج نفسي فيها لكن انا اقول اللي تحب اطفالها عيالها قلبها تحميهم من الشيطان لان البقره لاتقرب البيت اللي تقرا فيه ثلاث ليالي
الامر اللي احزنني وبقوه واللي اليوم شفته لبس البنات والاولاد كيف؟
رحت ابي اخذ بيجامات لبناتي الا واشوف كل المحل مو قايله اسمه هو جديد من اوله الى اخره بيجامات وحركات تهبل اغلب البنات يحبونها لكن؟؟؟
كلها صور لشخصيات الرسوم المتحركه العالميه طيب يمكن الاغلببه بتستانس لكن بقول لكم تفكيري وارجوا منكم عدم الغضب وكل واحد ياخذ الامر وجهة نظر اي ام تشتري لاطفالها ملابس عليها رسوم ماتحبهم الا وتكرههم اي نعم والسبب انها تنوم الشيطان مع الاطفال بالفراش وينكم عن القصص اللي نسمعها وينكم عن الملائكه ماتدخل بيت فيه روح مصنعه وينكم عن هالاشياء حتى سبحان الله الادهى والامر بعضهم يتباهون بهالشي اجل ابليس مستانس والسبب انه قدر يدخل لنا من ابسط الابواب
خواتي انا والله ناصحه لكم انتبهوا من هالامور حصنوا ابنائكم اعتزوا بشخصياتكم ازرعوا بابنائكم كره التصوير والشخصيات الاجنبيه انا لاني معقده ولاشي لكن احاول اني اعمل بشي او اعلم ابنائي اللي تعلمته من امي واللي ماقدرت توصله لي لانها على باب الله لادرست ولاتعلمت اجل انا ليه اتعلم علشان ايش علشان البس جينز واتخصر واحط اللثمه ثمن بنتي تقلدني وتقول ماما علمتني ولاشافت نار جهنم بعينها وقالت جعل امي للنار اللي ماقالت هذا حلال وهذا حرام انا اخاف ان بنتي تدعي علي بكره لاقدر الله لو جاها مس ولا مثله تقول انا صغيره البلا على الكبير امي ماعلمتني
خواتي اللي تحب انها تذكر بالخير تجاهد بتربيه اطفالها تحرم نفسها علشانهم تقوم الليل تدعيلهم ان الله يحفظهم ان الله يكفيهم كل من به شر
امر ثاني وهي الديكور ياوناسة بعض البنات هنا بديكور الصور والرسوم والمصيبه لو فيه مع الصور خنزير لاوتصفقون لها وتشجعونها طيب وشو عليه تحببين عيالك بهالصور براحتك لكن حتى بالخنازير وانتم بكرامه نتركهم على جدران غرفنا
يااااعلم انتبهوا لاتكونون بلا شخصياااااااات اصنعوا شخصياتكم من خير خلق الله ارجعوا الى هداه عليه الصلاه واتم التسليم وكيف كان يستعيذ بالله من كل شيء
ترى الامور اكبر من انكم تتجاهلونها وتذكرن هالبيت
مَشَـى الطـاووسُ يومـاً باعْـوجاجٍ؛ * فـقـلدَ شكـلَ مَشيتـهِ بنـوهُ
فقـالَ: عـلامَ تختـالونَ ؟ فقالـوا: * بـدأْتَ بـه ، ونحـنُ مقلـِـدوهُ
فخـالِفْ سـيركَ المعـوجَّ واعـدلْ * فـإنـا إن عـدلـْتَ معـدلـوه
أمـَا تـدري أبـانـا كـلُّ فـرع ٍ * يجـاري بالخـُطـى مـن أدبـوه؟!
وينشَــأُ ناشـئُ الفتيــانِ منـا * علـى ما كـان عـوَّدَه أبـــوه
واتمنى مااحد يزعل مني ادري ان كلامي كثير لكن صدقوني لمصلحتكم جميعا
ريما2009 @ryma2009
محررة
يلزم عليك تسجيل الدخول أولًا لكتابة تعليق.
كلامك مايزعل يالغالية
صدقتي بكل كلمة
والله يخلي لك عيالك ويفرحك فيهم ويرزقك برهم يارب
صدقتي بكل كلمة
والله يخلي لك عيالك ويفرحك فيهم ويرزقك برهم يارب
رولا11
•
جزااك الله خير
وباارك فيك
وكثر الله من أمثاالك
لافض فووك
كلامك عين العقل
وثمرة العلم اللي تعلمناه العمل به
وباارك فيك
وكثر الله من أمثاالك
لافض فووك
كلامك عين العقل
وثمرة العلم اللي تعلمناه العمل به
الصفحة الأخيرة
الله يهدينا ويهدي الجميع ..
والله يجزاك الجنه..وجعل الله يقر عينك باللي تتمنينه يااارب