ماقصرتوا يابنات وياليت الي تمر بموقف بعد تذكره للعضه والعبره

وربي وربي عورو قلبي الاطفال الي تكويهم امهم حسبي الله ونعم الوكيل
هذي اكيد متعوده تنكوى بطفولتها وترسخ ببالها ان طريقه التربيه كذا !!

اجل كويه ولو انحاش ترجع تكويه بدال الكويه كويتين وش ذي تعذيب نفسسسسسسي وجسدي
ياويلها من رب العالمين يمهل ولا يهمل :(

..
.

تسلمين يالمتغلية على هالموضوع الرائع أنا راح أذكر لج مواقف صارت وياي ..

طبعاً بما أني صار الحمل عندي بعد معاناة وعلاج مدة سنتين ونص وبعد حمل واجهاض أربع مرات أذكر رابع حمل لي كانت عندي شغالة اندونيسية اللي يشوفها يعطيها من العمر 55 سنة وفي الجواز مكتوب 38 المهم أذكر لمن تخرب شيء في البيت وتخشه وماتعلمني كنت أهزبها وأقول لها أنا مليون مرة قلت لج من تخربين أو تكسرين شيء عليمني مافي داعي تخشين هالشيء عني ..

تخيلوا شو قالت لي : مدام انتي حامل لا تهزبيني يعني لا تهزئيني لأن البيبي اللي في بطنج راح يطلع شكله مثل شكلي .
حسبي عليها جاستني حرة بقلبي من كلامها وبعد عشرة ايام نزل البيبي .

والمهم في حملي الخامس من عرفت اني حامل ماعلمتها اني حامل كنت خايفة على البيبي لأنها ماتذكر اسم الله على أي شيء وسفرتها بلادها لأني أكثر من مرة ألقى عندها شعري ملفوف في قطعة بيضة في شنطتها وآخر مرة في كيس مخدتها كانت مخيطة قطعة قماش بيضة وحاطة فيه شعري أنا وأمي لأن الشغالة شعرها ابيض مجعد وقصير وأنا شعري طويل ومسوية عليه صبغ ميش وشعر أمي ناعم وطويل .

المهم بعد ماسفرت الشغالة الاندونيسية ظليت شهرين بدون شغالة ولمن دخلت الشهر الرابع يبت شغالة فلبينية ياربي اشقد غبية وكلمة غبية وايد قليلة على تصرفاتها تخيلوا من ولدت وأنا ولا مرة عطيتها ولدي لأني كنت خايفة عليه وهالولد جاني بعد خمس سنوات واربع اجهاضات .

وتصدقون بنات سبحان الله كان فيني خوف شديد من هالشغالة مدري ليش وقلبي ماكان يطاوعني حتى انها تلمس ولدي رغم اني والدة بقصرية يعني الشغالة مهمة بالنسبة لحالتي بس الشاهد الله اني كنت أقوم بتنظيف ولدي وأموره الخاصة بنفسي وزوجي ماعطوه اجازة يعني كل أمور البيبي أنا أهتم فيها بس الشغالة عطيتها مهمة غسل ملابس البيبي في غسالة صغيرة خاصة بالأطفال ومكواة ملابس وطاولة خاصة للبيبي وموصيتنها مليون مرة انها تعزل ملابس البيبي عن ملابسنا لأن جلد البيبي حساس ويفضل حتى الصابون يكون خاص بالأطفال المهم بعد ماطلعت الأربعين رحت بيت أمي ومرة اختي لاحظت ان الشغالة تغسل ملابس البيبي في غسالة أهلي وتكوي ملابسه على طاولة الكوي الخاصة بأهلي وجاتني أختي وعلمتني بالسالفة.
وناديت الشغالة وسألتها هل صحيح انها تغسل تمزج ملابس البيبي مع ملابس الكبار وتكوي على طاولة الكوي مالت أهلي فقالت لي لا مدام مب صحيح انا أعزل ملابس البيبي وأغسلها بروحها .
فقلت لها راح انادي شغالة أمي وأسألها هل هالشيء صحيح ؟
ومن خوفها لا تفتضح جدام شغالة أمي اعترفت انها كذبت علية وكانت تمزج ملابس البيبي بالملابس الثانية المهم سألتها ليش سوت جي ؟ ماجاوبت على سؤال فحذرتها هذي آخر مرة وصرفتها .

للعلم ملابس ولدي ميني سايز لأنه وايد صغير يعني لمن تكويها بالمكواة الصغيرة ماتاخذ نصف دقيقة

قعدت أفكر هذي أنا ماقدرت أأمنها على ملابس البيبي فكيف أقدر أأمنها على بيبتي وعلى البيبي

المهم بعد أسبوع رجعت شقتي وطلبت من الشغالة تحط عشاء عالطاولة المهم تخيلوا شو صار ؟

كنت مرقدة ولدي محمد وقتها كان مكمل 45 يوم من ولادته المهم كنت مرقدتنه في الكرسي الهزاز ماله وكنت قاعدة أنا وأختي نطالع التلفزيون المهم جات الشغالة تفرش الحصير"النايلون" على الطاولة ولمن رن جرس الباب حطت النايلون على وجه ولدي وراحت تفتح الباب ولمن انتبهت للنايلون شفت انها حاطة النايلون على وجهه ولو ماشلته كان بيختق لأن لفة النايلون ثقيلة ومن العصبية سألتها وين حطت النايلون قالت لي ماأدري مدام نسيت وين حطيته فقلت لها هل هذا مكان تحطين عليه النايلون على وجه البيبي ؟
تخيلوا شو كان ردها ؟ Oooooh madam i didnt see the baby .

معقولة انها ماشافت البيبي رغم اني مب مغطيته بشيء أنا اللي نظري ضعيف أقدر أشوف ان الكرسي مب خالي ولله الحمد اليوم كنت موجودة وتلاحقته ربي يحفظه بس باجر ممكن تحط عليه لحاف وتخنقه وتقول أووووه مدام ماإنتبهت ان البيبي في الكرسي لذلك بعد اسبوع سفرتها وسبحان الله هذا هو احساس الأم علشان جي كنت متخوفة منها أول ماولدت وماكنت أعطيها البيبي .

لذلك أتمنى ان الكل ينتبه لأطفاله وخصوصاَ الأطفال اللي أعمارهم تقل عن السنة .

ودايم إقروا على أطفالكم هالأدعية :
((آية الكرسي - بسم الله الذي لا يضر مع اسمه شيء في الأرض ولا في السماء وهو السميع العليم- أعيذ طفلي بكلمات الله التامة من كل شيطان وهامة ومن كل عين لامة - اللهم إني استودعك طفلي أمانه فاحفظه لي من كل سوء))

.

:(موضوع رائع ومؤلم جدا
ماني قادرة اكتب من اللي احس فيه
ماقول لكم اني ماادري في امهات مهملات ادري بس لهالدرجة معقولة؟
انا من الناس اللي ماحب انتقد ام لانه كنت اظن انو مافي ام الاوتغلط بس تكون من جماعة اجتهد فاأخطأ
لكن الان احس ان في امهات استغفر الله العظيم مايستاهلون الامومة
الامومة عزيزتي تكليف وليست تشريف فالحين تدلعون بعيالكم بس ماتعرفون تحافظون عليهم؟
تلاقينها تتعمد عند اللي ماربي عطاها تتعمد عيالي كذا وكذا عيالي سوو كذا وعملو كذا
انا الحمد لله عندي ثلاثة واحاول اكون نعم الام مااقول عمري ماغلطت بس ياناس في حدود للغلط بعد كذا مايسمى غلط يصير جريمة
من المواقف اللي كنت متحمسة احطها اول ماقريت العنوان ويمكن ناس كثير عادي عندهم من كثرة ماشفته ان الام تقول للبنت ياحيوانة وللولد ياحيوان؟؟؟؟؟
ليش؟
من المواقف اللي يمكن عادي بعد ان البنت كبيرة ومليانة بس لسه مبلغت عادي تلبسها انواع الخلاعة
ليش؟:09:

الله يجعله بميزان حسناتك اختي المتغليه

ودي ارتب المموضوع واطبعه

من جد قهر

وين الوعي

بعض الامهات يمكنها غافله .. لو يكون عندها وعي وعلم يمكن تتحسن

اااااااااااااااخ بس انقهرت

مثل الولد اللي نزل البقاله
الام .. في هالحاله 100 % ماكان يجي ببالها ان الولد بيتعرض لاي شي ولا ماكان صارت بهالبرود

لاحول ولاوقة الا بالله

لا ويلومك ليه انت موسوسه
ليه ماتخلين الشغاله تمسك عيالك !!!!!!!

عجب