AMAL 3MRY @amal_3mry

عضوة جديدة

مشتاااااااقة أبي .................... والله الكريم العاطي

بسم الله الرحمن الرحيم

السلام عليكم ورحمة الله وبركاته

صباح الخير .. الله يجعله يوم مبارك ع الجميع

بالبداية أبي أكلمكم شوي وأدردش معكم قبل الموضوع ..

اليوم دق صديق زوجي عليه وبشره إنه جاه ولد وفرح له زوجي باللحيل لأنه ياحول توه متوفي أبوه وبيتهم شبه ناسي الفرح والحمد لله الله رحمهم بهالولد ..

المهم زوجي من شدة الفرح قالي تصدقين تحمست يجيني تركي << لأني مبلشته أبي ولد واسميه تركي :icon28:

أنا الحمد لله عندي ولد وبنتين الله يصلحهم ويخليهم ويرزقنا برهم يارب العالمين , بنتي الصغيرة الشهر الجاي تكمل سنة !
وهوكان رافض مسألة الحمل هذي ويقول اصبري شوي لين تكبر البنت وبعدين يفرجها ربي .. واليوم فاجأني بحماسه للولد !!

وأنا كنت قبل أقوله نفسي بتوأم أولاد دام الله رزقني البنت اللي كنت أتمنى وهو كان رافض وبشده ما يحب التوائم , وبعدين وافق بس بشرط نصبر كم سنه لين تكبر البنت بحول الله وقوته وبعدين نفكرإذا الله أراد ..

اللحين نجي لموضوعي الأساسي :

دام هو اللي فكر وقال بلسانه يبي ولد أخذته فرصة عشان أعيد عليه موضوع التوأم ..

والله مشتاقة مره والله يرزقنا ويعطينا العطا الصالح ياااااااااارب وكل من قال آمين ..

فطلبي منكم وش أسوي وين أروح ووشي نصايحكم خصوصاً المجربات ,, والتجربة خير برهان :42:

وعلى فكرة اليوم أول يوم لي بالدورة .. أبي معلومات دقيقة أتبعها من أول يوم لين يتم الحمل بإذن الله ..

تكفون لا تقولون لي دوري القسم مليان قسم بالله دار راسي بهالمواضيع ولا فهمت شي يمكن لأني ماجربت ولا أدري عن بعض الأدوية والأشياء اللي يشربونه عشان الحمل بتوأم أولاد , من كلوميد للشراب الأصفر مدري الأخضر للميرمية لبطاطا مدري وش لـ .. لـ ... لــ ........... << تبي تبن لكم إنه قرأت ما قصرت هع

الله يخليكم لا تهملون موضوعي .. والله الرازق أولاً وأخيراً

وعلى فكرة ترا ما عمري جربت شي أبد أبد للحمل بالبنت أو الولد _ وكله بأمر الله سبحانه _ إلا آخر حمل لي ( دعيت الله ) أن يرزقني بنت وعطان الله ما أتمنى ... الحمد لك ياااااااارب ياحبيبي على ما رزقتني .

وأيضاً ولله الحمد دورتي منتظمة ولا عندي مشاكل بالحمل الحمد لله بس عندي قرحة وحملت عليه ببنتي صح حسيت الموت بحملي من وجع ظهري وطول الوقت وأنا نايمه على ظهري بس إن شاء الله تتسهل لي وأكويها وأرتاح :44:

وترتيب حملي بعيالي : بنت , ولد , بنت ... يعني يمكن وكله بأمر الله إن الدور هالمرة على ولد إن شاء الله :) وإن شاء الله ربي بيرزقني يتوأم أولاد :39: ..

أنتظركم

::

685

يلزم عليك تسجيل الدخول أولًا لكتابة تعليق.

تسجيل دخول

اوراق الزيزفون • 13 سنة

الله يرزقك بالي تمنين ما اعرف بس حبيت ارفع الموضوع

همس ود • 13 سنة

شوفي الله يرزقك الي تمنين بس ...تراء حمل التووووام مو سهل روحي لدكتوووره شاطره وشوفي رايهاااااااااااا
الله يحقق الي ودك فيه يارب ...ادعيلي اني اولد ورتااااااح

محرومه من زوجي • 13 سنة

عندك حبوب الفايتكس لتنشيط التبويض ومايسبب تكيس
وحبوب فيمارا كمان ماتسبب تكيس
ابحثي عنهم عشان تتطمنين

AMAL 3MRY • 13 سنة

والله أدري حبيبتي إنه موب سهل وكل شي بثمنه ...

الله ييسر لنا ويرزقنا الذرية الصالحة الكاملة يارب .............

AMAL 3MRY • 13 سنة

محرومه من زوجي :

عندك حبوب الفايتكس لتنشيط التبويض ومايسبب تكيس وحبوب فيمارا كمان ماتسبب تكيس ابحثي عنهم عشان تتطمنين

عندك حبوب الفايتكس لتنشيط التبويض ومايسبب تكيس وحبوب فيمارا كمان ماتسبب تكيس ابحثي عنهم عشان...

طيب هذي للتوأم ؟ ومتى آخذها وكيف الطريقة ؟ حبيبتي الله يخليك إذا مجربتها أكتبي لي طريقتك بالتفصيل ..

وأنا ودي أروح دكتورة بس ما أعرف أحد بمنطقتي اللي أنا فيها .. ما أعرف أحد للأسف :44:

الله يفرج همك ويسعدك ويجمعك مع زوجك على خير يارب العالمين ..