مساء / صباح
الفل والكادي لأحلى حوائيات
اليوم نويت أشن حملة تنظيف ع البيت
خاصة ً وإني من حملت وأنا عندي مشاكل صحيه وقضيت هالتسع شهور مابين المستشفيات وبيت أهلي
وتركت بيتي وزوجي لحد ماتحدد موعد الولاده ورجعت ولله الحمد حتى أولد بديرتي وعند زوجي
ولكن المصيبه البييييييييييت كيف كاااان لما رجعت غباااااااااااار مع ان زوجي حاول قد مايقدر ينظفه قبل ماأرجع بس
تنظيف الرجل عمره ماكان مثل تنظيف المره
وبما إنه الرحم نازل عندي والجنين تعبان ماحبيت أجهد نفسي في الشغل وقررت أجيب شغاله بالساعه حتى تساعدني
ولكن للأسف مااحصلت >> بنات الخبر اللي تعرف وحده تأجر شغالات ترسلي رقمها جزاها الله عني كل خير..
فقررت إني أنظف بيتي شوي شوي وأشتغل على مهلي حتى ماأضر نفسي أو الجنين
ونظفت اللي أقدر عليه ومسحت الغبره اللي بغرفتي وغرفت بنتي وغرفة الجلوس
ولكن لاابد من التنظيف العمييق حتى أحس إني فعلا ً نظفت
فقررت إني أشن هجوم عنيف ع البيت وأشن حمله ع الأوساخ والأتربه
وماراح تتم الحمله إلا بوجود بعض المنظفات اللي مالنا غنى عنها
فنويت أنزل للسووق وأشتري بعض المنظفات..
للأمانه المنظفات جميعها أول مره أشتريهم وإن شاء الله يبيضون الوجه
كنت مسجله بورقة المشتروات " العملاق الأخضر- صابون الوزير- سيتروس- 409 - برسيل - فيري المذيب العجيب "
ولكن للأسف عند هالمحل ماحصلت غير العملاق الأخضر من اللي كانو مسجلين بورقتي...
أدري طولت عليكم وقلت لكم قصة حياتي
بس تحملوني
وأدعولي إنه الله ييسرلي هالحمل على خير
وأولد بالسلامه ويكون الجنين بصحه وعافيه ...
نبتدي بالمشتروات ...
رحلتي كانت لمحل قمة التوفير فرع الخبر الثقبه
وهم مركزهم الأساسي في الرياض
وهذي صورة الكيس للي تبغى تعرف عنوانهم ...
وهنا العنوان أوضح
وهذي مشترواتي ..
صوره جماعيه للحلوين
صوره ثانيه ...
يتبع إن شاء الله<<<
سيد المجموعه كلها والغني عن التعريف العملاق بشهرته الواسعه عند الجميع
العملااق الأخضر
أخذت حبتين الحبه على 5ريال..
إيما منظف أرضيات ريحته تجنن بـ5ريال..
معطر للمناشف برائحة الورد بـ5ريال..
صابون سائل لليدين silk كنت مجربه اللي بالفواكه والرمان وريحتهم زينه
اليوم أخذت بالعسل بـ5ريال..
Nisc معطر للملابس بـ 5ريال..
ريحته رهيبه شطفت فيه ملابس بنتي ..
الماسي صابون غسيل الصحون بالليمون بـ 5ريال..
يتبع إن شاء الله <<<