مشترياتي امس

السلام عليكم شخباركم بنات
امس رحت السوق مع اختي ومن كثر اللف طفشت قلت لخوي بدخل محل الكريمات وشامبوهات وهالخرابيط احب اجلس اناظرها خخخخخخ
دخلت واقعد اناظر وخوي وراي يطالعني و3 من اصحاب المحل يطالعون>>>>> وش تبي ذي
ماغير عيوني فوق وتحت مايدرون اني استمتع بهالأشياء ودي المحل بكبره عندي في البيت المهم ياربي وش اخذ كل شي مغري وخوي فوق راسي اخلصي يابنت ماحد فاضيلك وانا خلاص استسلمت بطلع بصراحه عذاااب بس ماني طالعه ويدي فاضيه والله واخذ الضروريات كريم جلسوليد وزيت جونسون وقناع البابايا وقلت ابغى صابونة بابايا وروح جهة الصوابين ياربي وش ذا؟ اشكال وانواع بصراحه تحير وترجع نفس حالة السراحان مره ثانيه خخخخخ
اخوي ارتفع ضغطه اخلصي اقول ماني رايق لك وانا طيب طيب خلصت واخذ صابونه شكله جديد بابايا 7 في1 واطلع وانا قلبي يتقطع على الباقي
المهم وناخذ اختي ورجعنا للبيت
بعد ماخلصت شغلي تذكرت الصابونه طلعت وغسلت وجهي بالصابونه والله بصراحه رهيب رهيب رهيب ينظف بضمير ومايجفف البشره على فكره شكل الصابون مغري جاي لونه بيج فاتح وفيها قطع صغيره ورق ريحان ...
صحيت الصبح وجهي صافي رطب ومافي دهون ولله الحمد
لو اعرف انزل صور كان صورته ونزلت صورته حتى في قوقل مالقيت صورته
.
اللهم لك الحمد قبل الرضى ولك الحمد عند الرضى ولك الحمد بعد الرضى