اخذت طقم صواني قزاز تجي ٣ حبات ولها غطاء سيلكون أخذت هالمقاس لان عائلتي صغيره ومابي الاكل يجلس او ينكب بحيث اني أنوع في اطباقي بس بكميه صغيره ، وهذي طاسه او حافظه من دون غطاء اعجن فيها لان ماعندي عجانه لأني بغربه وإلا العجانه مرره ممتازه الله يعيي رمضان هذا بعجن بيدي عشان كذا أخذت هالطاسه كبيره شوي أخذ راحتي في العجن طبعا هي بلاستيك قوي تقريبا .
أخذت صحون وملاعق بلاستك وقت مايكون عندي ضيوف بلا غسيل بلا وجع راس
أخذت هذي الزينه زي الفانوس بس من الورق تقريبا وفيه لمبه صغيره يشتغل على البطاريه بس للأسف طلع ملون ومكتوب عليه حق حفل تخرج وكذا انا احسبه ابيض ساده بس يلا مو مشكله .
وبس هذي أغراضي البسيطه أتمنى تفيدكم وباقي لي نزله أدور لي كم شغله احتاجها متى ما اخذتها وريتكم إياها .
وبالمناسبه أماكن هذي الأغراض بامريكا لأني بغربه الحين الله يسهل علينا صيام رمضان يارب ونرجع للبلد قريب ان شاء الله